ಅಪ್ಪಟ ಬ್ರಾಹ್ಮಣ ಹುಡುಗಿ ಪುಸ್ತಕದಲ್ಲಿ ಕದ್ದುಮುಚ್ಚಿ ನೋಡ್ತಿರೋದೇನು? ನಯನತಾರಾ ವಿಡಿಯೋ ರಿಲೀಸ್​

ಅಪ್ಪಟ ಬ್ರಾಹ್ಮಣ ಹುಡುಗಿ ಪುಸ್ತಕದಲ್ಲಿ ಕದ್ದುಮುಚ್ಚಿ ನೋಡ್ತಿರೋದೇನು? ನಯನತಾರಾ ಹೊಸ ಚಿತ್ರ ಅನ್ನಪೂರ್ಣಿ ಟೀಸರ್​  ರಿಲೀಸ್.​  

ಈಕೆ ಅಪ್ಪಟ ಬ್ರಾಹ್ಮಣರ ಹುಡುಗಿ. ಸಾಂಪ್ರದಾಯಿಕ ಈ ಮನೆಯಲ್ಲಿ ಎಲ್ಲರೂ ಪೂಜೆ ಪುನಸ್ಕಾರದಲ್ಲಿ ಮುಳುಗಿದ್ದಾರೆ.  ಅದು ಶ್ರೀರಂಗಂ ತಿರುಚ್ಚಿ.  ಅಗ್ರಹಾರದಲ್ಲಿ ಚಿಕ್ಕ ಮನೆಯಲ್ಲಿ ಇವರ ವಾಸ. ಮನೆಯಲ್ಲಿ ಎಲ್ಲರೂ ಪೂಜೆಯಲ್ಲಿ ಇರುವಾಗ  ಮ್ಯಾನೇಜ್ಮೆಂಟ್ ಸ್ಟಡೀಸ್​ಗೆ ಸಂಬಂಧಿಸಿದ ಪುಸ್ತಕ ಹಿಡಿದು ಕುಳಿತ ಈ ಯುವತಿ ಮಾತ್ರ ಏನನ್ನೋ ಕದ್ದುಮುಚ್ಚಿ ನೋಡುತ್ತಿರುತ್ತಾಳೆ. ಅಮ್ಮ ಬಂದು ಮಂಗಳಾರತಿ ನೀಡಿದಾಗ ಲಗುಬಗೆಯಿಂದ ಅದನ್ನು ತೆಗೆದುಕೊಂಡು ಮತ್ತೆ ಆ ಪುಸ್ತಕದಲ್ಲಿ ಅದನ್ನೇ ನೋಡುತ್ತಿರುತ್ತಾಳೆ. ಅಷ್ಟಕ್ಕೂ ಈಕೆ ನೋಡುತ್ತಿರುವುದು ಮತ್ತಿನ್ನೇನೂ ಅಲ್ಲ. ಚಿಕನ್​ ರೆಸಿಪಿಯನ್ನು! ಹೀಗೆ ನೋಡುತ್ತಿರುವ ಯುವತಿಯೇ ನಟಿ ನಯನತಾರಾ.  ಚಿಕನ್ ರೆಸಿಪಿಯನ್ನು ಪುಸ್ತಕದ ಒಳಗೆ ಅಡಗಿಸಿಟ್ಟಿಕೊಂಡಿರುವ ಈಕೆ,  ಟ್ರೆಡಿಷನಲ್ ಲಂಗ-ದಾವಣಿಯಲ್ಲಿ ಸೂಪರ್ ಕ್ಯೂಟ್ ಆಗಿ ಕಾಣಿಸಿದ್ದಾರೆ. ತಾಯಿ ಬರುತ್ತಿದ್ದಂತೆ ಪುಸ್ತಕ ಎದೆಗವಚಿ ಆರತಿ ತೆಗೆದುಕೊಂಡು ಮತ್ತೆ ಚಿಕನ್​ ರೆಸಿಪಿ ನೋಡುತ್ತಾರೆ.

ಅಂದಹಾಗೆ ಇದು ನಯನತಾರಾ ಅವರ ಹೊಸ ಚಿತ್ರದ ಟೀಸರ್​. ನಯನತಾರಾ ಅವರು ಟ್ವಟಿರ್​ನಲ್ಲಿ ಈ ಟೀಸರ್ ಶೇರ್ ಮಾಡಿದ್ದಾರೆ. ನೀಲೇಶ್ ಕೃಷ್ಣ ನಿಮ್ಮ ಬಗ್ಗೆ ಹೆಮ್ಮೆ ಎನಿಸುತ್ತಿದೆ. ಸಿನಿಮಾ ಕುರಿತು ನಿಮ್ಮ ಪ್ರೀತಿ ನಿಮ್ಮನ್ನು ಇನ್ನೂ ಎತ್ತರಕ್ಕೆ ಬೆಳೆಸುತ್ತದೆ. ನಿಮ್ಮ ಮ್ಯಾಜಿಕ್ ತೋರಿಸುವ ಸಮಯ ಎಂದಿದ್ದಾರೆ. ಚಿತ್ರದ ಹೆಸರು ಅನ್ನಪೂರ್ಣಿ. ಶಾರುಖ್​ ಖಾನ್​ ಜೊತೆ ನಯನತಾರಾ ನಟಿಸಿದ ‘ಜವಾನ್​’ ಸಿನಿಮಾ ವಿಶ್ವ ಬಾಕ್ಸ್​ ಆಫೀಸ್​ನಲ್ಲಿ ಸಾವಿರಾರು ಕೋಟಿ ರೂಪಾಯಿ ಕಲೆಕ್ಷನ್​ ಮಾಡಿದೆ. ಆ ಸಿನಿಮಾದಲ್ಲಿ ಅವರು ಲೇಡಿ ಕಾಪ್​ ಪಾತ್ರ ಮಾಡಿದ್ದರು. ಆ್ಯಕ್ಷನ್​ ದೃಶ್ಯಗಳನ್ನೂ ಅಭಿನಯಿಸಿದ್ದರು. ಇದಾದ ಮೇಲೆ 75ನೇ ಚಚಿತ್ರವಾದ ಅನ್ನಪೂರ್ಣಿಯಲ್ಲಿ ನಟಿ ನಟಿಸುತ್ತಿದ್ದಾರೆ. ಇದರ ಟೀಸರ್​ ಅನ್ನು ಅವರು ಶೇರ್​ ಮಾಡಿಕೊಂಡಿದ್ದಾರೆ. ನಟ ಜೈ, ಸತ್ಯರಾಜ್, ಅಚ್ಯುತ್ ಕುಮಾರ್, ಕೆಎಸ್ ರವಿಕುಮಾರ್, ರೆಡಿನ್ ಕಿಂಗ್​ಸ್ಲೇ, ಕುಮಾರಿ ಸಚು, ಕಾರ್ತಿಕ್ ಕುಮಾರ್ ಹಾಗೂ ಸುರೇಶ್ ಚಕ್ರವರ್ತಿ ಈ ಚಿತ್ರದಲ್ಲಿ ನಟಿಸಿದ್ದಾರೆ.  ನಿಲೇಶ್ ಕೃಷ್ಣ ನಿರ್ದೇಶನದ ಅನ್ನಪೂರ್ಣಿಗೆ  ತಮನ್ ಎಸ್. ಅವರ ಸಂಗೀತವಿದೆ. ಅನ್ನಪೂರ್ಣಿ ಸಿನಿಮಾವನ್ನು ಝೀ ಸ್ಟುಡಿಯೋ ನಿರ್ಮಿಸಿದೆ.

‘ಅನ್ನಪೂರ್ಣಿ’ ಸಿನಿಮಾದಲ್ಲಿ ನಯನತಾರಾ ಅವರು ಪಕ್ಕಾ ಸಂಪ್ರದಾಯಸ್ಥ ಕುಟುಂಬದ ಹುಡುಗಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಆ ಮನೆ ಹೇಗಿರುತ್ತದೆ ಎಂಬುದನ್ನು ಟೀಸರ್​ನಲ್ಲಿ ತೋರಿಸಲಾಗಿದೆ. ಇದು ಅವರ 75ನೇ ಸಿನಿಮಾ ಆದ್ದರಿಂದ ಅಭಿಮಾನಿಗಳಿಗೆ ಸಖತ್​ ನಿರೀಕ್ಷೆ ಇದೆ. ಟೀಸರ್ ನೋಡಿದ ಅಭಿಮಾನಿಗಳು ಮೆಚ್ಚಿಕೊಂಡಿದ್ದಾರೆ. ಬಹಳಷ್ಟು ಅಭಿಮಾನಿಗಳು ನಯನತಾರಾ ಅವರ ಡಿಫರೆಂಟ್ ಪಾತ್ರಕ್ಕಾಗಿ ಅವರಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸದ್ಯ ಬಿಡುಗಡೆ ಆಗಿರುವ ಟೀಸರ್​ ಗಮನ ಸೆಳೆಯುತ್ತಿದೆ. ಅಭಿಮಾನಿಗಳ ವಲಯದಲ್ಲಿ ಇದು ವೈರಲ್​ ಆಗಿದೆ. ಟೀಸರ್​ನಲ್ಲಿ ಹೆಚ್ಚೇನೂ ಮಾಹಿತಿ ರಿವೀಲ್​ ಆಗಿಲ್ಲವಾದರೂ ಕಥೆಯ ಬಗ್ಗೆ ಕೌತುಕ ಮೂಡಿರುವುದಂತೂ ನಿಜ. ನಯನತಾರಾ ಯಾವುದೇ ರೀತಿಯ ಪಾತ್ರಕ್ಕೆ ತಮ್ಮನ್ನು ತಾವು ಸೂಟ್ ಮಾಡಿಕೊಳ್ಳಬಲ್ಲರು ಎಂದು ಫ್ಯಾನ್ಸ್​ ಕಮೆಂಟ್​ ಹಾಕಿದ್ದಾರೆ.  ನಯನತಾರಾ ಪಾತ್ರಗಳನ್ನು ನಟಿಸುವುದಿಲ್ಲ, ಪಾತ್ರಗಳನ್ನು ಜೀವಿಸುತ್ತಾರೆ ಎಂದಿದ್ದಾರೆ. 

ಜವಾನ್ ಸಿನಿಮಾಗೆ 10 ಕೋಟಿ ಸಂಭಾವನೆ ತೆಗೆದುಕೊಂಡಿದ್ದರು ನಯನತಾರಾ. ಈಗ ಅನ್ನಪೂರ್ಣಿಯಲ್ಲಿ 12 ಕೋಟಿ ಕೇಳಿದ್ದಾರೆ ಎನ್ನಲಾಗುತ್ತಿದೆ.  . ಮಲ್ ಹಾಸನ್ ಸಿನಿ ಕರಿಯರ್ ನಲ್ಲಿ 234ನೇ ಚಿತ್ರವಾಗಿ ಬರುತ್ತಿರುವ ಈ ಚಿತ್ರ ಅತ್ಯಂತ ಮಹತ್ವಾಕಾಂಕ್ಷೆಯಿಂದ ಮೂಡಿಬರುತ್ತಿದೆ. 'ಲೇಡಿ ಸೂಪರ್ ಸ್ಟಾರ್‌' ನಯನತಾರಾ ಅವರು ಈಗ ಬಾಲಿವುಡ್‌ ಅಂಗಳಕ್ಕೂ ಕಾಲಿಟ್ಟಿದ್ದಾರೆ. ನಿರ್ದೇಶಕ ವಿಘ್ನೇಶ್ ಶಿವನ್ ಜೊತೆಗೆ ದಾಂಪತ್ಯ ಬದುಕಿಗೆ ಕಾಲಿಟ್ಟಿರುವ ಅವರು, ಇಬ್ಬರು  ಗಂಡು ಮಕ್ಕಳ ತಾಯಿ. ದಶಕಗಳಿಂದಲೂ ಚಿತ್ರೋದ್ಯಮದಲ್ಲಿ ಸಕ್ರಿಯರಿರುವ ಈ ನಟಿ, ಅಮ್ಮನಾದ ಮೇಲೂ  ಸೌತ್‌ನ ಟಾಪ್‌ ನಟಿ. ಜೊತೆಗೆ ಬಿಗ್ ಬಜೆಟ್‌ ಸಿನಿಮಾಗಳಿಗೆ ನಾಯಕಿಯಾಗಿ ಆಯ್ಕೆ ಆಗಿದ್ದಾರೆ.  ಶಾರುಖ್‌ ಖಾನ್‌ ಜತೆಗೆ ಜವಾನ್‌ ಸಿನಿಮಾ ಮೂಲಕ ಬಾಲಿವುಡ್‌ ಪ್ರವೇಶಿಸಿ 1000 ಕೋಟಿಯ ಸಿನಿಮಾವನ್ನೂ ಮುಡಿಗೇರಿಸಿಕೊಂಡಿದ್ದಾರೆ.