ಪವನ್ ಕಲ್ಯಾಣ್ ಅನ್ನಾ ಲೆಜ್ನೆವಾ ಡಿವೋರ್ಸ್ ಘೋಷಣೆ ಬೆನ್ನಲ್ಲೇ ಮಾಜಿ ಪತ್ನಿ ರೇಣು ದೇಸಾಯಿ ಹೇಳಿಕೆ ವೈರಲ್!

Pawan Kalyan Anna Lezhneva Divorce: ಹಾಗೂ ಅನ್ನಾ ಲೆಜ್ನೆವಾ 13 ವರ್ಷಗಳ ದಾಂಪತ್ಯವನ್ನು ಅಂತ್ಯಗೊಳಿಸಿ ವಿಚ್ಛೇದನ. ಇದು ಪವನ್‌ರ 3ನೇ ಡೈವೋರ್ಸ್ ಆಗಿದ್ದು, ಈ ಬೆನ್ನಲ್ಲೇ ಮಾಜಿ ಪತ್ನಿ ರೇಣು ದೇಸಾಯಿ "ಗಂಡಸರು 3-4 ಮದುವೆ ಆಗಬಹುದು, ಹೆಣ್ಣುಮಕ್ಕಳು ಆಗುವಂತಿಲ್ಲ" ಎಂದು ಮಾರ್ಮಿಕವಾಗಿ ಟೀಕೆ..

Pawan Kalyan ಪವನ್ ಕಲ್ಯಾಣ್(Pawan Kalyan) ಮತ್ತು ಅನ್ನಾ ಲೆಜ್ನೆವಾ ಅವರ 13 ವರ್ಷಗಳ ದಾಂಪತ್ಯ ಮುರಿದಬಿದ್ದಿದೆ. ನಿನ್ನೆ ಅಂದರೆ ನವೆಂಬರ್ 9, ಸೋಮವಾರ ರಾತ್ರಿ ದಿಢೀರನೇ ಪವನ್ ಕಲ್ಯಾಣ್ ಮತ್ತು ಅನ್ನಾ ಜಂಟಿಯಾಗಿ ಡೈವೋರ್ಸ್ ಘೋಷಣೆ ಮಾಡಿದ್ದಾರೆ. ಹದಿಮೂರು ವರ್ಷಗಳಿಂದ ದಾಂಪತ್ಯದಿಂದ ಹಿಡಿದು, ಇತ್ತೀಚಿನ ಚುನಾವಣೆ ಸಮಯದವರೆಗೂ ಅನ್ಯೋನ್ಯವಾಗಿ ದಂಪತಿ ಇದೀಗ ಏಕಾಏಕಿ ಡೈವೋರ್ಸ್ ಘೋಷಣೆ ಮಾಡಿರುವುದು ಅಭಿಮಾನಿಗಳಿಗೆ ಶಾಕ್ ಆಗಿದೆ.

ಈ ನಡುವೆ ನಿನ್ನೆ ಪವನ್ ಡೈವೋರ್ಸ್ ಘೋಷಣೆ ಮಾಡಿದ ಬೆನ್ನಲ್ಲೇ ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ನಿರ್ದೇಶಕಿ ರೇಣು ದೇಸಾಯಿ ಪ್ರತಿಕ್ರಿಯಿಸಿದ್ದು, 'ಗಂಡಸರು ಮೂರು ನಾಲ್ಕು ಮದುವೆಯಾಗಬಹುದು. ಆದರೆ ಹೆಣ್ಣುಮಕ್ಕಳು ಆಗುವಂತಿಲ್ಲ...' ಎಂದು ಪವನ್ ಕಲ್ಯಾಣ್ ಉದ್ದೇಶಿಸಿಯೇ ಮಾರ್ಮಿಕವಾಗಿ ಪ್ರತಿಕ್ರಿಯಿಸಿದ್ದಾರೆ. ಏಕೆಂದರೆ ಪವನ್ ಕಲ್ಯಾಣ್‌ಗೆ ಇದು ಮೂರನೇ ಡೈವೋರ್ಸ್ ಆಗಿದೆ. ರೇಣು ದೇಸಾಯಿ ಸೇರಿ ಇಬ್ಬರ ಪತ್ನಿಯ ಜೊತೆಗೂ ಪವನ್ ಕಲ್ಯಾಣ್ ಸಂಬಂಧ ಮುರಿದುಬಿದ್ದಿತ್ತು.

ಇದನ್ನೂ ಓದಿ: ಪವನ್ ಕಲ್ಯಾಣ್ ಅನ್ನ ಕೊನಿಡೇಲಾ 13 ವರ್ಷಗಳ ದಾಂಪತ್ಯ ಅಂತ್ಯ, ಡಿವೋರ್ಸ್‌ಗೆ ನಿಜವಾದ ಕಾರಣಗಳೇನು?

ರೇಣು ದೇಸಾಯಿಗೆ ಡೈವೋರ್ಸ್ ಕೊಟ್ಟ ಒಂದೇ ವರ್ಷದಲ್ಲಿ ಅನ್ನಾಳ ಜೊತೆ ಪವನ್ ಮದುವೆ!

ಪವನ್ ಕಲ್ಯಾಣ್ ಅನ್ನಾ ಲೆಜ್ನೆವಾ ಅವರನ್ನ ಮದುವೆಯಾಗುವ ಮೊದಲು ನಟಿ-ನಿರ್ದೇಶಕಿ ರೇಣು ದೇಸಾಯಿ ಅವರೊಂದಿಗೆ ಮದುವೆಯಾಗಿದ್ದರು. ಆದರೆ 2009ರಲ್ಲಿ ಮದುವೆಯಾಗಿದ್ದ ಪವನ್ ಕಲ್ಯಾಣ್ ಅನಂತರ ಇಬ್ಬರ ನಡುವೆ ದಾಂಪತ್ಯದಲ್ಲಿ ಬಿರುಕು ಮೂಡಿ 2012ರಲ್ಲಿ ವಿಚ್ಛೇದನ ನೀಡಿದ್ದರು. ಅಷ್ಟೇ ಅಲ್ಲದೆ ರೇಣು ದೇಸಾಯಿಗೆ ವಿಚ್ಛೇದನ ನೀಡಿದ ಒಂದೇ ವರ್ಷದೊಳಗೆ ಅಂದರೆ 2013 ರಲ್ಲಿ ರಷ್ಯಾ ಪ್ರಜೆಯಾದ ಅನ್ನಾ ಅವರನ್ನು ಮದುವೆಯಾಗಿದ್ದರು. ರೇಣು ದೇಸಾಯಿಗೆ ಅವರಿಗೆ ಒಬ್ಬ ಮಗ, ಮಗಳು ಇದ್ದಾರೆ. ಪವನ್ ಕಲ್ಯಾಣ್ ಜೊತೆಗಿನ ಸಂಬಂಧ ಮುರಿದುಬಿದ್ದ ನಂತರ ಅವರು ಇಂದಿನವರೆಗೆ ಸೌಹಾರ್ದಯುತ ಸಂಬಂಧ ಹಾಗೆಯೇ ಉಳಿಸಿಕೊಂಡಿದ್ದರೂ ರೇಣು ದೇಸಾಯಿ ತನ್ನ ಹಿಂದಿನ ಮದುವೆಯಿಂದಾಗಿ ಪವನ್ ಫ್ಯಾನ್ಸ್, ನೆಟಿಜನ್ ನಿಂದ ಅನವಶ್ಯವಾಗಿ ಟ್ರೋಲ್‌ಗೆ ಒಳಗಾಗಿದ್ದರು. ಇಂದಿಗೂ ಅವರನ್ನು ಮಾಜಿ ಪತ್ನಿ ಎಂದು ಗುರುತಿಸಿಕೊಳ್ಳದಂತೆ ಪ್ರಯತ್ನ ಪಡುತ್ತಲೇ ಇದ್ದಾರೆ. ಇದರ ಬೆನ್ನಲ್ಲೇ ಇದೀಗ ಅನ್ನಾಳ ಜೊತೆಗೂ ದಾಂಪತ್ಯ ಮುರಿದುಬಿದ್ದಿದೆ.

ಗಂಡಸರು ಮೂರು ನಾಲ್ಕು ಮದುವೆ ಆಗಬಹುದು ಆದ್ರೆ ಮಹಿಳೆಯರು ಆಗುವಂತಿಲ್ಲ!

….