ಡ್ರಗ್ಸ್ ಮಾಫಿಯಾದಲ್ಲಿ ಸಿಕ್ಕಿಬಿದ್ದ ಯುವ ನಟನಿಗೆ ಸರ್ಕಾರದ ರಕ್ಷಣೆ..?

ಮಾಲಿವುಡ್ ನಟನ ಮನೆಯ ಮೇಲೆ ಕರ್ನಾಟಕ ಜಾರಿ ನಿರ್ದೇಶನಾಲಯ ತಂಡ ದಾಳಿ | ನಟನ ಬಗ್ಗೆ ಸಿಪಿಎಂ ನಿಲುವೇನು ? ಬಿನೀಶ್ ನೆರವಿಗೆ ಬರುತ್ತಾ ಸರ್ಕಾರ?

ತಿರುವನಂತಪುರಂ(ನ.07): ಡ್ರಗ್ಸ್ ಮಾಫಿಯಾ ಸಂಬಂಧ ಮಾಲಿವುಡ್ ನಟ ಬಿನೀಶ್ ಕೊಡಿಯೇರಿ ಮನೆ ಮೇಲೆ ದಾಳಿ ನಡೆದ ಬೆನ್ನಲ್ಲೇ ಸರ್ಕಾರ ಮೇಲೆ ಕೆಂದ್ರ ತನಿಖಾ ಸಂಸ್ಥೆಗಳ ಒತ್ತಡ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ಸಿಪಿಎಂ ಶುಕ್ರವಾರದಿಂದ ಎರಡು ದಿನದ ಸಭೆ ನಡೆಸಲಿದೆ. ನಟನ ವಿರುದ್ಧ ಕೇಳಿ ಬಂದ ಆರೋಪಗಳ ಬಗ್ಗೆ ಕೇರಳದ ಆಡಳಿತ ಪಕ್ಷದ ಸ್ಪಷ್ಟ ನಿಲುವು ಈ ಸಭೆಯ ನಂತರ ಸಿಗಲಿದೆ.

ನಟ ಬಿನೀಶ್ ಮನೆ ಮೇಲೆ ನಡೆದ ಇಡಿ ದಾಳಿ ರಾಜಕೀಯ ಪ್ರೇರಿತ ಎಂಬ ಭಾವನೆ ಸಿಪಿಎಂನಲ್ಲಿದೆ. ಆದರೆ ಈವರೆಗೂ ಪಕ್ಷ ಈ ಘಟನೆಯಲ್ಲಿ ಮಧ್ಯಸ್ಥಿಕೆ ವಹಿಸಲು ಮುಂದಾಗಿಲ್ಲ. ಈ ಬಗ್ಗೆ ಸಾರ್ವಜನಿಕ ಹೇಳಿಕೆ ನೀಡುವಲ್ಲಿಯೂ ಸಿಪಿಎಂ ಹೆಚ್ಚಿನ ಜಾಗರೂಕತೆ ವಹಿಸುತ್ತಿದೆ.

ಈ ಪ್ರಕರಣದ ಸಂಬಂಧ ಬಹಳಷ್ಟು ಪ್ರಶ್ನೆಗಳನ್ನು ಕೇಳಿದರೂ ಸಿಎಂ ಪಿಣರಾಯಿ ವಿಜಯನ್ ಯಾವುದೇ ಪ್ರತಿಕ್ರಿಯೆ ಕೊಟ್ಟಿಲ್ಲ. ಈ ಘಟನೆಯಲ್ಲಿ ಕುಟುಂಬವು ಕಾನೂನು ನೆರವು ಪಡೆಯಬಹುದು ಎಂದು ಅವರು ಹೇಳಿದ್ದಾರೆ.

ಗುರುವಾರ ಬೆಳಗ್ಗೆ, ಬಿನೀಶ್ ಅವರ ಮನೆಯಲ್ಲಿ ನಡೆದ ನಾಟಕೀಯ ಘಟನೆ ವೈರಲ್ ಆದಾಗ ಸಿಪಿಎಂನ ಲಭ್ಯವಿರುವ ಕಾರ್ಯದರ್ಶಿಗಳು ಇಲ್ಲಿನ ಎಕೆಜಿ ಕೇಂದ್ರದಲ್ಲಿ ಭೇಟಿಯಾಗಿದ್ದಾರೆ.

ಸಭೆಯಲ್ಲಿ ಸಿಎಂ ಪಿಣರಾಯಿ ವಿಜಯ್, ರಾಜ್ಯ ಕಾರ್ಯದರ್ಶಿ ಕೊಡಿಯೇರಿ ಬಾಲಕೃಷ್ಣನ್, ಸದಸ್ಯರಾದ ಎಸ್‌. ರಾಮಚಂದ್ರನ್ ಪಿಳ್ಳೈ, ಎಂಎ ಬೇಬಿ ಇದ್ದರು. ಬಿನೀಶ್ ಮನೆಯಲ್ಲಿ ನಡೆದ ಘಟನೆಗಳು ಮಾನವ ಹಕ್ಕಿನ ಉಲ್ಲಂಘನೆ ಎಂದೂ ಆರೋಪಿಸಲಾಗಿದೆ.