ಜೋಡಿಯಾಗಿ ರಿಷಿ ಕಪೂರ್ ಭೇಟಿ ಮಾಡಿದ ಮಲೈಕಾ-ಅರ್ಜುನ್
ಸಾರಾಂಶ
ನ್ಯೂಯಾರ್ಕ್ ನಲ್ಲಿ ರಿಷಿ ಕಪೂರ್ ಭೇಟಿ ಮಾಡಿದ ಮಲೈಕಾ-ಅರ್ಜುನ್ | ರಿಷಿ ಆರೋಗ್ಯಕ್ಕಾಗಿ ಹಾರೈಕೆ |
ಬಾಲಿವುಡ್ ಹಿರಿಯ ನಟ ರಿಷಿ ಕಪೂರ್ ನ್ಯೂಯಾರ್ಕ್ ನಲ್ಲಿ ಕ್ಯಾನ್ಸರ್ ಟ್ರೀಟ್ ಮೆಂಟ್ ಪಡೆಯುತ್ತಿದ್ದಾರೆ. ಸಾಕಷ್ಟು ಬಾಲಿವುಡ್ ಸೆಲಬ್ರಿಟಿಗಳು ಅವರನ್ನು ಭೇಟಿ ಮಾಡಿ ಆರೋಗ್ಯ ವಿಚಾರಿಸಿದ್ದಾರೆ.
ನ್ಯೂಯಾರ್ಕ್ ಗೆ ತೆರಳಿದ್ದ ಮಲೈಕಾ ಅರೋರಾ ಹಾಗೂ ಅರ್ಜುನ್ ಕಪೂರ್ ರಿಷಿ ಕಪೂರನ್ನು ಭೇಟಿ ಮಾಡಿದ್ದಾರೆ. ಉಭಯ ಕುಶಲೋಪರಿ ವಿಚಾರಿಸಿದ್ದಾರೆ.
ಈ ಫೋಟೋವನ್ನು ರಿಷಿ ಕಪೂರ್ ಶೇರ್ ಮಾಡಿದ್ದು, ‘ ನನ್ನನ್ನು ನೋಡಲು ಬಂದಿದ್ದಕ್ಕೆ ಮಲೈಕಾ ಹಾಗೂ ಅರ್ಜುನ್ ಥ್ಯಾಂಕ್ಸ್ ಎಂದು ಹೇಳಿದ್ದಾರೆ.
ಅರ್ಜುನ್ ಕಪೂರ್ , ರಿಷಿ ಕಪೂರ್ ಹಾಗೂ ನೀತೂಗೆ ಥ್ಯಾಂಕ್ಸ್ ಹೇಳಿದ್ದಾರೆ. ನಮ್ಮ ಮನೆ ರೀತಿ ನಮಗೆ ಆತೀಥ್ಯ ನೀಡಿದ್ದಕ್ಕೆ ಥ್ಯಾಂಕ್ಸ್. ನೀವು ಕ್ಯಾನ್ಸರ್ ವಿರುದ್ಧ ಹೋರಾಡುವ ರೀತಿ ಇನ್ಸ್ಪೈರ್ ಆಗುವಂತಿದೆ. ನೀವು ಶೀಘ್ರದಲ್ಲೇ ಮುಂಬೈಗೆ ಹಿಂತಿರುಗುವುದನ್ನು ನೋಡಲು ಇಷ್ಟಪಡುತ್ತೇವೆ. ಆದಷ್ಟು ಬೇಗ ಬನ್ನಿ ಎಂದು ಹಾರೈಸಿದ್ದಾರೆ.
ಅರ್ಜುನ್ ಕಪೂರ್ 34 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದು, ಬರ್ತಡೇಗಾಗಿ ನ್ಯೂಯಾರ್ಕ್ ಗೆ ತೆರಳಿದ್ದರು. ಅಲ್ಲಿ ಒಂದಷ್ಟು ಕ್ವಾಲಿಟೇಟಿವ್ ಸಮಯ ಕಳೆದಿದ್ದಾರೆ. ಮಲೈಕಾ ಜೊತೆಗಿನ ಫೋಟೋವನ್ನು ಶೇರ್ ಮಾಡಿಕೊಂಡು, ನನ್ನ ಹೃದಯ ಅವಳ ಬಳಿಯಿದೆ ಎಂದು ಸ್ಟೇಟಸ್ ಹಾಕಿದ್ದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.