ಆಸ್ಕರ್ 2021ರಲ್ಲಿ ನಟ ಇರ್ಫಾನ್ ಖಾನ್, ಭಾನು ಅಥಿಯಾಗೆ ಗೌರವ
ಸಾರಾಂಶ
ಆಸ್ಕರ್ 2021 | ನಟ ಇರ್ಫಾನ್ ಖಾನ್ ಮತ್ತು ಭಾರತೀಯ ಆಸ್ಕರ್ ಪ್ರಶಸ್ತಿ ವಿಜೇತ ವಸ್ತ್ರ ವಿನ್ಯಾಸಕ ಭಾನು ಅಥಿಯಾ ಅವರಿಗೆ ಗೌರವ
ಆಸ್ಕರ್ 2021 ರಲ್ಲಿ ಬಾಲಿವುಡ್ ನಟ ಇರ್ಫಾನ್ ಖಾನ್ ಮತ್ತು ಭಾರತೀಯ ಆಸ್ಕರ್ ಪ್ರಶಸ್ತಿ ವಿಜೇತ ವಸ್ತ್ರ ವಿನ್ಯಾಸಕ ಭಾನು ಅಥಿಯಾ ಅವರಿಗೆ ಗೌರವ ಸಲ್ಲಿಸಲಾಗಿದೆ. ಸಮಾರಂಭದಲ್ಲಿ ಅಕಾಡೆಮಿಯ ಇನ್ ಮೆಮೋರಿಯಂ ವಿಭಾಗದಲ್ಲಿ ಇಬ್ಬರು ಕಾಣಿಸಿಕೊಂಡಿದ್ದು, ಗೌರವ ಸಲ್ಲಿಸಲಾಗಿದೆ.
ಬಾಲಿವುಡ್ನಲ್ಲಿ ಹಲವಾರು ಜನಪ್ರಿಯ ಸಿನಿಮಾಗಳನ್ನು ಮಾಡಿದ್ದ ಇರ್ಫಾನ್ ಹಾಲಿವುಡ್ ಚಿತ್ರಗಳಾದ ಲೈಫ್ ಆಫ್ ಪೈ, ಸ್ಲಮ್ಡಾಗ್ ಮಿಲಿಯನೇರ್, ಜುರಾಸಿಕ್ ವರ್ಲ್ಡ್ ಮತ್ತು ಇನ್ಫರ್ನೊ ಸಿನಿಮಾಗಳಲ್ಲಿ ಅವರ ಕೆಲಸಕ್ಕಾಗಿ ವಿಶ್ವದಾದ್ಯಂತ ಹೆಸರು ಪಡೆದಿದ್ದರು.
ಬಹುಭಾಷಾ ನಟಿ ಪೂಜಾ ಹೆಗ್ಡೆಗೆ ಕೊರೋನಾ ಪಾಸಿಟಿವ್
ಸ್ಲಮ್ಡಾಗ್ ಮಿಲಿಯನೇರ್ನಲ್ಲಿ ನಟನೊಂದಿಗೆ ಕೆಲಸ ಮಾಡಿದ್ದ ಫ್ರೀಡಾ ಪಿಂಟೊ ಈ ಹಿಂದೆ ಅಕಾಡೆಮಿಗಾಗಿ ನಟನ ಗೌರವಾರ್ಥವಾಗಿ ಕೆಲವು ವಿಚಾರ ಬರೆದಿದ್ದಾರೆ. ಇರ್ಫಾನ್ ಖಾನ್ ಅವರಂತೆ ಯಾರೂ ಇರಲಿಲ್ಲ. ಅವರು ಘನತೆ ಇರುವ ಕಲಾವಿದ, ನಟ - ಅವರ ಎಲ್ಲಾ ಆಕಾರಗಳು ಮತ್ತು ರೂಪಗಳಲ್ಲಿ ಮಾನವೀಯತೆಯ ಚಿತ್ರಣವಿತ್ತು - ಅವರ ಬಗ್ಗೆ ನನಗೆ ಅಪಾರ ಮೆಚ್ಚುಗೆಯಿದೆ. ನನ್ನ ವೃತ್ತಿಜೀವನದಲ್ಲೂ ಆ ಅನುಗ್ರಹವನ್ನು ಅನುಕರಿಸಲು ನಾನು ಬಯಸುತ್ತೇನೆ ಎಂದಿದ್ದರು. 1982 ರಲ್ಲಿ ಗಾಂಧಿ ಸಿನಿಮಾದ ಅತ್ಯುತ್ತಮ ವಸ್ತ್ರ ವಿನ್ಯಾಸಕ್ಕಾಗಿ ಅಕಾಡೆಮಿ ಪ್ರಶಸ್ತಿಯನ್ನು ಗೆದ್ದ ಭಾನು ಅವರು ಭಾರತದ ಮೊದಲ ಆಸ್ಕರ್ ಪ್ರಶಸ್ತಿ ಪಡೆದವರು.
ಸೋಮವಾರ ನಡೆದ 93 ನೇ ಅಕಾಡೆಮಿ ಪ್ರಶಸ್ತಿ ಸಮಾರಂಭದಲ್ಲಿ ಇರ್ಫಾನ್ ಖಾನ್ ಮತ್ತು ಭಾನು ಅಥಿಯಾ ಅವರೊಂದಿಗೆ ಸೀನ್ ಕಾನರಿ, ಕ್ರಿಸ್ಟೋಫರ್ ಪ್ಲಮ್ಮರ್ ಮತ್ತು ಚಾಡ್ವಿಕ್ ಬೋಸ್ಮನ್ಗೂ ಗೌರವ ಸಲ್ಲಿಸಲಾಗಿದೆ. ಶ್ರದ್ಧಾಂಜಲಿ ವೀಡಿಯೊ ಕ್ಲಿಪ್ ರೂಪದಲ್ಲಿ ನಟರು, ನಿರ್ದೇಶಕರು, ಬರಹಗಾರರು ಮತ್ತು ತಂತ್ರಜ್ಞರು ಸೇರಿದಂತೆ ಕಲಾವಿದರಿಗೆ ಗೌರವ ಸಲ್ಲಿಸಲಾಗಿದೆ.
ಕೋವಿಡ್ ನಿರ್ವಹಣೆಗೆ ಅಕ್ಷಯ್ 1 ಕೋಟಿ ರು. ದೇಣಿಗೆ
ಇರ್ಫಾನ್ ಖಾನ್ ಕ್ಯಾನ್ಸರ್ ನಿಂದ ಕಳೆದ ವರ್ಷ ಏಪ್ರಿಲ್ 29 ರಂದು ನಿಧನರಾದರು. ಅವರಿಗೆ ನ್ಯೂರೋಎಂಡೋಕ್ರೈನ್ ಗೆಡ್ಡೆ ರೋಗನಿರ್ಣಯ ಮಾಡಲಾಯಿತು. ಇದಕ್ಕಾಗಿ ಅವರು ಎರಡು ವರ್ಷಗಳಿಂದ ಲಂಡನ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಭಾನು ಅಥಿಯಾ ದೀರ್ಘಕಾಲದವರೆಗೆ ಮೆದುಳಿನ ಗೆಡ್ಡೆಯಿಂದ ಬಳಲುತ್ತಿದ್ದರು ಮತ್ತು ಕಳೆದ ವರ್ಷ ಅಕ್ಟೋಬರ್ 15 ರಂದು ನಿಧನರಾದರು.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.