ಚಿರು ಸಿನಿಮಾದಲ್ಲಿ ವೆಂಕಟೇಶ್.. ಕನ್ಫರ್ಮ್ ಮಾಡಿದ ವಿಕ್ಟರಿ ಸ್ಟಾರ್: ಮುಂದಿನ ಸಂಕ್ರಾಂತಿಗೆ ರಿಲೀಸ್

ಚಿರಂಜೀವಿ ಜೊತೆ ಅನಿಲ್ ರವಿಪುಡಿ ಒಂದು ಸಿನಿಮಾ ಮಾಡ್ತಿದ್ದಾರೆ. ಇದರಲ್ಲಿ ವೆಂಕಟೇಶ್ ನಟಿಸ್ತಿದ್ದಾರಂತೆ. ಇದರ ಬಗ್ಗೆ ವೆಂಕಟೇಶ್ ಸ್ಪಷ್ಟನೆ ಕೊಟ್ಟಿದ್ದಾರೆ. 

ಮೆಗಾಸ್ಟಾರ್ ಚಿರಂಜೀವಿ ಹೀರೋ ಆಗಿ ಅನಿಲ್ ರವಿಪುಡಿ ನಿರ್ದೇಶನದಲ್ಲಿ ಸಿನಿಮಾ ಬರ್ತಿದೆ. `ಗ್ಯಾಂಗ್ ಲೀಡರ್`, `ಘರಾಣೆ ಮೊಗುಡು` ಸ್ಟೈಲ್ ನಲ್ಲಿ ವಿಂಟೇಜ್ ಚಿರುವನ್ನ ತೋರಿಸ್ತಾರಂತೆ ಅನಿಲ್ ರವಿಪುಡಿ. ಇದರಲ್ಲಿ ನಯನತಾರ ಹೀರೋಯಿನ್. `ಸೈರಾ`, `ಗಾಡ್ ಫಾದರ್` ನಂತರ ಮತ್ತೆ ಇಬ್ಬರೂ ಜೊತೆಯಾಗಿ ನಟಿಸ್ತಿದ್ದಾರೆ. ಈ ಸಿನಿಮಾ ಶೂಟಿಂಗ್ ಹಂತದಲ್ಲಿದೆ. ಈ ಮಧ್ಯೆ ಸಿನಿಮಾದಿಂದ ಒಂದು ಸೂಪರ್ ಅಪ್ಡೇಟ್ ಬಂದಿದೆ.

ಚಿರು-ಅನಿಲ್ ಸಿನಿಮಾದಲ್ಲಿ ವೆಂಕಟೇಶ್
ಚಿರಂಜೀವಿ ಹೀರೋ ಆಗಿ ಅನಿಲ್ ರವಿಪುಡಿ ನಿರ್ದೇಶನ ಮಾಡ್ತಿರೋ ಈ ಚಿತ್ರದಲ್ಲಿ ಇನ್ನೊಬ್ಬ ಸ್ಟಾರ್ ಹೀರೋ ಗೆಸ್ಟ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಅವರು ಯಾರೂ ಅಲ್ಲ, ವಿಕ್ಟರಿ ವೆಂಕಟೇಶ್. ಈ ಸಂಕ್ರಾಂತಿಗೆ `ಸಂಕ್ರಾಂತಿಕಿ ವಸ್ತುನ್ನಾಂ` ಸಿನಿಮಾದ ಮೂಲಕ ಬ್ಲಾಕ್ ಬಸ್ಟರ್ ಹೊಡೆದಿದ್ರು ವೆಂಕಿ. ಇದಕ್ಕೂ ಅನಿಲ್ ರವಿಪುಡಿಯೇ ನಿರ್ದೇಶಕ. ಇವರಿಬ್ಬರ ಕಾಂಬಿನೇಷನ್ ನಲ್ಲಿ ಈ ಹಿಂದೆ `ಎಫ್ 2`, `ಎಫ್ 3` ಸಿನಿಮಾಗಳು ಬಂದು ಗೆದ್ದಿದ್ದವು. ಆ ಬಾಂಧವ್ಯದಿಂದ ಚಿರು ಸಿನಿಮಾದಲ್ಲಿ ವೆಂಕಿಗೆ ಗೆಸ್ಟ್ ರೋಲ್ ಮಾಡಿಸಲಿದ್ದಾರೆ ಅನ್ನೋ ಪ್ರಚಾರ ನಡೀತಿತ್ತು.

ಗೆಸ್ಟ್ ರೋಲ್ ಬಗ್ಗೆ ವೆಂಕಿ ಸ್ಪಷ್ಟನೆ
ಇದೀಗ ಇದನ್ನ ಕನ್ಫರ್ಮ್ ಮಾಡಿದ್ದಾರೆ ವಿಕ್ಟರಿ ವೆಂಕಟೇಶ್. ನಾಟ್ಸ್ ಸಭೆಯಲ್ಲಿ ಭಾಗವಹಿಸಿದ್ದ ಅವರು ಅಲ್ಲಿನ ಪ್ರೇಕ್ಷಕರನ್ನ ರಂಜಿಸುವಂತೆ ಮಾತನಾಡಿದ್ರು. ಮುಂದಿನ ವರ್ಷ ಇನ್ನೂ ಕೆಲವು ಕ್ರೇಜಿ ಪ್ರಾಜೆಕ್ಟ್ ಗಳ ಜೊತೆ ಬರ್ತೀನಿ ಅಂತ ಹೇಳಿದ್ರು. ತ್ರಿವಿಕ್ರಮ್ ನಿರ್ದೇಶನದಲ್ಲಿ ಸಿನಿಮಾ ಮಾಡ್ತೀನಿ ಅಂತ ಹೇಳಿದ್ರು. ಅದೇ ಸಮಯದಲ್ಲಿ ಚಿರು ಸಿನಿಮಾದಲ್ಲಿ ಕಿರು ಪಾತ್ರ ಮಾಡ್ತೀನಿ ಅಂತ ಹೇಳಿದ್ರು. ಇದಕ್ಕೆ ಅಲ್ಲಿನ ಪ್ರೇಕ್ಷಕರು ಕೇಕೆ ಹಾಕಿದ್ದು ವಿಶೇಷ. ಈಗ ವೆಂಕೀ ಹೇಳಿರೋ ಈ ವಿಷಯ ವೈರಲ್ ಆಗಿದೆ. ಇಷ್ಟು ದಿನ ಗುಸುಗುಸಾಗಿದ್ದ ವಿಷಯವನ್ನ ಈಗ ವೆಂಕಿನೇ ಕನ್ಫರ್ಮ್ ಮಾಡಿರೋದು ವಿಶೇಷ.

ಮುಂದಿನ ಸಂಕ್ರಾಂತಿಗೆ ಬಾಕ್ಸ್ ಆಫೀಸ್‌ನಲ್ಲಿ ಹವಾ
90ರ ದಶಕದಲ್ಲಿ ಚಿರು ಮಾಸ್ ಆಕ್ಷನ್, ಕಾಮಿಡಿ, ಡ್ಯಾನ್ಸ್ ಗಳು ತುಂಬಾ ಫೇಮಸ್. ಆಗಿನ ಮಾಸ್ ಪ್ರೇಕ್ಷಕರನ್ನ ರಂಜಿಸಿದ್ದವು. ಮತ್ತೊಮ್ಮೆ ಚಿರುವನ್ನ ಹಾಗೆ ತೋರಿಸಲಿದ್ದಾರೆ ಅನಿಲ್. ಆಕ್ಷನ್ ಎಂಟರ್ಟೈನ್ಮೆಂಟ್ ಪ್ರಧಾನವಾಗಿ ಈ ಚಿತ್ರವನ್ನ ಮಾಡ್ತಿದ್ದಾರಂತೆ. ಇತ್ತೀಚೆಗೆ ಸಿನಿಮಾ ಶುರುವಾಗಿದೆ. ಶೂಟಿಂಗ್ ಫಾಸ್ಟ್ ಆಗಿ ನಡೀತಿದೆ. ಮುಂದಿನ ವರ್ಷ ಸಂಕ್ರಾಂತಿಗೆ ಇದನ್ನ ರಿಲೀಸ್ ಮಾಡಲಿದ್ದಾರೆ. ಈ ಸಂಕ್ರಾಂತಿಗೆ `ಸಂಕ್ರಾಂತಿಕಿ ವಸ್ತುನ್ನಾಂ` ಜೊತೆ ವೆಂಕಟೇಶ್ ಹವಾ ಮಾಡಿದ್ರೆ, ಮುಂದಿನ ಸಂಕ್ರಾಂತಿಗೆ ಚಿರು, ವೆಂಕಿ ಜೊತೆಯಾಗಿ ಹವಾ ಮಾಡ್ತಾರೆ ಅನ್ನೋದ್ರಲ್ಲಿ ಅತಿಶಯೋಕ್ತಿ ಇಲ್ಲ.