ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಿನ ನಾಲ್ಕನೇ ಟಿ20 ಪಂದ್ಯದಲ್ಲಿ ಪ್ರವಾಸಿ ಇಂಗ್ಲೆಂಡ್ ತಂಡ ಭರ್ಜರಿ ಜಯ ಸಾಧಿಸಿದೆ. ಇದರೊಂದಿಗೆ ಸರಣಿಯಲ್ಲಿ ಕಮ್‌ಬ್ಯಾಕ್ ಮಾಡಿದೆ. ಇದೀಗ ಎಲ್ಲರ ಚಿತ್ತ ಐದನೇ ಹಾಗೂ ನಿರ್ಣಾಯಕ ಪಂದ್ಯದತ್ತ ನೆಟ್ಟಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ನೇಪಿಯರ್‌(ನ.09): ಡೇವಿಡ್‌ ಮಲಾನ್(103)ರ ಶತಕ ಹಾಗೂ ಇಯಾನ್ ಮೊರ್ಗನ್‌ರ ಆಕರ್ಷಕ 91 ರನ್‌ಗಳ ಆಟದ ನೆರವಿನಿಂದ ನ್ಯೂಜಿಲೆಂಡ್ ವಿರುದ್ಧ 4ನೇ ಟಿ20 ಪಂದ್ಯದಲ್ಲಿ ಇಂಗ್ಲೆಂಡ್ 76 ರನ್‌ಗಳ ಗೆಲುವು ಸಾಧಿಸಿತು. ಇದರೊಂದಿಗೆ 5 ಪಂದ್ಯಗಳ ಸರಣಿಯಲ್ಲಿ 2-2ರಲ್ಲಿ ಸಮಬಲ ಸಾಧಿಸಿತು.
Malan, Morgan, Parkinson power England to big win!
The record 182-run stand between Malan (103*) and Morgan (91) followed by Matt Parkinson's four-for led 🏴 to a series-levelling 76-run win in Napier. 4th T20I 👉 SCORECARD: https://t.co/23lYso5Olq pic.twitter.com/eSp8Vi98iQ
ಇಂಗ್ಲೆಂಡ್ ವಿರುದ್ಧ 3ನೇ ಟಿ20 ಗೆದ್ದ ಕಿವೀಸ್
ಶುಕ್ರವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಇಂಗ್ಲೆಂಡ್ 20 ಓವರಲ್ಲಿ 3 ವಿಕೆಟ್ ನಷ್ಟಕ್ಕೆ 241 ರನ್ ಕಲೆಹಾಕಿತು. ಒಂದು ಹಂತದಲ್ಲಿ 58 ರನ್’ಗಳಿಗೆ ಎರಡು ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಇಂಗ್ಲೆಂಡ್ ತಂಡಕ್ಕೆ ನಾಯಕ ಮಾರ್ಗನ್ ಹಾಗೂ ಮಲಾನ್ ಆಸರೆಯಾದರು. ಈ ಜೋಡಿ ಇಂಗ್ಲೆಂಡ್ ಪರ ಟಿ20 ಕ್ರಿಕೆಟ್’ನಲ್ಲಿ [182 ರನ್] ಗರಿಷ್ಠ ರನ್’ಗಳ ಜತೆಯಾಟ ನಿಭಾಯಿಸಿತು.
48 ಎಸೆತಗಳಲ್ಲಿ ಶತಕ ಪೂರೈಸಿದ ಮಲಾನ್, 51 ಎಸೆತಗಳಲ್ಲಿ 9 ಬೌಂಡರಿ, 6 ಸಿಕ್ಸರ್‌ಗಳೊಂದಿಗೆ 103 ರನ್ ಗಳಿಸಿ ಅಜೇಯರಾಗಿ ಉಳಿದರು. 41 ಎಸೆತಗಳಲ್ಲಿ ತಲಾ 7 ಬೌಂಡರಿ, ಸಿಕ್ಸರ್‌ನೊಂದಿಗೆ ಮೊರ್ಗನ್‌ 91 ರನ್ ಗಳಿಸಿ ಔಟಾದರು.
ಸ್ಯಾಮ್‌ ಬಿಲ್ಲಿಂಗ್ಸ್‌ ಪರಿಸರ ಸ್ನೇಹಿ ಗ್ಲೌಸ್‌ಗೆ ಐಸಿಸಿ ನಿಷೇಧ!
ಬೃಹತ್‌ ಗುರಿ ಬೆನ್ನತ್ತಿದ ಕಿವೀಸ್ ಸ್ಫೋಟಕ ಆರಂಭವನ್ನೇ ಪಡೆಯಿತು. ಮೊದಲ ವಿಕೆಟ್’ಗೆ ಗಪ್ಟಿಲ್-ಮನ್ರೋ ಜೋಡಿ 54 ರನ್’ಗಳ ಜತೆಯಾಟ ನಿಭಾಯಿಸಿತು. ಆದರೆ ಕ್ರಿಸ್ ಜೋರ್ಡನ್[2] ಹಾಗೂ ಮ್ಯಾಥ್ಯೂ ಪಾರ್ಕಿನ್’ಸನ್[4] ಮಾರಕ ದಾಳಿಗೆ ತತ್ತರಿಸಿ ವಿಕೆಟ್ ಕಳೆದುಕೊಳ್ಳುತ್ತಲೇ ಸಾಗಿತು. ಕಿವೀಸ್ ನಾಯಕ ಟಿಮ್ ಸೌಥಿ 15 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 4 ಸಿಕ್ಸರ್ ನೆರವಿನಿಂದ 39 ರನ್ ಬಾರಿಸಿದರಾದರೂ ತಂಡವನ್ನು ಸೋಲಿನಿಂದ ಪಾರು ಮಾಡಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ 16.5 ಓವರಲ್ಲಿ ನ್ಯೂಜಿಲೆಂಡ್ 165 ರನ್‌ಗೆ ಆಲೌಟ್‌ ಆಯಿತು.
ಇದೀಗ ಐದನೇ ಹಾಗೂ ನಿರ್ಣಾಯಕ ಪಂದ್ಯವು ನವೆಂಬರ್ 10ರಂದು ಆಕ್ಲೆಂಡ್’ನ ಈಡನ್ ಪಾರ್ಕ್’ನಲ್ಲಿ ನಡೆಯಲಿದ್ದು, ಯಾರು ಸರಣಿ ವಿಜೇತರಾಗುತ್ತಾರೆ ಎನ್ನುವುದನ್ನು ಕಾದು ನೋಡಬೇಕಿದೆ.
ದಾಖಲೆಗಳು:
👊 Records are for breaking...
💥 Our highest IT20 score (241-3)
💥 Our highest IT20 partnership (182)
💥 Our fastest IT20 fifty
💥 Our fastest IT20 hundred
📝 https://t.co/UALHpM14KS pic.twitter.com/a0V5iX258U
241/3- ಇಂಗ್ಲೆಂಡ್ ಟಿ20 ಕ್ರಿಕೆಟ್’ನಲ್ಲಿ ದಾಖಲಿಸಿದ ಗರಿಷ್ಠ ಮೊತ್ತ.
182- ಇಂಗ್ಲೆಂಡ್ ಪರ ಟಿ20 ಕ್ರಿಕೆಟ್’ನಲ್ಲಿ ದಾಖಲಾದ ಗರಿಷ್ಠ ಜತೆಯಾಟ[ಮಾರ್ಗನ್-ಮಲಾನ್]
ವೇಗದ ಅರ್ಧಶತಕ: 21 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಇಯಾನ್ ಮಾರ್ಗನ್, ಇಂಗ್ಲೆಂಡ್ ಪರ ವೇಗವಾಗಿ 50 ಬಾರಿಸಿದ ಬ್ಯಾಟ್ಸ್’ಮನ್ ಎನಿಸಿದರು.
ವೇಗದ ಶತಕ: 48 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿದ ಡೇವಿನ್ ಮಲಾನ್, ಇಂಗ್ಲೆಂಡ್ ಪರ ಅತಿವೇಗವಾಗಿ ಶತಕ ಬಾರಿಸಿದ ಬ್ಯಾಟ್ಸ್’ಮನ್ ಎನಿಸಿದರು.
ಸ್ಕೋರ್‌:
ಇಂಗ್ಲೆಂಡ್ 241/3
ನ್ಯೂಜಿಲೆಂಡ್ 165/10