72 HOOREN: ಮುಂಬೈ ಸ್ಯೂಸೈಡ್ ಬಾಂಬರ್ಸ್ಗೆ ಸಿಕ್ಕರಾ ಆ 72 ಕನ್ಯೆಯರು?
ಸಾರಾಂಶ
ಜನರನ್ನು ಕೊಂದರೆ ಸ್ವರ್ಗದಲ್ಲಿ 72 ಕನ್ಯೆಯರು ಸಿಗುತ್ತಾರೆ ಎಂದು ಮದರಾಸಾದಲ್ಲಿ ಹೇಳಿಕೊಡುವ ಸಿನಿಮಾ '72 ಹೂರೆನ್' ಟ್ರೇಲರ್ ಬಿಡುಗಡೆಯಾಗಿದೆ.
ಬಹು ನಿರೀಕ್ಷಿತ ಚಿತ್ರ '72 ಹೂರೇನ್' ಟ್ರೈಲರ್ (Trailer) ಬಿಡುಗಡೆಯಾಗಿದೆ. ಈ ಟ್ರೇಲರ್ ನೋಡಿದರೆ ಭಯೋತ್ಪಾದನೆಯ ಕರಾಳ ಜಗತ್ತಿನ ಸತ್ಯವನ್ನು ಈ ಚಿತ್ರದಲ್ಲಿ ತೋರಿಸಲಿದ್ದಾರೆ ಎನ್ನುವುದು ತಿಳಿಯುತ್ತದೆ. ಈ ಟ್ರೇಲರ್ನಲ್ಲಿ ಭಯೋತ್ಪಾದಕರು ಮೊದಲು ಜನರ ಬ್ರೈನ್ವಾಶ್ ಮಾಡುತ್ತಿದ್ದಾರೆ. ಇದರ ನಂತರ, ಅವರು ಜನರನ್ನು ಕೊಲ್ಲಲು ಒತ್ತಾಯಿಸುತ್ತಿದ್ದಾರೆ. ಈಗ ಈ ಅಬ್ಬರದ ಟ್ರೇಲರ್ ನೋಡಿದ ಜನರು ಈ ಚಿತ್ರಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಜಿಹಾದ್ ಹೆಸರಿನಲ್ಲಿ ಜನರನ್ನು ಕೊಂದರೆ ನಿಮಗೆ ಜನ್ನತ್ನಲ್ಲಿ 72 ಹೂರೇನ್ (ಸುಂದರ ಕನ್ಯೆಯರು) ಸಿಗುತ್ತಾರೆ ಎಂದು ಮೌಲ್ವಿಯೊಬ್ಬ ಮದರಾಸಾದಲ್ಲಿ ಜನರಿಗೆ ಹೇಳುವುದರೊಂದಿಗೆ '72 ಹೂರೇನ್' ಟ್ರೈಲರ್ ಪ್ರಾರಂಭವಾಗುತ್ತದೆ. ಈ ಚಿತ್ರದ ಒಳಗೆ, ಮುಂಬೈ ದಾಳಿಯ ಬಗ್ಗೆ ತೋರಿಸಲಾಗಿದೆ, ಇದರಲ್ಲಿ ಇಬ್ಬರು ಮುಂಬೈನಲ್ಲಿ ದಾಳಿ ಮಾಡಲು ಯೋಜಿಸಿದ್ದಾರೆ ಮತ್ತು ನಂತರ ಅನೇಕ ಕುಟುಂಬಗಳು ನಾಶವಾಗುತ್ತವೆ. ಈ ದಾಳಿಯಲ್ಲಿ ಭಯೋತ್ಪಾದಕರು ಕೊಲ್ಲಲ್ಪಟ್ಟರು, ಅವರು ಸಾವಿನ ನಂತರ '72 ಹುರಾನ್ಗಳನ್ನು' ಹುಡುಕುತ್ತಾರೆ. ಈಗ ಅದೃಷ್ಟ ಖುಲಾಯಿಸುತ್ತದೋ ಇಲ್ಲವೋ ಎಂಬುದು ಚಿತ್ರ ನೋಡಿದ ನಂತರವೇ ಗೊತ್ತಾಗಲಿದೆ.
ಟ್ರೇಡ್ ವಿಶ್ಲೇಷಕ ತರಣ್ ಆದರ್ಶ್ ಅವರು ಈ ಚಿತ್ರದ ಟ್ರೇಲರ್ (Trailer) ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ (Social Media) ಹಂಚಿಕೊಂಡಿದ್ದಾರೆ ಮತ್ತು ಈ ಟ್ರೈಲರ್ ಅನ್ನು ರಾಷ್ಟ್ರ ಪ್ರಶಸ್ತಿ (Natinal Award) ವಿಜೇತ ಸಂಜಯ್ ಪುರನ್ ಸಿಂಗ್ ಚೌಹಾಣ್ ಬಿಡುಗಡೆ ಮಾಡಿದ್ದಾರೆ ಎಂದು ಹೇಳಿದ್ದಾರೆ. ಇದರೊಂದಿಗೆ ಈ ವರ್ಷ ಜುಲೈ 7 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಅವರು ಹೇಳಿದ್ದಾರೆ. ಚಿತ್ರ ಬಿಡುಗಡೆಗೂ ಮುನ್ನವೇ ಸಾಕಷ್ಟು ವಿವಾದಗಳಲ್ಲಿ ಸಿಲುಕಿಕೊಂಡಿದೆ. ಅದೇ ಸಮಯದಲ್ಲಿ, ಸೆನ್ಸಾರ್ ಮಂಡಳಿಯು (Senosr Board) ಅನೇಕ ವಿಷಯಗಳ ಬಗ್ಗೆ ಆಕ್ಷೇಪಣೆಗಳನ್ನು ಎತ್ತಿತ್ತು ಮತ್ತು ಈ ಟ್ರೇಲರ್ಗೆ ಗ್ರೀನ್ ಸಿಗ್ನಲ್ ನೀಡಲು ನಿರಾಕರಿಸಿತು. ಆದರೆ, ಇದರ ಹೊರತಾಗಿಯೂ ಟ್ರೇಲರ್ ಬಿಡುಗಡೆಯಾಗಿದೆ.
ನನ್ನ ಗಂಡ ಐಸಿಸ್ ಅಲ್ಲ, ಮಕ್ಕಳೇನು ಜಿಹಾದಿಗಳಾಗಲ್ಲ... ನಟಿ ಪ್ರಿಯಾಮಣಿ ಗರಂ ಗರಂ
ದಿ ಕಾಶ್ಮೀರ್ ಫೈಲ್ಸ್, ದಿ ಕೇರಳ ಸ್ಟೋರಿ (The Kerala Story) ಬಿಡುಗಡೆಯಾದಾಗಿನಿಂದಲೂ ಬಹಳ ವಿವಾದ ಸೃಷ್ಟಿಸುತ್ತಲೇ ಬಂದಿದೆ. ಅದರಲ್ಲಿಯೂ ಮುಸ್ಲಿಂ ಧರ್ಮಕ್ಕೆ (Muslim Religion) ಹಿಂದೂ ಯುವತಿಯರನ್ನು ಹೇಗೆ ಮತಾಂತರಗೊಳಿಸಿ ಐಸಿಸ್ಗೆ ಸೇರ್ಪಡೆ ಮಾಡಲಾಗುತ್ತಿದೆ ಎಂಬ ಕರಾಳ ಕಥೆಯುಳ್ಳ ದಿ ಕೇರಳ ಸ್ಟೋರಿಯನ್ನು ಕಾಂಗ್ರೆಸ್ಸಿಗರು ಸೇರಿದಂತೆ ಒಂದು ಗುಂಪು ಇಂದಿಗೂ ವಿರೋಧಿಸುತ್ತಲೇ ಇದೆ. ಈ ಚಿತ್ರ ಬಿಡುಗಡೆಗೊಂಡ ನಂತರ ಹಲವು ಹಿಂದೂ ಯುವತಿಯರು ಧೈರ್ಯದಿಂದ ಮುಂದೆ ಬಂದು ತಾವು ಮತಾಂತರಗೊಂಡು ಅನುಭವಿಸಿದ್ದ ನೋವಿನ ಕರಾಳ ಸರಮಾಲೆಗಳನ್ನು ಮಾಧ್ಯಮಗಳ ಮುಂದೆ ಬಿಚ್ಚಿಟ್ಟಿದ್ದಾರೆ. ಇದರ ಮೂಲಕ ಈ ಸಿನಿಮಾ ಕಾಲ್ಪನಿಕ ಅಲ್ಲ, ಬದಲಿಗೆ ನಿಜವಾದದ್ದು ಎಂದು ಹೇಳಿದ್ದಾರೆ. ದಿ ಕೇರಳ ಸ್ಟೋರಿ ಬಹುತೇಕ ಬಾಲಿವುಡ್ ದಾಖಲೆಗಳನ್ನು (Bollywood Records) ಉಡೀಸ್ ಮಾಡಿ ಈ ಚಿತ್ರ ಮುನ್ನುಗ್ಗುತ್ತಲೇ ಇದೆ. ಇದಾಗಲೇ 250 ಕೋಟಿ ರೂಪಾಯಿಗಳನ್ನು ದಾಟಿಸಿ ಬಾಕ್ಸ್ ಆಫೀಸ್ (Box Office) ಕೊಳ್ಳೆ ಹೊಡೆದಿದೆ. ಇದೀಗ ಇದೇ ಚಿತ್ರದ ಸಾಲಿಗೆ ಸೇರ್ಪಡೆಯಾಗುತ್ತಿರುವ ಇನ್ನೊಂದು ಚಿತ್ರವ 72 ಹೂರೇನ್.
ಹೌದು. ಭಯೋತ್ಪಾದನೆಯ ಹಾಗೂ ಭಯೋತ್ಪಾದಕರ ಅದರಲ್ಲಿಯೂ ಸ್ಯೂಸೈಡ್ ಬಾಂಬರ್ಗಳನ್ನು (Suicide Bomber) ಸೃಷ್ಟಿಮಾಡುವ ಕರಾಳ, ಘನಘೋರ ಕಥಾ ಹಂದವನ್ನು ಹೊಂದಿದೆ 72 ಹೂರೇನ್. ಹೂರೇನ್ ಎನ್ನುವುದು ಅರೇಬಿಕ್ ಭಾಷೆಯಾಗಿದ್ದು, ಇದರ ಅರ್ಥ ಸ್ವರ್ಗದಲ್ಲಿರುವ ಕನ್ಯೆಯರು ಇನ್ನೊಂದರ್ಥದಲ್ಲಿ ಹೇಳುವುದಾದರೆ ಸ್ವರ್ಗದಲ್ಲಿರುವ ಅಪ್ಸರೆಯರು. ಸಂಜಯ್ ಪುರಣ್ ಸಿಂಗ್ ಚೌಹಾಣ್ ನಿರ್ದೇಶನದ '72 ಹೂರೇನ್' ಚಿತ್ರದ ಮೊದಲ ಟೀಸರ್ (Teaser) ನಿನ್ನೆ ಅಂದರೆ ಜೂನ್ 4 ರಂದು ಬಿಡುಗಡೆಯಾಗಿದೆ. ಇದರಲ್ಲಿ ಪವನ್ ಮಲ್ಹೋತ್ರಾ ಮತ್ತು ಅಮೀರ್ ಬಶೀರ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಭಯೋತ್ಪಾದನೆಯ ಕಾರಣವನ್ನು ಚಿತ್ರದ ಟೀಸರ್ ಮೂಲಕ ಹೇಳಲಾಗಿದೆ. ಕೆಲವು ಮೂಲಭೂತವಾದಿಗಳು ಧರ್ಮದ ಹೆಸರಿನಲ್ಲಿ ಸಾಮಾನ್ಯ ಜನರನ್ನು ಹೇಗೆ ಭಯೋತ್ಪಾದಕರನ್ನಾಗಿ ಮಾಡುತ್ತಾರೆ ಎನ್ನುವುದನ್ನು ಈ ಚಿತ್ರ ತೋರಿಸುತ್ತದೆ. ಚಿತ್ರವು ಭಯೋತ್ಪಾದನೆಯ ಮನಸ್ಥಿತಿಯನ್ನು ಅನಾವರಣಗೊಳಿಸಿರುವುದು ಚಿತ್ರದ ಟೀಸರ್ನಿಂದ ಸ್ಪಷ್ಟವಾಗಿದೆ.
Viral Video: ಸಂದರ್ಶನದ ನೇರಪ್ರಸಾರದಲ್ಲಿಯೇ ಆ್ಯಂಕರ್ ಎದ್ರು ಶರ್ಟ್ ಬಿಚ್ಚೋದಾ ಈ ನಟ?
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.