ಲಿಫ್ಟ್ನಲ್ಲಿ ಸಿಕ್ಕಾಕ್ಕೊಂಡ ನಟಿ ಊರ್ವಶಿ- 550 ಕೋಟಿ ರೂ. ಒಡತಿ 'ಪ್ಲಾಸ್ಟಿಕ್ ರಾಣಿ'ಯ ಹೊರತೆಗೆಯಲು ಸಾಹಸ...
ಸಾರಾಂಶ
ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ಕೋಟಿ ಕೋಟಿ ಬೆಲೆ ಬಾಳುವ ಡ್ರೆಸ್ ತೊಟ್ಟು ಲಿಫ್ಟ್ನಲ್ಲಿ ಸಿಕ್ಕಿಬಿದ್ದ ವಿಡಿಯೋ ವೈರಲ್ ಆಗಿದೆ. ಚಿನ್ನದ ಐಫೋನ್ ಕಳೆದುಕೊಂಡಿದ್ದ, ಚಿನ್ನದ ಕೇಕ್ ಪಡೆದಿದ್ದ, ಸ್ನಾನದ ವಿಡಿಯೋ ವೈರಲ್ ಆಗಿದ್ದ ಘಟನೆಗಳ ನಂತರ ಈ ಘಟನೆಯೂ ಸುದ್ದಿಯಾಗಿದೆ. ಓರ್ಹಾನ್ ಅವತ್ರಮಣಿ ಜೊತೆಗಿನ ಡಾನ್ಸ್ ಮತ್ತು ಮದುವೆ ವದಂತಿಗಳ ಬಗ್ಗೆಯೂ ಚರ್ಚೆಯಾಗಿದೆ.
ದೇಹಕ್ಕೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡು ಪ್ಲಾಸ್ಟಿಕ್ ರಾಣಿ ಎಂದೇ ಫೇಮಸ್ ಆಗಿರೋ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಆಗಾಗ್ಗೆ ಸದ್ದು ಮಾಡುತ್ತಲೇ ಇರುತ್ತಾರೆ. ಕೆಲ ದಿನಗಳ ಹಿಂದೆ ಸೈಫ್ ಅಲಿ ಖಾನ್ ಇರಿತದ ವಿಷಯದ ಬಗ್ಗೆ ಕೇಳಿದ್ರೆ, ತಮ್ಮ ಅಪ್ಪ-ಅಮ್ಮ ಕೊಡಿಸಿದ ವಜ್ರದ ವಾಚು, ಉಂಗುರದ ಬಗ್ಗೆ ಮಾತನಾಡಿ ಕೊನೆಗೆ ಕ್ಷಮೆ ಕೋರಿದ್ದ ನಟಿ, ಕೆಲ ಹಿಂದೆ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಚಿನ್ನದ ಐ ಫೋನ್ ಕಳೆದುಕೊಂಡೆ ಎಂದು ಹೇಳುವ ಮೂಲಕ ಸದ್ದು ಮಾಡಿದ್ದರು. ಅದಾದ ಬಳಿಕ ಈಕೆಯ ಹುಟ್ಟುಹಬ್ಬದಂದು ಗಾಯಕ ಯೋಯೋ ಸಿಂಗ್ ಚಿನ್ನದ ಕೇಕ್ ಮಾಡಿಸಿ ಸದ್ದು ಮಾಡಿದ್ದರು. ಆದರೆ ಈಕೆ ಸ್ನಾನಕ್ಕೆಂದು ಬಾತ್ರೂಮ್ಗೆ ಹೋಗಿರುವ ವಿಡಿಯೋ ಒಂದು ಕಳೆದ ಜುಲೈನಲ್ಲಿ ವೈರಲ್ ಆಗಿತ್ತು. ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಹಲ್ಚಲ್ ಸೃಷ್ಟಿಸಿತ್ತು. ಕೊನೆಗೆ ಇದು ಉದ್ದೇಶಪೂರ್ವಕವಾಗಿ ಚಿತ್ರವೊಂದರ ಪ್ರಮೋಷನ್ಗಾಗಿ ಮಾಡಿರುವುದಾಗಿ ಹೇಳಿದ್ದರು ನಟಿ.
ಇದೀಗ ಕೋಟಿ ಕೋಟಿ ಬೆಲೆ ಬಾಳುವ ಡ್ರೆಸ್ ತೊಟ್ಟು ಕೇನ್ಸ್ ಶೋನಲ್ಲಿ ಕಾಣಿಸಿಕೊಳ್ಳು ಸಂದರ್ಭದಲ್ಲಿ, ಅಲ್ಲಿರುವ ಲಿಫ್ಟ್ನಲ್ಲಿ ಸಿಕ್ಕಾಕ್ಕೊಂಡಿರುವ ವಿಡಿಯೋ ವೈರಲ್ ಆಗುತ್ತಿದೆ. ಅಷ್ಟಕ್ಕೂ ಇದು ಕಳೆದ ವರ್ಷದ ವಿಡಿಯೋ ಆಗಿದ್ದು, ಇದೀಗ ವೈರಲ್ ಆಗುತ್ತಿದೆ. ಇದಕ್ಕೆ ಕಾರಣ, ಈ ವರ್ಷದ ಉತ್ಸವದಲ್ಲಿ ಇವರು ತೀರ್ಪುಗಾರರಾಗಿ ಹೋಗಿದ್ದಾರೆ. ಆದರೆ ಕಳೆದ ಸಲ ಹೋದಾಗ ಮಾತ್ರ ಇವರ ಪರಿಸ್ಥಿತಿ ಯಾರಿಗೂ ಬೇಡವಾಗಿತ್ತು. ವಜ್ರಖಚಿತ ಡ್ರೆಸ್ ತೊಟ್ಟು ಹೋದ ನಟಿಯ ಗೌನ್ ಲಿಫ್ಟ್ಗೆ ಸಿಲುಕಿದ್ದರ ಪರಿಣಾಮ ಬಾಗಿಲು ಹಾಕಲಾಗದೇ 25 ನಿಮಿಷ ಅಲ್ಲಿಯ ಸಿಬ್ಬಂದಿ ಹರಸಾಹಸ ಪಡುವಂತಾಯಿತು.
ನೀರನ್ನು ಕಚ್ಚಿ ತಿನ್ನುವ ಪ್ರಪಂಚದ ಮೊದಲ ಮಹಿಳೆ, ನಟಿ ಊರ್ವಶಿ ರೌಟೇಲಾ! ವಿಡಿಯೋ ವೈರಲ್
ಕೆಲ ದಿನಗಳ ಹಿಂದೆ, ಊರ್ವಶಿ ನೀರನ್ನು ಕುಡಿಯುವ ಬದಲು ಕಚ್ಚಿದ್ದರಿಂದ ಸದ್ದು ಮಾಡಿದ್ದರು. ಯಾವುದೋ ಫಂಕ್ಷನ್ನಲ್ಲಿ ಕೆಜಿಗಟ್ಟಲೆ ಮೇಕಪ್ ಹಾಕಿಕೊಂಡು ಕುಳಿತಿರುವ ನಟಿ, ತಮ್ಮ ಉಗುರುಗಳಿಗೂ ಶೃಂಗಾರ ಮಾಡಿಕೊಂಡಿದ್ದರು. ನೀರನ್ನು ಕುಡಿಯುವಾಗ ತಮ್ಮ ಸುಂದರವಾಗಿ ಉಗುರುಗಳು ಕಾಣಿಸಲಿ ಎನ್ನುವ ಕಾರಣಕ್ಕೋ ಏನೋ ಬಾಯಿಯನ್ನು ಮುಚ್ಚಿಕೊಂಡಿದ್ದರು. ಇಷ್ಟೇ ಆದರೆ ಪರವಾಗಿರಲಿಲ್ಲ. ನೀರನ್ನು ಕುಡಿಯುವಾಗ ಕ್ಯಾಮೆರಾ ಕಣ್ಣುಗಳು ತಮ್ಮ ಮೇಲೆ ಇರುವುದು ತಿಳಿಯುತ್ತಲೇ ಸ್ಟೈಲ್ ಮಾಡಿ ಕುಡಿಯಲು ಹೋಗಿ ಟ್ರೋಲ್ಗೆ ಒಳಗಾಗಿದ್ದರು. ಇವರು, ಈ ವಿಡಿಯೋದಲ್ಲಿ ನೀರನ್ನು ಕುಡಿಯುತ್ತಿಲ್ಲ ಬದಲಿಗೆ ತಿನ್ನುತ್ತಿರುವಂತೆ ಕಾಣಿಸುತ್ತದೆ.
ಇನ್ನು ಕೆಲ ದಿನಗಳ ಹಿಂದೆ, ಭಾರತ ಮತ್ತು ಪಾಕಿಸ್ತಾನದ ನಡುವೆ ನಡೆದ ಕ್ರಿಕೆಟ್ ಮ್ಯಾಚ್ ಸಂದರ್ಭದಲ್ಲಿ ಎಂದು ಜನಪ್ರಿಯವಾಗಿರುವ ಪ್ರಭಾವಿ ಓರ್ಹಾನ್ ಅವತ್ರಮಣಿ ಹಾಗೂ ಹಾಟ್ ಬ್ಯೂಟಿ ಊರ್ವಶಿ ರೌಟೇಲಾ ಸಕತ್ ಡಾನ್ಸ್ ಮಾಡಿದ್ದರು. ಡಾನ್ಸ್ ಮಾಡುತ್ತಲೇ ಓರಿ ಊರ್ವಶಿಗೆ ಕಿಸ್ ಮಾಡಿದ್ದ. ಈ ವಿಡಿಯೋ ಸಕತ್ ವೈರಲ್ ಆಗಿತ್ತು. ಇನ್ನು ಬಾಲಿವುಡ್ ಪ್ರೇಮಿಗಳಿಗೆ ಓರಿ ತೀರಾ ಚಿರಪರಿಚಿತ. ಸಾಮಾನ್ಯನಂತೆ ಕಾಣುವ ಈತ ಬಾಲಿವುಡ್ನಲ್ಲಿ ತುಂಬಾ ಪ್ರಭಾವಿ. ಎಲ್ಲಾ ಸೆಲೆಬ್ರಿಟಿಗಳಿಗೂ ಈತ ಬೇಕೇ ಬೇಕು. ಬಹುತೇಕ ಬಾಲಿವುಡ್ನ ಎಲ್ಲರೂ ಜೊತೆ ನಿಂತು ಫೋಟೋ ತೆಗೆಸಿಕೊಂಡಿದ್ದಾರೆ. ಈತನಿಗೆ ಎಲ್ಲೆಡೆ ಮುಟ್ಟಲು ನಟಿಯರು ಪರ್ಮಿಷನ್ ಕೊಡುತ್ತಾರೋ ಎನ್ನುವಂತೆಯೇ ಎಲ್ಲಾ ಫೋಟೋಗಳೂ ಇರುತ್ತವೆ. ಈತನ ಜೊತೆ ಫೋಟೋ ತೆಗೆಸಿಕೊಂಡರೆ ನಟಿಯರಿಗೆ ಲಕ್ಕಿ ಎನ್ನುವ ಮಾತಿದೆ. ಈಗ ಹೊಸ ವಿಷ್ಯ ಏನಪ್ಪಾ ಎಂದರೆ ಊರ್ವಶಿ ರೌಟೇಲಾ ಜೊತೆ ಓರಿ ಮದುವೆ ಎನ್ನುವ ಸುದ್ದಿ ಸದ್ದು ಮಾಡಿತ್ತು. ಆದರೆ ಕೊನೆಗೆ ಆ ಸುದ್ದಿ ಅಲ್ಲಿಯೇ ಸೈಲೆಂಟ್ ಆಗಿದೆ.
ನಿರ್ಮಾಪಕರಿಗಾಗಿ ಸ್ನಾನದ ವಿಡಿಯೋ ಲೀಕ್ ಮಾಡಿದ್ದೆ, ಆದ್ರೆ... ಊರ್ವಶಿ ರೌಟೇಲಾ ಶಾಕಿಂಗ್ ಸುದ್ದಿ ರಿವೀಲ್!
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.