Sunny Leone: ಅರೆರೆ... ಸನ್ನಿ ಲಿಯೋನ್​ ತುಟಿಗೆ ಇದೇನಾಗೋಯ್ತು? ಹಾಸಿಗೆ ಮೇಲಿಂದ್ಲೇ ಅಳಲು ತೋಡಿಕೊಂಡ ನಟಿ!

ಮಾದಕ ನಟಿ ಸನ್ನಿ ಲಿಯೋನ್​ ಇದೀಗ ತಮ್ಮ ತುಟಿಗೆ ಗಾಯ ಮಾಡಿಕೊಂಡಿದ್ದು, ಅದರ ವಿಡಿಯೋ ಶೇರ್​ ಮಾಡಿದ್ದಾರೆ. ಅಷ್ಟಕ್ಕೂ ಅವರಿಗೆ ಆಗಿದ್ದೇನು?

ಹಿಂದೊಮ್ಮೆ ಪೋ*ರ್ನ್​ ಸ್ಟಾರ್​ ಎಂದು ಗುರುತಿಕೊಂಡಿದ್ದ ಸನ್ನಿ ಲಿಯೋನ್​ ಇಂದು ಹಲವಾರು ಸಮಾಜಮುಖಿ ಕಾರ್ಯಗಳನ್ನು ಮಾಡುವ ಮೂಲಕ ಜನಪ್ರಿಯರಾಗುತ್ತಿದ್ದಾರೆ. ಕೆಲವು ಮಕ್ಕಳನ್ನು ದತ್ತು ಪಡೆದು ಅವರನ್ನು ಸಾಕುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಆದರೆ ಇಂದಿಗೂ ಸನ್ನಿ ಲಿಯೋನ್​ ಎಂದರೆ ಅದೇ ಮಾದಕ ತಾರೆಯದ್ದೇ ನೆನಪಾಗುತ್ತದೆ. ಅದ್ಭುತ ಮೈಮಾಟದಿಂದಲೇ ಫೇಮಸ್​ ಆಗಿರೋ ನಟಿ, ಸಾಮಾಜಿಕ ಜಾಲತಾಣದಲ್ಲಿ ಸದಾ ಒಂದಿಲ್ಲೊಂದು ವಿಡಿಯೋ, ಫೋಟೋ ಶೇರ್​ ಮಾಡಿಕೊಳ್ಳುತ್ತಲೇ ಇರುತ್ತಾರೆ. ಇವರು ಶೇರ್​ ಮಾಡಿಕೊಳ್ಳುವ ವಿಡಿಯೋಗಳಲ್ಲಿ ಹಲವು ತಮಾಷೆಯ ವಿಡಿಯೋಗಳೇ ಇರುತ್ತವೆ. ಆದರೆ ಇದೀಗ ಅವರು ಶೇರ್​ ಮಾಡಿಕೊಂಡಿರುವ ವಿಡಿಯೋ ಮಾತ್ರ ಭಯಂಕರವಾಗಿದೆ. ಮುಂಬೈನಲ್ಲಿಯೇ ಮನೆ ಖರೀದಿಸಿರುವ ಸನ್ನಿ, ತಮ್ಮ ಪತಿ ಹಾಗೂ ಮಕ್ಕಳೊಂದಿಗೆ ಅಲ್ಲಿಯೇ ನೆಲೆಸಿದ್ದು, ಈಗ ಮನೆಯ ಬೆಡ್​ರೂಮ್​ನಿಂದ ವಿಡಿಯೋ ಮಾಡಿದ್ದು, ಅದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸೌಂಡ್​ ಮಾಡುತ್ತಿದೆ. ಹಳೆಯ ವಿಡಿಯೋ ಇದಾಗಿದ್ದು, ಪುನಃ ವೈರಲ್​ ಆಗಿದೆ.

ಸನ್ನಿ ಲಿಯೋನ್ ಬೆಡ್​ರೂಮ್​ನಿಂದ ಶೇರ್​ ಮಾಡಿಕೊಂಡಿರುವುವುದು ಅವರ ತುಟಿಯ ಬಗ್ಗೆ. ನಟಿಯ ತುಟಿಗೆ ಗಾಯವಾಗಿದ್ದು, ಆ ಬಗ್ಗೆ ಅವರು ವಿಡಿಯೋ ಮಾಡಿ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಸಕತ್​ ವೈರಲ್​ ಆಗಿದ್ದು, ಹಲವರು ಹಲವು ಬಗೆಯ ಕಮೆಂಟ್​ ಮಾಡುತ್ತಿದ್ದಾರೆ. ಸನ್ನಿ ಲಿಯೋನ್​ ಹಾಗೂ ಆಕೆಯ ತುಟಿಯ ಗಾಯ ಎಂದಾಕ್ಷಣ ಹಲವರ ಗಮನ ಬೇರೆ ಬೇರೆ ಕಡೆ ಹೋಗಬಹುದು. ಹಾಗೆಂದು ಯಾರೂ ತಪ್ಪು ತಿಳಿದುಕೊಳ್ಳುವುದು ಬೇಡ. ಅಷ್ಟಕ್ಕೂ ಅವಳ ತುಟಿಗೆ ಗಾಯ ಆಗಿರುವುದಕ್ಕೆ ವಿಚಿತ್ರ ಕಾರಣವೂ ಇದೆ.

ಅಷ್ಟಕ್ಕೂ ಸನ್ನಿ ಲಿಯೋನ್​ಗೆ ತುಟಿಗೆ ಗಾಯವಾಗಲು ಕಾರಣ ಬೇರೆ ಏನೂ ಅಲ್ಲ, ಬದಲಿಗೆ ಮೊಬೈಲ್​! ಆಗಿದ್ದೇನೆಂದರೆ, ಈಕೆ ಮೊಬೈಲ್ ನೋಡುತ್ತಿದ್ದಾಗ ಅದು ಜಾರಿ ಮುಖದ ಮೇಲೆ ಬಿತ್ತಂತೆ. ತುಟಿಯ ಮೇಲೆ ಬಿದ್ದುದರಿಂದ ಬಲವಾಗಿ ಹೊಡೆತ ಬಿದ್ದಿದ್ದು, ಗಾಯವಾಗಿ ರಕ್ತಬಂದಿದೆಯಂತೆ. ಇದನ್ನು ನಟಿ ಶೇರ್ ಮಾಡಿಕೊಂಡಿದ್ದಾರೆ. ಇಷ್ಟೆಲ್ಲಾ ರಕ್ತ ಬಂದರೂ, ತಮ್ಮ ಪತಿ ತುಟಿಯ ಬಗ್ಗೆ ಯಾಕೋ ಕೇರೇ ಮಾಡುತ್ತಿಲ್ಲ ಎಂದು ಸನ್ನಿ ಹುಸಿಗೋಪ ತೋರಿಸಿದ್ದಾರೆ. ತಾವು ವಿಡಿಯೋ ಮಾಡಿ ನೋವು ಅನುಭವಿಸುತ್ತಿದ್ದರೂ ಪತಿ ಡ್ಯಾನಿಯಲ್​ ಯಾವುದೇ ಚಿಂತೆಯಿಲ್ಲದೇ ನಿಶ್ಚಿಂತೆಯಿಂದ ಮಲಗಿರುವ ಬಗ್ಗೆ ವಿಡಿಯೋದಲ್ಲಿ ಸನ್ನಿ ತೋರಿಸಿದ್ದಾರೆ.

ಇದನ್ನು ನೋಡಿ ನೆಟ್ಟಿಗರು ನಟಿಗೆ ಬುದ್ಧಿಮಾತು ಹೇಳಲು ಶುರು ಮಾಡಿದ್ದಾರೆ. ಒಮ್ಮೆ ತುಟಿಯ ಮೇಲೆ ಮೊಬೈಲ್​ ಬಿದ್ದರೂ, ಈಗ ಪುನಃ ಮುಖದ ಮೇಲೆಯೇ ಇಟ್ಟುಕೊಂಡು ವಿಡಿಯೋ ಮಾಡುತ್ತಿರುವಿರಲ್ಲ, ಏಕೆ ಬುದ್ಧಿ ಬರಲಿಲ್ಲ ಎಂದು ಕೇಳಿದ್ದಾರೆ. ಇನ್ನು ಹಲವರು ತರ್ಲೆ ಕಮೆಂಟಿಗರು, 'ನಿಮ್ಮ ತುಟಿ ಗಾಯವಾಗಲು ಇಷ್ಟೇ ಕಾರಣನಾ? ನಾವು ಏನೋ ಅಂದುಕೊಂಡು ಬಿಟ್ಟಿದ್ದೆವು' ಎಂದಿದ್ದಾರೆ. ನೀಲಿ ತಾರೆಯೆಂದೇ ಕೆಲ ವರ್ಷಗಳ ಹಿಂದಿನವರೆಗೂ ಪರಿಚಿತರಾಗಿದ್ದ ಸನ್ನಿ, ಅದೆಲ್ಲವನ್ನೂ ಹಿಂದಕ್ಕೆ ಸರಿಸಿ ಈಗ ಪತಿ ಮತ್ತು ಮಕ್ಕಳೊಂದಿಗೆ ಮುಂಬೈನಲ್ಲಿ ನೆಲೆಸಿದ್ದಾರೆ. ಇವರ ಹಿನ್ನೆಲೆ ಹೇಳುವುದಾದರೆ, ಅಮೆರಿಕದಲ್ಲಿ ಸನ್ನಿ ನೆಲೆಸಿದ್ದರು. ಅವರ ನಿಜವಾದ ಹೆಸರು ಕರೆಂಜಿತ್ ಕೌರ್ ವೋಹ್ರಾ. ಇವರನ್ನು ಭಾರತೀಯ ಚಿತ್ರರಂಗಕ್ಕೆ ಪರಿಚಯಿಸಿದ್ದು ಹಿಂದಿಯ ಬಿಗ್ ಬಾಸ್. 2011ರಲ್ಲಿ ಬಿಗ್ ಬಾಸ್ 5ನೇ ಸೀಸನ್ ನಲ್ಲಿ ಭಾಗವಹಿಸಿದ್ದರು. ನಂತರ ಪೂಜಾ ಭಟ್ ತಮ್ಮ 'ಜಿಸ್ಮ್ 2 ಚಿತ್ರದಲ್ಲಿ ನಟಿಸಿಲು ಕೇಳಿಕೊಂಡರು. ಅಲ್ಲಿಂದ ಸನ್ನಿ ಲಿಯೋನ್ ಬಾಲಿವುಡ್​ಗೆ ಎಂಟ್ರಿ ಕೊಟ್ಟರು.