'ಪ್ರಭಾಸ್ ಸಿಕ್ಕಾಪಟ್ಟೆ ಸೋಂಬೇರಿನಾ..' ಪ್ರಶ್ನೆಗೆ ಡಾರ್ಲಿಂಗ್ ಕೊಟ್ಟ ಉತ್ತರ ಏನಿರಬಹುದು?

ನಟ ಪ್ರಭಾಸ್ ' ವರ್ಷಂ' ಸಿನಿಮಾ ಮೂಲಕ ಸಂಚಲನ ಸೃಷ್ಟಿಸಿ ತೆಲುಗು ಇಂಡಸ್ಟ್ರಿಯಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಬಳಿಕ 'ಡಾರ್ಲಿಂಗ್' ಸಿನಿಮಾದಲ್ಲಿ ನಟಿಸುವ ಮೂಲಕ ನಟ ಪ್ರಭಾಸ್ ಅವರಿಗೆ 'ಡಾರ್ಲಿಂಗ್ ಪ್ರಭಾಸ್' ಎಂಬ ಹೆಸರು ಅಂಟಿಕೊಂಡಿದೆ. 

ತೆಲುಗಿನ ಬಾಹುಬಲಿ ಖ್ಯಾತಿಯ ನಟ ರೆಬಲ್ ಸ್ಟಾರ್ ಪ್ರಭಾಸ್ ಅವರು ಮಾತನಾಡಿರುವ ವೀಡಿಯೋವೊಂದು ಸೋಷಿಯಲ್ ಮೀಡಿಯಾಗಳಲ್ಲಿ ಇತ್ತೀಚೆಗೆ ವೈರಲ್ ಆಗುತ್ತಿದೆ. ನಟ ಪ್ರಭಾಸ್ ಅವರಿಗೆ ನಿರೂಪಕಿ 'ನೀವು ತುಂಬಾ ಲೇಝಿ ಪರ್ಸನ್‌ ಅಂತೆ ಹೌದಾ?' ಎಂದು ಪ್ರಶ್ನಿಸುತ್ತಾರೆ. ಅದಕ್ಕೆ ಉತ್ತರ ಕೊಟ್ಟ ಪ್ರಭಾಸ್ 'ಹೌದು, ನಾನು ಇಂಪಾರ್ಟೆಂಟ್ ಕೆಲಸ ಇಲ್ಲ ಅಂದ್ರೆ ಸ್ವಲ್ಪ ಲೇಝಿನೇ' ಎಂದು ನಗುತ್ತ ಉತ್ತರಿಸಿದ್ದಾರೆ. ಅಷ್ಟಕ್ಕೇ ನಿಲ್ಲಿಸಿದ ನಿರೂಪಕಿ, 'ನೀವು ಫೂಡ್ಡಿನಾ?' ಎಂದೂ ಕೇಳಿದ್ದಾರೆ. ಅದಕ್ಕೆ ನಟ ಪ್ರಭಾಸ್ ವಿಭಿನ್ನ ರೀತಿಯಲ್ಲಿ ಉತ್ತರ ಕೊಟ್ಟಿದ್ದಾರೆ. 

'ನಾನು ಸಿನಿಮಾ ನಟನಾಗಿರುವುದರಿಂದ ಸಹಜವಾಗಿಯೇ ಡಯಟ್‌ನಲ್ಲಿ ಇರುತ್ತೇನೆ. ಸಿನಿಮಾ ಪಾತ್ರಕ್ಕೆ ತಕ್ಕಂತೆ ನಮ್ಮ ಬಾಡಿಯನ್ನು ನಾವು ಶೇಪ್ ಮಾಡಿಕೊಳ್ಳಬೇಕಾಗಿರುವು ಕಾರಣಕ್ಕೆ ಮೋಸ್ಟ್ ಆಫ್‌ ದ ಟೈಮ್ ನಾವು ಡಯಟ್ ಪಾಲಿಸಲೇಬೇಕಾಗುತ್ತದೆ. ಆದರೆ, ಮನೆಯಲ್ಲಿ ಏನಾದರೂ ಫಂಕ್ಷನ್ ಇದ್ದರೆ ಸಹಜವಾಗಿಯೇ ನಮ್ಮನಮ್ಮ ಟ್ರೆಡಿಷನ್‌ಗೆ ಸಂಬಂಧಪಟ್ಟು ವಿಶೇಷ ತಿನಿಸುಗಳನ್ನು ಮಾಡುತ್ತಾರೆ. ಆ ಸಮಯದಲ್ಲಿ ನಾನು ಡಯಟ್ ಮಾಡುವುದಿಲ್ಲ, ಚೆನ್ನಾಗಿ ತಿನ್ನುತ್ತೇನೆ' ಎಂದಿದ್ದಾರೆ 'ಸಲಾರ್' ಖ್ಯಾತಿಯ ನಟ ಪ್ರಭಾಸ್.

ನಟ ಪ್ರಭಾಸ್ ' ವರ್ಷಂ' ಸಿನಿಮಾ ಮೂಲಕ ಸಂಚಲನ ಸೃಷ್ಟಿಸಿ ತೆಲುಗು ಇಂಡಸ್ಟ್ರಿಯಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಬಳಿಕ 'ಡಾರ್ಲಿಂಗ್' ಸಿನಿಮಾದಲ್ಲಿ ನಟಿಸುವ ಮೂಲಕ ನಟ ಪ್ರಭಾಸ್ ಅವರಿಗೆ 'ಡಾರ್ಲಿಂಗ್ ಪ್ರಭಾಸ್' ಎಂಬ ಹೆಸರು ಅಂಟಿಕೊಂಡಿದೆ. ಎಸ್‌ಎಸ್‌ ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಚಿತ್ರ ಜಗತ್ತಿನಾದ್ಯಂತ ಸೂಪರ್ ಹಿಟ್ ಆದ ಬಳಿಕವಂತೂ ನಟ ಪ್ರಭಾಸ್ ಅವರಿಗೆ 'ಬಾಹುಬಲಿ' ಪ್ರಭಾಸ್ ಎಂದು ಕರೆಯುವವರೇ ಹೆಚ್ಚಾಗಿದ್ದಾರೆ. 

ಬಾಹುಬಲಿ ಬಳಿಕ ಸಾಲು ಸಾಲು ಚಿತ್ರಗಳಲ್ಲಿ ಸೋಲು ಅನುಭವಿಸಿ ಪ್ರಭಾಸ್ ಅವರು ಇನ್ನೇನು ಸ್ಟಾರ್ ಪಟ್ಟ ಕಳೆದುಕೊಳ್ಳುತ್ತಾರೆ ಎನ್ನುವಷ್ಟು ಕೆಳಗೆ ಹೋಗಿದ್ದರು. ಆದರೆ, ಇನ್ನೇನು ಸೋತು ಸುಣ್ಣವಾಗಿದ್ದಾರೆ ಎನ್ನುವಷ್ಟರಲ್ಲಿ ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಬಂದ 'ಸಲಾರ್' ಚಿತ್ರವು ನಟ ಪ್ರಭಾಸ್ ಅವರಿಗೆ ಮರುಜನ್ಮ ನೀಡಿತು. ಸಲಾರ್ ಚಿತ್ರದ ಬಳಿಕ ಮತ್ತೆ ಪ್ರಭಾಸ್ ಸ್ಟಾರ್ ನಟ ಪಟ್ಟದಲ್ಲಿ ಮುಂದುವರೆದಿದ್ದು, ಹೊಸ ಹೊಸ ಚಿತ್ರಗಳಿಗೆ ಸಹಿ ಮಾಡುತ್ತಿದ್ದಾರೆ.