ಇತ್ತೀಚೆಗೆ ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಮತ್ತು ಉಂಗುರ ಬದಲಾಯಿಸಿಕೊಂಡ ಫೋಟೋಗಳು ಸಹ ವೈರಲ್ ಆಗಿದ್ದವು. ಈ ಮಧ್ಯೆ, ಅವರ ವಿವಾಹದ ದಿನಾಂಕ ಮತ್ತು ಇತರ ವಿವರಗಳು ಬಹಿರಂಗಗೊಂಡಿವೆ.
ದಕ್ಷಿಣ ಭಾರತದ ಸ್ಟಾರ್ ನಟ ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಆಗಸ್ಟ್ 8 ರಂದು ಹೈದರಾಬಾದ್fನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡರು. ಈ ಸಮಾರಂಭವು ನಾಗ ಚೈತನ್ಯ ಅವರ ಹೈದರಾಬಾದ್ ಮನೆಯಲ್ಲಿ ನಡೆಯಿತು. ತುಂಬಾ ಖಾಸಗಿಯಾಗಿ ನಡೆದ ಸಮಾರಂಭದಲ್ಲಿ ಎರಡೂ ಕುಟುಂಬಗಳ ಸದಸ್ಯರು ಮಾತ್ರ ಭಾಗವಹಿಸಿದ್ದರು. ನಾಗ ಚೈತನ್ಯ ಅವರ ತಂದೆ ನಟ ಅಕ್ಕಿನೇನಿ ನಾಗಾರ್ಜುನ ಸಾಮಾಜಿಕ ಮಾಧ್ಯಮದಲ್ಲಿ ಈ ಸಂತಸದ ಸುದ್ದಿಯನ್ನು ಹಂಚಿಕೊಂಡಿದ್ದರು. ನಿಶ್ಚಿತಾರ್ಥಕ್ಕೂ ಮುಂಚೆ ಈ ಜೋಡಿ ಸುಮಾರು ಎರಡು ವರ್ಷಗಳ ಕಾಲ ಡೇಟಿಂಗ್ ಮಾಡುತ್ತಿತ್ತು. ನಿಶ್ಚಿತಾರ್ಥದ ನಂತರ ಈ ಜೋಡಿ ತಮ್ಮ ಸಂಬಂಧವನ್ನು ದೃಢಪಡಿಸಿತು. ಇಬ್ಬರೂ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ನಿಶ್ಚಿತಾರ್ಥದ ಹಲವು ಫೋಟೋಗಳನ್ನು ಪೋಸ್ಟ್ ಮಾಡಿದ್ದರು. ಈಗ ಈ ಜೋಡಿಯ ವಿವಾಹದ ಬಗ್ಗೆ ಹಲವು ವಿಚಾರಗಳು ಬಹಿರಂಗಗೊಂಡಿವೆ.
ಬಿಗ್ ಬಾಸ್ ಕನ್ನಡ11ಕ್ಕೆ ಸುವರ್ಣನ್ಯೂಸ್ ಅಜಿತ್! ಬಾಸ್‌ಗೇ ಬಿಗ್‌ಬಾಸ್ ಮನೆ ಏಕೆ ಕೇಳ್ತಿದ್ದಾರೆ ಫ್ಯಾನ್ಸ್!
ನಾಗ ಚೈತನ್ಯ ಮತ್ತು ಶೋಭಿತಾ ಧೂಲಿಪಾಲ ಯಾವಾಗ ಮತ್ತು ಎಲ್ಲಿ ವಿವಾಹವಾಗುತ್ತಿದ್ದಾರೆ?: ನಾಗ ಚೈತನ್ಯ-ಶೋಭಿತಾ ಧೂಲಿಪಾಲ ಅವರ ನಿಶ್ಚಿತಾರ್ಥದ ನಂತರ ಅಭಿಮಾನಿಗಳು ಅವರ ವಿವಾಹಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಇತ್ತೀಚಿನ ವರದಿಗಳ ಪ್ರಕಾರ, ನಾಗ-ಶೋಭಿತಾ ಯಾವಾಗ ಮತ್ತು ಎಲ್ಲಿ ವಿವಾಹವಾಗುತ್ತಾರೆ ಎಂಬ ಬಗ್ಗೆ ಊಹಾಪೋಹಗಳು ಹರಿದಾಡುತ್ತಿವೆ. ಆದರೆ ಈ ಜೋಡಿ ಈವರೆಗೆ ತಮ್ಮ ವಿವಾಹದ ಬಗ್ಗೆ ಯಾವುದೇ ಮಾಹಿತಿಯನ್ನು ಹಂಚಿಕೊಂಡಿಲ್ಲ. ಆದರೆ ಮಾಧ್ಯಮ ವರದಿಗಳ ಪ್ರಕಾರ, ಅವರು ವಿವಾಹಕ್ಕಾಗಿ ಎರಡು ದಿನಾಂಕಗಳನ್ನು ನಿಗದಿಪಡಿಸಿದ್ದಾರೆ. ಈ ವರ್ಷದ ಅಂತ್ಯದಲ್ಲಿ ಅಥವಾ ಮಾರ್ಚ್ 2025 ರಲ್ಲಿ ವಿವಾಹ ನಡೆಯಲಿದೆ ಎಂಬ ವದಂತಿಗಳಿವೆ. ಹೆಚ್ಚಿನ ಬಾಲಿವುಡ್‌ ಮಂದಿ ರಾಜಸ್ಥಾನದಲ್ಲಿ ಭವ್ಯವಾದ ಬಂಗಲೆಯಲ್ಲಿ ವಿವಾಹಕ್ಕೆ ಸ್ಥಳ ಆಯ್ಕೆ ಮಾಡಿಕೊಳ್ಳುತ್ತಾರೆ, ಆದರೆ ವರದಿಗಳ ಪ್ರಕಾರ, ಶೋಭಿತಾ ಮತ್ತು ನಾಗ ಚೈತನ್ಯ ಮಧ್ಯಪ್ರದೇಶ ಅಥವಾ ವಿದೇಶದಲ್ಲಿ ವಿವಾಹವಾಗಬಹುದು ಎನ್ನಲಾಗಿದೆ.
ಐಶ್ವರ್ಯಾ ರೈಗೆ ಮೊಂಡುತನವಿದೆ ಎಂದ ಸಹೋದರ ಆದಿತ್ಯ ರೈ!
ನಾಗ ಚೈತನ್ಯ ಅವರ ಎರಡನೇ ವಿವಾಹ: ನಾಗ ಚೈತನ್ಯ ಅವರಿಗೆ ಇದು ಎರಡನೇ ವಿವಾಹ ಎಂಬುದು ಎಲ್ಲರಿಗೂ ತಿಳಿದಿದೆ. ಇದಕ್ಕೂ ಮೊದಲು ಅವರು ಸಮಂತಾ ರುತು ಪ್ರಭು ಅವರನ್ನು ವಿವಾಹವಾಗಿದ್ದರು. ಈ ಜೋಡಿಯ ವಿವಾಹವು ಗೋವಾದಲ್ಲಿ ಅದ್ದೂರಿಯಾಗಿ ನೆರವೇರಿತ್ತು. ಆದರೆ ಈ ವಿವಾಹವು ಹೆಚ್ಚು ಕಾಲ ಉಳಿಯಲಿಲ್ಲ ಮತ್ತು 2021 ರಲ್ಲಿ ಅವರಿಬ್ಬರೂ ವಿಚ್ಛೇದನ ಪಡೆದರು. ವಿಚ್ಛೇದನದ ನಂತರ ನಾಗ ಚೈತನ್ಯ ಖಿನ್ನತೆಗೆ ಒಳಗಾಗಿದ್ದರು ಮತ್ತು ಅನಂತರ ಅವರಿಗೆ ಶೋಭಿತಾ ಧೂಲಿಪಾಲ ಅವರ ಪರಿಚಯವಾಯ್ತು. ನಿಶ್ಚಿತಾರ್ಥದ ನಂತರ ನಾಗ ಚೈತನ್ಯ ತಂದೆ ನಾಗಾರ್ಜುನ ಮಾತನಾಡಿ, ಇಬ್ಬರಿಗೂ ಇನ್ನೂ ಮದುವೆಯಾಗಲು ಆತುರವಿಲ್ಲ ಎಂದು ಹೇಳಿದ್ದರು. ಸರಿಯಾದ ಸಮಯದಲ್ಲಿ ಎಲ್ಲವನ್ನೂ ಬಹಿರಂಗಪಡಿಸಲಾಗುವುದು ಎಂದಿದ್ದರು. ಆದರೆ ಈಗ ಮಾಧ್ಯಮ ವರದಿ ಪ್ರಕಾರ ಮಾರ್ಚ್ 2025 ಮದುವೆಯಾಗುವುದಂತೂ ಪಕ್ಕಾ ಎನ್ನಲಾಗಿದ್ದು, ಆ ದಿನಾಂಕವನ್ನು ಅವರೇ ಬಹಿರಂಗ ಪಡಿಸಬೇಕು.