ಅಪ್ಪ ಶಾರುಖ್​ ಜೊತೆ 120 ಕೋಟಿಯನ್ನೂ ರಿಜೆಕ್ಟ್​ ಮಾಡಿದ ಪುತ್ರ ಆರ್ಯನ್​ ಖಾನ್​?

ಶಾರುಖ್​ ಪುತ್ರ ಆರ್ಯನ್​ ಖಾನ್​, ವೆಬ್​ ಸೀರಿಸ್​ ನಿರ್ದೇಶನ ಮಾಡುತ್ತಿದ್ದಾರೆ. ಈ ವೆಬ್​ಸೀರಿಸ್​ಗೆ ಸಂಬಂಧಿಸಿದಂತೆ ಅಪ್ಪ ಶಾರುಖ್​ ಖಾನ್​ ನಟನೆ ಹಾಗೂ 120 ಕೋಟಿ ರೂ. ಆಫರ್​ ರಿಜೆಕ್ಟ್​ ಮಾಡಿದ್ದಾರಂತೆ. ಏನಿದು ವಿಷಯ?  

ಡ್ರಗ್ಸ್​ ಕೇಸ್​ನಲ್ಲಿ ಸಿಲುಕಿ ಈಗ ನಿರಾಳರಾಗಿರುವ ನಟ ಶಾರುಖ್​ ಖಾನ್​ ಪುತ್ರ ಆರ್ಯನ್​ ಖಾನ್​ (Aryan Khan) 'ಸ್ಟಾರ್‌ಡಮ್‌' ಎಂಬ ಹೆಸರಿನ ವೆಬ್ ಸರಣಿಯೊಂದಿಗೆ ನಿರ್ದೇಶಕರಾಗಿ ಸಿನಿ ರಂಗಕ್ಕೆ ಪದಾರ್ಪಣೆ ಮಾಡಲು ಸಿದ್ಧರಾಗಿದ್ದಾರೆ. ಶಾರುಖ್​ ಖಾನ್​ ಇದಾಗಲೇ ಬಾಲಿವುಡ್​ ಆಳುತ್ತಿದ್ದು, 57ನೇ ವಯಸ್ಸಿನಲ್ಲಿಯೂ ನಾಯಕ ನಟನಾಗಿ ಮಿಂಚುತ್ತಿದ್ದಾರೆ. ಅವರನ್ನು ಹಾಕಿಕೊಂಡು ಕೆಲಸ ಮಾಡಲು ಇನ್ನಷ್ಟು ನಿರ್ಮಾಪಕರು ತುದಿಗಾಲಿನಲ್ಲಿ ನಿಂತಿದ್ದಾರೆ. ಪಠಾಣ್​ನ ಭರ್ಜರಿ ಯಶಸ್ಸಿನ ಬಳಿಕ ಅದಕ್ಕಿಂತಲೂ ಒಂದು ಹೆಜ್ಜೆ ಮುಂದಕ್ಕೆ ಹೋಗುತ್ತದೆ ಎಂದೇ ಭಾವಿಸಲಾಗುತ್ತಿರುವ ಜವಾನ್​ ಚಿತ್ರದ ಬಳಿಕ ಇನ್ನಷ್ಟು ಆಫರ್​ಗಳು ಶಾರುಖ್​ಗೆ ಬರುತ್ತಿವೆ. ಸ್ಟಾರ್​ ಕಿಡ್​ಗಳು ಎಂದರೆ ಅವರ ಅದೃಷ್ಟವೇ ಬೇರೆ. ಅವರಿಗೆ ಅನಾಯಾಸವಾಗಿ ಚಿತ್ರರಂಗದಲ್ಲಿ ಪ್ರವೇಶ ಸಿಕ್ಕಿಬಿಡುತ್ತದೆ. ಆದರೆ ಆರ್ಯನ್​ ವಿಷಯದಲ್ಲಿ ಹಾಗಲ್ಲ. ತಂದೆ ಶಾರುಖ್​ ಖಾನ್​ ಇಷ್ಟು ದೊಡ್ಡ ನಟನಾಗಿದ್ದರೂ ಪುತ್ರ ಆರ್ಯನ್​ ಖಾನ್​, ನಟನೆಯತ್ತ ಹೋಗದೇ ಬಾಲಿವುಡ್​ಗೆ ನಿರ್ದೇಶಕನಾಗಿ ಎಂಟ್ರಿ ಕೊಡಲು ಸಜ್ಜಾಗಿದ್ದಾರೆ.  

ಇದರ ವಿಷಯ ಸಾಕಷ್ಟು ಸುದ್ದಿ ಮಾಡುತ್ತಿರುವ ನಡುವೆಯೇ ಕುತೂಹಲ ಎನ್ನುವ ಅಂಶಗಳು ಬೆಳಕಿಗೆ ಬಂದಿವೆ. ಅದೇನೆಂದರೆ ಈ ವೆಬ್​ ಸರಣಿಯಲ್ಲಿ ಶಾರುಖ್ ಖಾನ್ ಅವರು ಚಿತ್ರದಲ್ಲಿ ಅತಿಥಿ ಪಾತ್ರವನ್ನು ಮಾಡಲು ತಯಾರಿದ್ದರೂ  ಆರ್ಯನ್ ಇದನ್ನು ಕೈಬಿಟ್ಟಿದ್ದಾರೆ ಎನ್ನಲಾಗಿದೆ.  ಹೌದು. ಈ ವೆಬ್​ ಸೀರಿಸ್​ನಲ್ಲಿ (Web Series) ಅಪ್ಪ  ಶಾರುಖ್​ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲು ತಯಾರಿದ್ದರು. ಆದರೆ ಆರ್ಯನ್​ ಖಾನ್​ ಅದಕ್ಕೆ ಒಪ್ಪಲಿಲ್ಲ ಎನ್ನಲಾಗಿದೆ. ಶಾರುಖ್​ ಖಾನ್​ ನಟಿಸಿದರೆ ಅದು ಎಂಥದ್ದೇ ವೆಬ್​ಸೀರಿಸ್​ ಆಗಿದ್ದರೂ ಸದ್ಯದ ಸ್ಥಿತಿಯಲ್ಲಿ ಸಕತ್​ ಹಿಟ್​ ಆಗಿಯೇ ಆಗುತ್ತದೆ. ಇಂಥ ಸಂದರ್ಭದಲ್ಲಿಯೂ ಅಪ್ಪ ಶಾರುಖ್​ ಖಾನ್​ ಅವರನ್ನೇ ಆರ್ಯನ್​ ತಿರಸ್ಕರಿಸಿದ್ದಾರೆ. ಇದರ ಹಿಂದೆ ಕಾರಣವೂ ಇದೆ. ಅದೇನೆಂದರೆ, ತಮ್ಮ ವೆಬ್​ಸೀರಿಸ್​ ಸಕತ್​ ಹಿಟ್​ ಆದರೆ  ಅದು ತಂದೆಯಿಂದಲೇ  ಹಿಟ್ ಆಯಿತು ಎನಿಸಿಕೊಳ್ಳುತ್ತದೆಯೇ ವಿನಾ ತಮ್ಮ ಪಾತ್ರ ಗೌಣವಾಗಿ ಬಿಡುತ್ತದೆ ಎನ್ನುವುದು ಆರ್ಯನ್​ ಅವರ ಅಭಿಪ್ರಾಯ ಎಂದು ಹೇಳಲಾಗುತ್ತಿದೆ.

ಅದೇ ಇನ್ನೊಂದೆಡೆ, ಈ ವೆಬ್ ಸಿರೀಸ್​ Stardum ಸ್ಟ್ರೀಮಿಂಗ್ ರೈಟ್ಸ್​​ಗಾಗಿ ಟಾಪ್ ಒಟಿಟಿ ಫ್ಲಾಟ್​ಫಾರ್ಮ್ ಒಂದು ಆರ್ಯನ್​ಗೆ ಸುಮಾರು 120 ಕೋಟಿ ಆಫರ್ ಮಾಡಿತ್ತು, ಅದನ್ನು ಕೂಡ ಆರ್ಯನ್​ ತಿರಸ್ಕರಿಸಿದ್ದಾರೆ ಎಂದು ವರದಿಯಾಗಿದೆ. ಮಾಧ್ಯಮಗಳ ವರದಿಯ ಪ್ರಕಾರ, ಆರ್ಯನ್ ಖಾನ್‌ಗೆ ಪ್ರಮುಖ OTT ಪ್ಲಾಟ್‌ಫಾರ್ಮ್‌ಗಳಿಂದ ರೂ 120 ಕೋಟಿ ಆಫರ್ ಮಾಡಲಾಗಿತ್ತು. ಆದರೆ ಅವರು ಆಫರ್ ಅನ್ನು ತಿರುಗಿಸಿದ್ದಾರೆ. ಖಾನ್ ಕುಟುಂಬದ ಹತ್ತಿರದ ಮೂಲವೊಂದರ ಪ್ರಕಾರ,  'ಸೀಸನ್ 1 ಪೂರ್ಣಗೊಳ್ಳುವ ಮೊದಲೇ ಚಲನಚಿತ್ರ ನಿರ್ಮಾಪಕರು ಸೀಸನ್ 3. 4 ಮತ್ತು 5 ಕ್ಕೆ ಸೈನ್ ಅಪ್ ಮಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಭರ್ಜರಿ ಆಫರ್​ ನೀಡಲಾಗಿದೆ. ಆದರೆ  ಆರ್ಯನ್​ ಖಾನ್, ಪೋಸ್ಟ್-ಪ್ರೊಡಕ್ಷನ್ ಎಡಿಟಿಂಗ್ ಸೇರಿದಂತೆ ಎಲ್ಲ ಪ್ರಕ್ರಿಯೆಗಳು ಮುಗಿಯುವವರೆಗೂ ಯಾವುದೇ ಖರೀದಿದಾರರಿಗೆ ಮಾರಾಟ ಮಾಡುವುದಿಲ್ಲ ಎನ್ನುತ್ತಿದ್ದಾರೆ. 

ಆರ್ಯನ್ ನಟನೆ ಬಿಟ್ಟು ನಿರ್ದೇಶನ ಆಯ್ಕೆ ಮಾಡಿದಾಗಿನಿಂದಲೂ ಮಗನ ಪ್ರತಿ ವೆಬ್​ಸಿರೀಸ್​ನ ಭಾಗವಾಗಲು ಬಯಸುವುದಾಗಿ ಶಾರುಖ್ ಹೇಳಿದ್ದರು. ಆದರೆ ಕರಿಯರ್ ಆರಂಭದಲ್ಲಿಯೇ ಹೀಗೆ ಮಾಡಲು ಆರ್ಯನ್​ ಒಪ್ಪುತ್ತಿಲ್ಲ ಎನ್ನಲಾಗಿದೆ. ಇವೆಲ್ಲವೂ ಮೂಲಗಳು ಹೇಳಿರುವ ವಿಷಯವೇ ಹೊರತು, ಇದನ್ನು ಶಾರುಖ್ ಖಾನ್ ಅಥವಾ ಆರ್ಯನ್ ಖಾನ್ ಸ್ಪಷ್ಟಪಡಿಸಿಲ್ಲ. ಈ ವೆಬ್​ ಸಿರೀಸ್​​ನಲ್ಲಿ 6 ಎಪಿಸೋಡ್ ಇರುತ್ತವೆ ಎಂದಷ್ಟೇ ವರದಿಯಾಘಿದೆ.  ಇದನ್ನು ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ನಿರ್ಮಿಸುತ್ತಿದ್ದಾರೆ.