Daily Horoscope: ಧನಸ್ಸಿನ ವೈವಾಹಿಕ ಸಮಸ್ಯೆಗಳಿಗೆ ತಾತ್ಕಾಲಿಕ ಅಂತ್ಯ

10 ಜನವರಿ 2022, ಸೋಮವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ಮೇಷದ ಕೆಲಸ ಅರ್ಧಕ್ಕೇ ನಿಂತು ಆತಂಕ, ಉಳಿದ ರಾಶಿಗಳ ಫಲವೇನು?

ಮೇಷ(Aries): ಆರಂಭವಾದ ಕೆಲಸವೊಂದು ಅರ್ಧಕ್ಕೇ ನಿಲ್ಲಲಿದೆ. ಮಕ್ಕಳ ಕಲಿಕೆ ವಿಷಯದಲ್ಲಿ ಆತಂಕ ಹೆಚ್ಚಬಹುದು. ಬೃಹತ್ ಕೈಗಾರಿಕೆ, ರಿಯಲ್ ಎಸ್ಟೇಟ್ ಮುಂತಾದ ಉದ್ಯಮದಲ್ಲಿರುವವರು ನಷ್ಟದಿಂದ ಕಂಗಾಲಾಗಬಹುದು. ಅವಿವಾಹಿತರಿಗೆ ನಿರಾಶೆ. ಶಿವ ಶಕ್ತಿಯರ ಪ್ರಾರ್ಥನೆ ಮಾಡಿ. 

ವೃಷಭ(Taurus): ಪ್ರಯಾಣಗಳಲ್ಲಿ ಅಡೆತಡೆಗಳು ಉಂಟಾಗಬಹುದು. ವೃಥಾ ಖರ್ಚು ವೆಚ್ಚಗಳು ಹೆಚ್ಚಲಿವೆ. ಉದ್ಯೋಗ ಸ್ಥಳದಲ್ಲಿ ಸಹೋದ್ಯೋಗಿಗಳ ಕಿರಿಕಿರಿಯಿಂದ ಬೇಸತ್ತು ಹೋಗುವಿರಿ. ವ್ಯಾಪಾರಿಗಳಿಗೆ ಪ್ರತಿಸ್ಪರ್ಧಿಗಳಿಂದ ಆರ್ಥಿಕ ಹೊಡೆತ ಹೆಚ್ಚಲಿದೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ. 

ಮಿಥುನ(Gemini): ನೀವು ಮನೆಯವರ ಬಗ್ಗೆ ತೋರುತ್ತಿರುವ ಅಸಡ್ಡೆಯ ಪರಿಣಾಮಗಳನ್ನು ಎದುರಿಸುವಿರಿ. ಗಡಿಬಿಡಿಯಲ್ಲಿ ಕೆಲಸ ಮುಗಿಸಲು ಹೋಗಿ ಎಡವಟ್ಟಾಗಬಹುದು. ರಾಜಕೀಯ ರಂಗದಲ್ಲಿರುವವರಿಗೆ ಹಿರಿಯರ ಪಿತೂರಿ ಅರಿವಾಗಿ ಅಸಮಾಧಾನ ಆಗಬಹುದು. ನವಗ್ರಹ ಶ್ಲೋಕ ಹೇಳಿಕೊಳ್ಳಿ. 

ಕಟಕ(Cancer): ಸ್ಥಿರಾಸ್ಥಿ ಇಲ್ಲವೇ ವಾಹನ ಮೇಲೆ ಸಾಲ ಮಾಡಿ ಚಿಂತಿತರಾಗುವಿರಿ. ರೋಗಗಳ ಕುರಿತ ಆತಂಕ ಹೆಚ್ಚಲಿದೆ. ಪಾಲುದಾರಿಕೆ ಕೆಲಸಗಳಲ್ಲಿ ಮನಸ್ತಾಪ ಎದುರಾಗಬಹುದು. ತಂದೆಯ ಸಹಾಯ ನಿರೀಕ್ಷೆ ಮಾಡಬಹುದು. ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಲಿದೆ. ಇರುವೆಗಳಿಗೆ ಸಿಹಿ ತಿನ್ನಿಸಿ ಗಣಪತಿಯಲ್ಲಿ ಪ್ರಾರ್ಥಿಸಿ. 

Personality Traits: ಈ 4 ರಾಶಿಯವರು ತುಂಬಾ ಎಮೋಷನಲ್ ..!

ಸಿಂಹ(Leo): ಸಂಗಾತಿಯ ನಡೆ ಮನಸ್ಸಿಗೆ ಹಿತ ತರಲಿದೆ. ಉದ್ಯೋಗದಲ್ಲಿ ಕೆಲಸಗಳು ಹೆಚ್ಚಿ ಸಮಯ ಸಾಲದೆ ಹೋಗಬಹುದು. ಸಂಜೆಯ ವೇಳೆಗೆ ತಲೆಶೂಲೆ, ಬೆನ್ನುನೋವಿನಂಥ ಕಿರಿಕಿರಿಗಳು ಬಾಧಿಸಲಿವೆ. ಮಕ್ಕಳ ಪ್ರಗತಿ ಕಂಡು ಸಮಾಧಾನವಾಗುವುದು. ಶಿವ ಶತನಾಮಾವಳಿ ಹೇಳಿಕೊಳ್ಳಿ. 

ಕನ್ಯಾ(Virgo): ಆರೋಗ್ಯ ಸಂಬಂಧಿ ಖರ್ಚು ವೆಚ್ಚಗಳು ಹೆಚ್ಚಲಿವೆ. ಆಸ್ಪತ್ರೆಗೆ ಅಲೆದಾಡಲಿದ್ದೀರಿ. ಇನ್ಶೂರೆನ್ಸ್‌ಗಳು ಸಹಾಯವಾಗಲಿವೆ. ಮಾತು ನಯವಾಗಿರಲಿ. ಕೆಲಸದಲ್ಲಿ ತಾಳ್ಮೆಯಿರಲಿ. ದಾಂಪತ್ಯದಲ್ಲಿ ಜಗಳಗಳು ಹೆಚ್ಚಿ ನಿದ್ದೆ ಕೆಡಬೇಕಾಗಬಹುದು. ಧನ್ವಂತರಿ ಸ್ಮರಣೆ ಮಾಡಿ. 

ತುಲಾ(Libra): ಅಕ್ಕಪಕ್ಕದ ಮನೆಯವರಿಂದ ಕೆಲ ವಿಷಯಗಳಲ್ಲಿ ಕಿರಿಕಿರಿ ಹೆಚ್ಚಿ ಜಗಳಕ್ಕೆಡೆ ಮಾಡಿಕೊಡಬಹುದು. ಆದಷ್ಟು ಮಾತಿನ ಮೇಲೆ ಹಿಡಿತವಿರಲಿ. ಸಾಲ ಕೊಟ್ಟು ಕೈ ಸುಟ್ಟುಕೊಳ್ಳಲಿರುವಿರಿ. ಶೇರು ವ್ಯವಹಾರಗಳು ನಷ್ಟ ಕಾಣಲಿವೆ. ಹೊಸ ಮನೆಯ ಕೆಲಸ ಅರ್ಧಕ್ಕೇ ನಿಲ್ಲಬಹುದು. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ. 

Weekly Horoscope: ಕುಂಭ ರಾಶಿಗೆ ಈ ವಾರ ಅನಿರೀಕ್ಷಿತ ಧನ ಲಾಭ

ವೃಶ್ಚಿಕ(Scorpio): ನಿಮ್ಮ ಅತಿಯಾದ ಆತ್ಮಪ್ರತಿಷ್ಠೆ ಬಿಟ್ಟರೆ ಮಾತ್ರ ಪ್ರಗತಿ ಸಾಧ್ಯ. ಇದರಿಂದ ಜನರನ್ನು ಕಳೆದುಕೊಳ್ಳುವ ಜೊತೆಗೆ ಅವಕಾಶಗಳನ್ನೂ ಕೈ ಚೆಲ್ಲುವಿರಿ. ಆರ್ಥಿಕ ಲಾಭಗಳಿವೆ. ಪ್ರತಿಭಾ ರಂಗದಲ್ಲಿರುವವರು ಪ್ರಯತ್ನಿಸಿದರೆ ಉತ್ತಮ ಅವಕಾಶ ಸಿಗಲಿದೆ. ನಾಗರ ಕಲ್ಲಿಗೆ ಸುತ್ತು ಬಂದು ಪ್ರಾರ್ಥಿಸಿ. 

ಧನುಸ್ಸು(Sagittarius): ಸಂಗಾತಿಯ ವಿಚಾರದಲ್ಲಿ ನೀವು ತೋರುತ್ತಿರುವ ತಾಳ್ಮೆ ಮೆಚ್ಚುವಂಥದ್ದೇ. ಅದರಿಂದ ಬದಲಾವಣೆಗಳನ್ನು ಕಾಣಬಹುದು. ವಿವಾಹ ಜೀವನ ಉತ್ತಮಗೊಳ್ಳಲಿದೆ. ಮಕ್ಕಳ ಮಾನಸಿಕ ಆರೋಗ್ಯ ವಿಚಾರದಲ್ಲಿ ಹೆಚ್ಚಿನ ಕಾಳಜಿ ಅಗತ್ಯ. ಶಿವ ಪಾರ್ವತಿಯ ಪೂಜೆ ಮಾಡಿ. 

ಮಕರ(Capricorn): ಹೊಸ ಯೋಚನೆಗಳನ್ನು ಮಾಡದೆ ಹೊಸದೊಂದು ಜೀವನದಲ್ಲಿ ಜರುಗಬೇಕೆಂದು ಬಯಸಿದರೆ ಏನೊಂದು ಸಿಗುವುದಿಲ್ಲ. ನೀವೇ ತಲೆ ಖರ್ಚು ಮಾಡಬೇಕು. ವಿದ್ಯಾರ್ಥಿಗಳಿಗೆ ಓದಿನಲ್ಲಿ ಏಕಾಗ್ರತೆ ಇರಲಿದೆ. ಸ್ತ್ರೀಯರಿಗೆ ಗೃಹಕೃತ್ಯಗಳಿಂದ ದೇಹಾಯಾಸ. ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ. 

Makar Sankranti : ಸುಗ್ಗಿ ಹಬ್ಬದಂದು ಖಿಚಡಿ ಯಾಕೆ ಮಾಡ್ತಾರೆ?

ಕುಂಭ(Aquarius): ನಿರುದ್ಯೋಗಿಗಳಿಗೆ ಅವಕಾಶಗಳು ಬರಲಿವೆ. ಅದನ್ನು ಸಂಪೂರ್ಣ ಸದುಪಯೋಗ ಪಡಿಸಿಕೊಳ್ಳಿ. ವ್ಯಾಪಾರಿಗಳಿಗೆ ಲಾಭ ಹೆಚ್ಚಲಿದೆ. ಶೇರು ವ್ಯವಹಾರಗಳಲ್ಲಿ ಅಲ್ಪ ಲಾಭವಿರಲಿದೆ. ಕೋರ್ಟ್ ವ್ಯಾಜ್ಯಗಳಲ್ಲಿ ಗೆಲುವು ದೊರಕಬಹುದು. ಧನ ನಷ್ಟ. ಬಡವರಿಗೆ ಹೊಟ್ಟೆ ತುಂಬಿಸಿ.

ಮೀನ(Pisces): ಕಚೇರಿಯಲ್ಲಿ ಜವಾಬ್ದಾರಿಗಳು ಹೆಚ್ಚಿದರೂ ಅದನ್ನು ಯಶಸ್ವಿಯಾಗಿ ನಿರ್ವಹಣೆ ಮಾಡಿ ಸೈ ಎನಿಸಿಕೊಳ್ಳುವಿರಿ. ಕುಟುಂಬ ಸದಸ್ಯರ ಅನಾರೋಗ್ಯ ಆತಂಕ ತರಬಹುದು. ಗೃಹಕೃತ್ಯಗಳಲ್ಲಿ ಆಸಕ್ತಿ. ಹೊಸ ವಿಷಯಗಳ ಕಲಿಕೆ ಇರಲಿದೆ. ಮನೆ ದೇವರ ಸ್ಮರಣೆ ಮಾಡಿ.