ಬೆಂಗಳೂರು(ಸೆ.24): ಸಿನಿಮಾದ ಟೈಟಲ್ ವಿವಾದಕ್ಕೆ ಸಿಲುಕಿದೆ. ಟೈಟಲ್ ವಿಚಾರಕ್ಕೆ ಸಂಬಂಧಿಸಿದಂತೆ ನಿರ್ದೇಶನ ಎಸ್.ಮಹೇಂದರ ವಿರುದ್ದ ನಟ ಬಿ.ಸಿ ಪಾಟೀಲ್ ಗರಂ ಆಗಿದ್ದಾರೆ. ಒನ್ಸ್ ಮೋರ್ ಕೌರವ ಸಿನಿಮಾದ ಟೈಟಲನ್ನು ನಾನು ರಿಜಿಸ್ಟರ್ ಮಾಡಿಸಿದ್ದೇನೆ. ಈ ಸಿನಿಮಾ ಮಾಡುವುದಕ್ಕೆ ಎಸ್. ಮಹೇಂದರ್‌ಗೆ ಹಣವನ್ನು ಕೊಟ್ಟಿದ್ದೇನೆ. ಆದರೆ ಇವತ್ತು ನನ್ನನ್ನ ಬಿಟ್ಟು ಸಿನಿಮಾ ಮಾಡುತ್ತಿರುವುದು ಸರಿಯಲ್ಲವೆಂದು ಆಕ್ರೋಶ ವ್ಯಕ್ತಪಡಿಸಿದರು. ಹಾವೇರಿಯ ಹಿರೇಕೆರೂರಿನಲ್ಲಿ ಮಾತನಾಡಿದ ಪಾಟೀಲ್, ಕರ್ನಾಟಕಕ್ಕೆ ಒಬ್ಬನೆ ಕೌರವ, ಮೀಸೆ ಹಚ್ಚಿಕೊಂಡವರೆಲ್ಲ ಕೌರವ ಆಗಲು ಸಾಧ್ಯವಿಲ್ಲ. ಅದು ಮಹೇಂದರ ಅವರ ದಡ್ಡತನ ಅಂತ ಪಾಟೀಲ್ ಗುಡುಗಿದ್ದಾರೆ.