ಅಪ್ಪ, ಅಮ್ಮ ಸಹಾಯ ಮಾಡಲ್ಲ, ನನ್ನ ಖರ್ಚು ನಾನೇ ನೋಡ್ತೀನಿ ಎಂದ ಶ್ರುತಿ ಹಾಸನ್

ಅಪ್ಪ ಅಮ್ಮ ದುಡ್ಡು ಕೊಡಲ್ಲ ಎಂದ ಕಮಲ್ ಹಾಸನ್ ಪುತ್ರಿ ನನ್ನ ಖರ್ಚು ನಾನೇ ನೋಡ್ಕೊಳ್ತೀನಿ ಎಂದ ಕಾಲಿವುಡ್ ಚೆಲುವೆ

ನಾನು ಕೊರೋನಾ ಮುಗಿಯುವವರೆಗೆ ಕಾಯಲು ಸಾಧ್ಯವಿಲ್ಲ ಎಂದು ನಟಿ ಶ್ರುತಿ ಹಾಸನ್ ಹೇಳಿದ್ದಾರೆ. ಆರೋಗ್ಯದ ಭೀತಿಯ ಮಧ್ಯೆ ಚಿತ್ರೀಕರಣ ಮಾಡುವುದು ಕಷ್ಟವಾಗಿದೆ. ಆದರೆ ನಡೆಯುತ್ತಿರುವ ಲಾಕ್‌ಡೌನ್ ನಂತರ ಕೆಲಸ ಪುನರಾರಂಭಿಸುವುದು ಬಹಳ ಮುಖ್ಯ ಎಂದಿದ್ದಾರೆ.

ಮಾಸ್ಕ್ ಇಲ್ಲದೆ ಸೆಟ್‌ನಲ್ಲಿರುವುದು ತುಂಬಾ ಭಯಾನಕ. ನಾನು ಸುಳ್ಳು ಹೇಳೋದಿಲ್ಲ. ಆದರೆ ನಾವು ಕೆಲಸಕ್ಕೆ ಮರಳಬೇಕಾಗಿದೆ. ನಾನು ಎಲ್ಲರಂತೆ ಹಣಕಾಸಿನ ಮಿತಿಗಳನ್ನು ಹೊಂದಿದ್ದೇನೆ ಎಂದು ಹೇಳಿದ್ದಾರೆ ಕಮಲ್ ಹಾಸನ್ ಮಗಳು.

ಅವರು ಚಿತ್ರೀಕರಣಕ್ಕೆ ಸಿದ್ಧರಾದಾಗ, ನಾನು ಹೋಗಲೇಬೇಕು. ಅಲ್ಲಿಗೆ ಹೋಗಿ ಶೂಟ್ ಮುಗಿಸಿ ಇತರ ವೃತ್ತಿಪರ ಬದ್ಧತೆಗಳನ್ನು ಮುಗಿಸಬೇಕು ಎಂದಿದ್ದಾರೆ. ನಾವು ಪಡೆಯುವ ಸಂಭಾವನೆ ನಮ್ಮ ಸಂಪಾದನೆ ಭಿನ್ನವಾಗಿರಬಹುದು. ಆದರೆ ನಾವೆಲ್ಲರೂ  ಬಿಲ್‌ಗಳನ್ನು ಪಾವತಿಸಲೇಬೇಕು. ಅದಕ್ಕಾಗಿಯೇ ನಾನು ಕೆಲಸಕ್ಕೆ ಮರಳಬೇಕಾಗಿದೆ ಎಂದು ಹೇಳಿದ್ದಾರೆ.

ನಟ-ರಾಜಕಾರಣಿ ಕಮಲ್ ಹಾಸನ್ ಅವರ ಮಗಳು ತನ್ನನ್ನು ಸ್ವಂತ ಬಿಲ್ ಪಾವತಿಸುವ ಸ್ವತಂತ್ರ ಮಹಿಳೆ ಎಂದು ಕರೆದುಕೊಂಡಿದ್ದಾರೆ. ನನಗೆ ನನ್ನ ಮಿತಿಗಳಿವೆ. ನನ್ನ ತಂದೆ ಅಥವಾ ಮಮ್ಮಿ ನನಗೆ ಸಹಾಯ ಮಾಡುತ್ತಿಲ್ಲ ಎಂದಿದ್ದಾರೆ. ಕಳೆದ 11 ವರ್ಷಗಳಲ್ಲಿ ನಟಿ ತನ್ನ ತಂದೆಯ ಸ್ಥಳದಿಂದ ಹೊರಬಂದು ತಾನೇ ಕಟ್ಟಿದ ತನ್ನ ಜೀವನದ ಬಗ್ಗೆ ಹೆಮ್ಮೆಪಡುತ್ತಾರೆ.

ನಾನು ಎಲ್ಲ ನಿರ್ಧಾರಗಳನ್ನು ತೆಗೆದುಕೊಂಡಿದ್ದೇನೆ - ಒಳ್ಳೆಯದು ಅಥವಾ ಕೆಟ್ಟದು. ಕೊರೋನಾ ಮೊದಲು ಕಾರು ಅಥವಾ ಮನೆಯಂತಹ ಯಾವುದೇ ದೊಡ್ಡ ವಸ್ತುಗಳನ್ನು ಖರೀದಿಸದೆ ಜನ ಸ್ಮಾರ್ಟ್‌ ಆಗಿದ್ದರು. ಆದರೆ ನಾನು ಆಗಲೇ ಮನೆ ಖರೀದಿಸಿದೆ. ಹಾಗಾಗಿ ನನಗೆ ಆರ್ಥಿಕ ನಿರ್ಬಂಧಗಳಿವೆ ಎಂದು ನಟಿ ಹೇಳಿದ್ದಾರೆ. ಲಾಕ್‌ಡೌನ್ ಮುನ್ನ ನಟಿ ಸೀರಿಸ್ ಮತ್ತು ಸಿನಿಮಾ ಸಲಾರ್‌ನಲ್ಲಿ ಕೆಲಸ ಮಾಡುತ್ತಿದ್ದರು. ಪ್ರಸ್ತುತ ಚಿತ್ರೀಕರಣ ಸ್ಥಗಿತಗೊಂಡಿದೆ.