ಬಿಗ್ ಬಾಸ್ ಮೂಲಕ ಖ್ಯಾತಿ ಪಡೆದಿರುವ ನಟಿ ಶಹನಾಜ್ ಗಿಲ್ ತಾವು ಬಿಗ್ಬಾಸ್ ಸಂದರ್ಭದಲ್ಲಿ ತೂಕದ ಕಾರಣದಿಂದ ಹೇಗೆಲ್ಲಾ ಬಾಡಿ ಶೇಮಿಂಗ್ ಅನುಭವಿಸಬೇಕಾಯಿತು ಎನ್ನುವುದನ್ನು ತಿಳಿಸಿದ್ದಾರೆ.
ನಟಿ ಶಹನಾಜ್ ಗಿಲ್ (Shehnaaz Gill) ಅವರು ಈದ್ ದಿನದಂದು ಬಿಡುಗಡೆಯಾದ 'ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್' ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದ್ದಾರೆ. ತಮ್ಮ ವೃತ್ತಿಪರ ಜೀವನಕ್ಕಿಂತ ಹೆಚ್ಚಾಗಿ ತನ್ನ ವೈಯಕ್ತಿಕ ಜೀವನದ ಕಾರಣದಿಂದ ಆಗಾಗ್ಗೆ ಮುಖ್ಯಾಂಶಗಳಲ್ಲಿ ಇರುತ್ತಾರೆ. ಇತ್ತೀಚೆಗೆ, ಚಿತ್ರದ ಪ್ರಚಾರದ ಸಮಯದಲ್ಲಿ, 2019 ರ ಟಿವಿ ರಿಯಾಲಿಟಿ ಶೋ 'ಬಿಗ್ ಬಾಸ್ 13' ನಲ್ಲಿ ತಾವು ಸಾಕಷ್ಟು ಬಾಡಿ ಶೇಮಿಂಗ್ಗೆ (Body shaming) ಒಳಗಾಗಿರುವುದಾಗಿ ಅವರು ಬಹಿರಂಗಪಡಿಸಿದ್ದಾರೆ. ಅಪಹಾಸ್ಯಗಳನ್ನು ಕೇಳಿದ ನಂತರ ತಾವು ತೂಕವನ್ನು ಹೇಗೆ ಕಳೆದುಕೊಳ್ಳಬೇಕಾಯಿತು ಎಂದು ಅವರು ಬಹಿರಂಗಪಡಿಸಿದರು. ಇದರೊಂದಿಗೆ ಬಟ್ಟೆ ತೊಡುವ ವಿಧಾನದಲ್ಲೂ ಸಾಕಷ್ಟು ಬದಲಾವಣೆಯಾಗಿದೆ ಎಂದಿದ್ದಾರೆ.
'ನನ್ನನ್ನು ನಾನು ಬದಲಾಯಿಸಿಕೊಂಡಿದ್ದೇನೆ, ನನ್ನ ದೇಹವನ್ನು ಸರಿಮಾಡಿಕೊಳ್ಳಲು ಕಷ್ಟಪಟ್ಟು ಕೆಲಸ ಮಾಡಿದ್ದೇನೆ' ಎಂದು ಶಹನಾಜ್ ಹೇಳಿಕೊಂಡಿದ್ದದಾರೆ. ಜನರು ನನಗೆ ಉತ್ತಮ ಸಲಹೆ ನೀಡಿದಾಗ, ನಾನು ಅವರನ್ನು ಅನುಸರಿಸಿದ್ದೇನೆ. ಅದು ನನ್ನನ್ನು ಸುಧಾರಿಸಿದೆ. ನಾನು ತೂಕ ಕಳೆದುಕೊಂಡೆ. ಏಕೆಂದರೆ ಬಿಗ್ ಬಾಸ್ ಸಮಯದಲ್ಲಿ ನಾನು ದಪ್ಪಗಿದ್ದೆ. ಇದರಿಂದ ಹಲವು ಮಂದಿ ಬಾಡಿ ಶೇಮಿಂಗ್ ಮಾಡಿದ್ದರು. ವಿಧವಿಧ ರೀತಿಯ ಸಾಕಷ್ಟು ಕಮೆಂಟ್‌ಗಳನ್ನು ಕೇಳಿ ನೋವು ಅನುಭವಿಸಿದ್ದೇನೆ ಎಂದರು.
ಆರಂಭದ ದಿನಗಳಲ್ಲಿ ಕರಿಬೆಕ್ಕು ಎನ್ನುತ್ತಿದ್ದರು: ಘಟನೆ ನೆನೆದು ಭಾವುಕರಾದ Priyanka Chopra
'ಇದಾದ ನಂತರ ನಾನು ನನ್ನ ಶೈಲಿಯನ್ನು ಬದಲಾಯಿಸಿದೆ, ಏಕೆಂದರೆ ನಾನು ಸಲ್ವಾರ್ ಸೂಟ್‌ಗಳನ್ನು ಮಾತ್ರ ಧರಿಸಬಹುದು ಎಂದು ಜನರು ಭಾವಿಸಿದ್ದರು. ನಾನು ಜನರ ಮನಸ್ಸಿನಲ್ಲಿರುವ ಆ ಆಲೋಚನೆಗಳನ್ನು ನಾಶಪಡಿಸಿದೆ ಮತ್ತು ಭವಿಷ್ಯದಲ್ಲಿ ಅದೇ ರೀತಿ ಮಾಡುವುದನ್ನು ಮುಂದುವರಿಸುತ್ತೇನೆ. ಇದರಿಂದ ನಾನು ಮುಂದುವರಿಯಲು ಸಾಧ್ಯ. ಇಲ್ಲದಿದ್ದರೆ ಜನರ ಮಾತನ್ನು ಕೇಳುತ್ತಾ ಹೋದರೆ ತೊಂದರೆಗೆ ಸಿಲುಕುತ್ತೇನೆ ಎಂದಿದ್ದಾರೆ. ಶೆಹನಾಜ್ ಗಿಲ್ ತಮ್ಮ ನಿಜವಾದ ಗುರುತನ್ನು 'ಬಿಗ್ ಬಾಸ್ 13' ನಿಂದ ಪಡೆದರು. ಈ ಕಾರ್ಯಕ್ರಮದ ಮೂಲಕ ಎಲ್ಲರ ಹೃದಯದಲ್ಲಿ ಸ್ಥಾನ ಪಡೆದರು. ಪ್ರಸ್ತುತ ಅವರು ತಮ್ಮ ಟಾಕ್ ಶೋ ದೇಸಿ ವೈಬ್ಸ್ (Desi Wibes) ಅನ್ನು ಆಯೋಜಿಸುತ್ತಾರೆ. ಇದರೊಂದಿಗೆ ಇತ್ತೀಚೆಗಷ್ಟೇ ಸಲ್ಮಾನ್ ಖಾನ್ ಅಭಿನಯದ ‘ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್’ ಚಿತ್ರದ ಮೂಲಕ ಬಾಲಿವುಡ್ ಗೆ ಪದಾರ್ಪಣೆ ಮಾಡಿದ್ದಾರೆ.
ಶಹನಾಜ್ ಜೊತೆಗೆ, ಚಿತ್ರದಲ್ಲಿ ಪೂಜಾ ಹೆಗ್ಡೆ, ಪಾಲಕ್ ತಿವಾರಿ, ರಾಘವ್ ಜುಯಲ್, ಜಸ್ಸಿ ಗಿಲ್, ಸಿದ್ಧಾರ್ಥ್ ನಿಗಮ್ ಮತ್ತು ಸಲ್ಮಾನ್ ಖಾನ್ ಸಹ ನಟಿಸಿದ್ದಾರೆ. ಶಹನಾಜ್ ಅವರ ಮುಂದಿನ ಯೋಜನೆಯ ಬಗ್ಗೆ ಮಾತನಾಡುತ್ತಾ, ಅವರು ಶೀಘ್ರದಲ್ಲೇ ರಿಯಾ ಕಪೂರ್ ಅವರ ಹೆಸರಿಡದ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ ನಟಿ ಶಹನಾಜ್ ಗಿಲ್ ಸಲ್ಮಾನ್ ಖಾನ್ (Salman Khan) ಅವರ ಫೋನ್‌ ನಂಬರ್ ಅನ್ನು ಒಮ್ಮೆ ತಿಳಿಯದೆ ಬ್ಲಾಕ್ ಮಾಡಿ ಸುದ್ದಿಯಾಗಿದ್ದರು. ಡೆಬ್ಯೂ ಸಿನಿಮಾದ ಪ್ರಚಾರದಲ್ಲಿ ಬ್ಯುಸಿ ಆಗಿರೋ ನಟಿ, ಇತ್ತೀಚೆಗೆ ದಿ ಕಪಿಲ್ ಶರ್ಮಾ ಶೋಗೆ ಆಗಮಿಸಿದ್ದರು ಮತ್ತು ಅಲ್ಲಿ ಅವರು ಸಲ್ಮಾನ್ ಖಾನ್ (Salman Khan) ಅವರ ಫೋನ್‌ ನಂಬರ್ ಅನ್ನು ಒಮ್ಮೆ ತಿಳಿಯದೆ ಬ್ಲಾಕ್ ಮಾಡಿದ್ದರು ಎಂದು ಬಹಿರಂಗಪಡಿಸಿದ್ದರು. ಈ ಕುರಿತು ಮಾತನಾಡಿದ್ದ ಶಹನಾಜ್, 'ಆ ಸಮಯದಲ್ಲಿ ನಾನು ಅಮೃತಸರದಲ್ಲಿದ್ದೆ ಮತ್ತು ಗುರುದ್ವಾರಕ್ಕೆ ಭೇಟಿ ನೀಡುತ್ತಿದ್ದೆ. ಆಗ ನನಗೆ ಅಪರಿಚಿತ ಸಂಖ್ಯೆಯಿಂದ ಕರೆ ಬಂತು. ನನಗೆ ಅಪರಿಚಿತ ಸಂಖ್ಯೆಗಳಿಂದ ಬರುವ ಕರೆಗಳನ್ನು ನಿರ್ಬಂಧಿಸುವ ಅಭ್ಯಾಸವಿದೆ. ಹಾಗಾಗಿ ತಕ್ಷಣ ಆ ನಂಬರ್ ಬ್ಲಾಕ್ ಮಾಡಿದೆ' ಎಂದಿದ್ದರು.
Priyanka Chopra: ನಿನ್ನದು ಸ್ಯಾಂಪಲ್ ಸೈಜ್ ಅಲ್ಲ ಎಂದ್ರು, ಪತಿಯ ಮುಂದೆ ಬಿಕ್ಕಿ ಬಿಕ್ಕಿ ಅತ್ತೆ ಎಂದ ಪಿಂಕಿ