ಟೀಂ ಇಂಡಿಯಾ ಏಕದಿನ ವಿಶ್ವಕಪ್ ಗೆಲ್ಲೋದು ಫಿಕ್ಸ್​..! ಇಲ್ಲಿದೆ ನೋಡಿ ಇಂಟ್ರೆಸ್ಟಿಂಗ್ ಮಾಹಿತಿ

2011ರಲ್ಲಿ ಧೋನಿ ನಾಯಕತ್ವದ ಟೀಂ ಇಂಡಿಯಾ, ಏಕದಿನ ವಿಶ್ವಕಪ್ ಗೆದ್ದಿತ್ತು. ಅದೇ ವರ್ಷ  ಐಪಿಎಲ್‌​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು. ಈ ವರ್ಷವೂ ಚೆನ್ನೈ ಐಪಿಎಲ್​ ಕಪ್ ಗೆದ್ದಿದೆ. ಇದರಿಂದ ಟೀಂ ಇಂಡಿಯಾ ವಿಶ್ವಕಪ್ ಎತ್ತಿಹಿಡಿಯುತ್ತೆ ಅನ್ನೋದು ಫ್ಯಾನ್ಸ್ ನಂಬಿಕೆಯಾಗಿದೆ. 

ಬೆಂಗಳೂರು(ಆ.31) ಈ ಬಾರಿಯ ಏಕದಿನ ವಿಶ್ವಕಪ್​ ಪಕ್ಕಾ ಭಾರತದ್ದೇ! ಅರೇ, ಇನ್ನು ಟೂರ್ನಿಯೇ ಆರಂಭವಾಗಿಲ್ಲ. ಯಾವುದೇ ಮ್ಯಾಚ್​ ನಡೆದಿಲ್ಲ.  ಇವ್ರೇನ್ ಹೀಗ್​ ಹೇಳ್ತಿದ್ದಾರೆ ಅನ್ಕೊಂಡ್ರಾ..? ಇದನ್ನ ನಾವು ಹೇಳ್ತಿಲ್ಲ.  ಅಭಿಮಾನಿಗಳೇ ಹೇಳ್ತಿದ್ದಾರೆ. 2011ರಲ್ಲಿ ನಡೆದ ಕೆಲ ವಿಷ್ಯಗಳು ಈ ವರ್ಷವೂ ರಿಪೀಟ್ ಆಗ್ತಿವೆ. ಭಾರತ ವಿಶ್ವಕಪ್ ಗೆಲ್ಲೋದು ರಿಪೀಟ್ ಆಗಲಿದೆ ಅಂತ ಕನಸು ಕಾಣ್ತಿದ್ದಾರೆ. 

2011ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್‌ ಚಾಂಪಿಯನ್ಸ್..! ಭಾರತಕ್ಕೆ ವಿಶ್ವಕಪ್..! 

2011ರಲ್ಲಿ ಧೋನಿ ನಾಯಕತ್ವದ ಟೀಂ ಇಂಡಿಯಾ, ಏಕದಿನ ವಿಶ್ವಕಪ್ ಗೆದ್ದಿತ್ತು. ಅದೇ ವರ್ಷ  ಐಪಿಎಲ್‌​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು. ಈ ವರ್ಷವೂ ಚೆನ್ನೈ ಐಪಿಎಲ್​ ಕಪ್ ಗೆದ್ದಿದೆ. ಇದರಿಂದ ಟೀಂ ಇಂಡಿಯಾ ವಿಶ್ವಕಪ್ ಎತ್ತಿಹಿಡಿಯುತ್ತೆ ಅನ್ನೋದು ಫ್ಯಾನ್ಸ್ ನಂಬಿಕೆಯಾಗಿದೆ. 

ಆಗ್ಲೂ-ಈಗ್ಲೂ ಶಕೀಬ್ ಅಲ್ ಹಸನ್ ಬಾಂಗ್ಲಾ ಕ್ಯಾಪ್ಟನ್..!

2011ರಲ್ಲಿ ಶಕೀಬ್ ಅಲ್ ಹಸನ್ ಬಾಂಗ್ಲಾದೇಶ ತಂಡದ ನಾಯಕ ರಾಗಿದ್ರು.  ಈಗ  2023ರ ವಿಶ್ವಕಪ್‌ನಲ್ಲೂ ಶಕೀಬ್, ಬಾಂಗ್ಲಾ ತಂಡವನ್ನು ಮುನ್ನಡೆಸಲಿದ್ದಾರೆ. ಈ ಇತಿಹಾಸವೂ ಭಾರತದ ಪರವಾಗಿದೆ. 

2011, 2023ರಲ್ಲಿ ಆಸ್ಟ್ರೇಲಿಯನ್ ಓಪೆನ್ ಗೆದ್ದ ಜೋಕೋವಿಚ್..!

ಇನ್ನು 2011ರಲ್ಲಿ ನಡೆದ ಆಸ್ಟ್ರೇಲಿಯನ್ ಓಪೆನ್​ ಸಿಂಗಲ್ಸ್‌ನಲ್ಲಿ ಜೋಕೋವಿಚ್​ ಟೈಟಲ್​ ಗೆದ್ದಿದ್ರು. ಈ ವರ್ಷ ನಡೆದ ಆಸ್ಟ್ರೇಲಿಯನ್ ಓಪೆನ್​ ಸಿಂಗಲ್ಸ್‌​ನಲ್ಲೂ ಜೋಕೋವಿಚ್​ ಕಪ್​ ಮುಡಿಕೇರಿಸಿಕೊಂಡಿದ್ದಾರೆ. 2011ರ ವಿಶ್ವಕಪ್ ಟೂರ್ನಿ ಭಾರತ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶಗಳು ಆತಿಥ್ಯ ಹಿಸಿದ್ವು. ಈ ಬಾರಿಯು ಭಾರತದ್ಲಲೇ ಟೂರ್ನಿ ನಡೆಯುತ್ತಿದೆ. 

ಯುರೋಪಿಯನ್ ಫುಟ್ಬಾಲ್‌ನ  ಚಾಂಪಿಯನ್ಸ್​ ಲೀಗ್‌ನಲ್ಲಿ ಮಾಂಚೆಸ್ಟರ್​​ ಸಿಟಿ ಚಾಂಪಿಯನ್ಸ್ ಪಟ್ಟ ಅಲಂಕರಿಸಿದೆ. ಈ ತಂಡಕ್ಕೆ  ಪೆಪ್ ಗಾರ್ಡಿಯಾಲಾ ಮ್ಯಾನೇಜರ್ ಆಗಿದ್ದಾರೆ. ಇನ್ನು 2011ರಲ್ಲಿ ಬಾರ್ಸಿಲೋನಾ ತಂಡ ಚಾಂಪಿಯನ್ಸ್ ಲೀಗ್ ಟ್ರೋಫಿ ಗೆದ್ದಾಗಲೂ, ಗಾರ್ಡಿಯಾಲಾ, ಬಾರ್ಸಿಲೋನಾ ತಂಡದ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸಿದ್ರು. 

ಅದೇನೆ ಇರಲಿ, ಕಾಕಾತಾಳಿಯವೋ ಏನೋ ಎನ್ನುವಂತೆ 2011ರಲ್ಲಿ ನಡೆದ ಎಲ್ಲಾ  ಘಟನೆಗಳು, ಈ ವರ್ಷವೂ ರಿಪೀಟ್ ಆಗಿವೆ. ಅದರಂತೆ ಟೀಂ ಇಂಡಿಯಾ ವಿಚಾರದಲ್ಲಿ ಇದು ನಿಜವಾಗುತ್ತಾ..? ರೋಹಿತ್ ಪಡೆ ವಿಶ್ವಕಪ್ ಗೆಲ್ಲುತ್ತಾ..? ಅನ್ನೋದನ್ನ ಕಾದು ನೋಡಬೇಕಿದೆ.