ಥಿಯೇಟರ್‌ನಲ್ಲಿ ಹಿಟ್‌ ಆದ್ರೂ ಈ ಮೂರು ಸಿನಿಮಾಗಳು 1 ವರ್ಷದಿಂದ OTT ವೇದಿಕೆಯಲ್ಲಿ ರಿಲೀಸ್‌ ಮಾಡಲು ಅಡೆತಡೆ; ಯಾಕೆ?

ದಿನೇಶ್ ವಿಜಾನ್ ನಿರ್ಮಾಣದ 'ಪೂಜಾ ಮೇರಿ ಜಾನ್', 'ರೂಮಿ ಕಿ ಶರಾಫತ್' ಮತ್ತು 'ಸರ್ವಗುಣ ಸಂಪನ್ನ' ಚಿತ್ರಗಳು ಒಟಿಟಿ ಬಿಡುಗಡೆಗೆ ವಿಳಂಬವಾಗಿವೆ. ಒಟಿಟಿ ಪ್ಲಾಟ್‌ಫಾರ್ಮ್‌ಗಳ ಜೊತೆ ಸೂಕ್ತ ಬೆಲೆ ನಿಗದಿಪಡಿಸುವಲ್ಲಿ ಭಿನ್ನಾಭಿಪ್ರಾಯ ಉಂಟಾಗಿದೆ. ವಿಜಾನ್ ನಿರೀಕ್ಷಿತ ಮೊತ್ತಕ್ಕೆ ಪ್ಲಾಟ್‌ಫಾರ್ಮ್‌ಗಳು ಒಪ್ಪುತ್ತಿಲ್ಲ. ಚಿತ್ರಗಳು ಒಂದು ವರ್ಷದಿಂದ ಸಿದ್ಧವಾಗಿದ್ದರೂ, ಬಿಡುಗಡೆಯಾಗಿಲ್ಲ.

ಬಾಕ್ಸ್ ಆಫೀಸ್‌ನಲ್ಲಿ 'ಸ್ತ್ರೀ 2' ಮತ್ತು 'ಛಾವಾ' ಹಿಟ್ ಚಿತ್ರಗಳನ್ನು ನೀಡಿರುವ ದಿನೇಶ್ ವಿಜಾನ್ ಅವರ ಮ್ಯಾಡಾಕ್ ಫಿಲ್ಮ್ಸ್‌ನ 3 ಸಿನಿಮಾಗಳು ಬಿಡುಗಡೆಗೆ ಕಾಯುತ್ತಿವೆ. ಈ ಮೂರು ಸಿನಿಮಾಗಳು ಒಂದು ವರ್ಷದಿಂದ ಸಿದ್ಧವಾಗಿದ್ದು, OTTಯಲ್ಲಿ ಸ್ಟ್ರೀಮಿಂಗ್ ಆಗುವುದನ್ನು ಎದುರು ನೋಡುತ್ತಿವೆ. ಈ ಚಿತ್ರಗಳ ಶೀರ್ಷಿಕೆಗಳು 'ಪೂಜಾ ಮೇರಿ ಜಾನ್', 'ರೂಮಿ ಕಿ ಶರಾಫತ್' ಮತ್ತು 'ಸರ್ವಗುಣ ಸಂಪನ್ನ'. ವರದಿಗಳ ಪ್ರಕಾರ, ಈ ಚಿತ್ರಗಳು OTT ಒಪ್ಪಂದದಲ್ಲಿ ಭಿನ್ನಾಭಿಪ್ರಾಯದಿಂದಾಗಿ ಸ್ಟ್ರೀಮ್ ಆಗುತ್ತಿಲ್ಲ. ನಿರ್ಮಾಪಕ ದಿನೇಶ್ ವಿಜಾನ್ ತಮ್ಮ ಚಿತ್ರಗಳಿಗೆ ನಿರ್ದಿಷ್ಟ ಮೊತ್ತವನ್ನು ಬಯಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ, ಆದರೆ OTT ಪ್ಲಾಟ್‌ಫಾರ್ಮ್‌ಗಳೊಂದಿಗೆ ಅವರ ಮಾತುಕತೆ ಯಶಸ್ವಿಯಾಗಿಲ್ಲ.

ಒಂದು ವರ್ಷದಿಂದ ಈ ಮೂರು ಚಿತ್ರಗಳು ಏಕೆ ಬಿಡುಗಡೆಯಾಗುತ್ತಿಲ್ಲ?

ಮಿಡ್ ಡೇ ತನ್ನ ವರದಿಯಲ್ಲಿ ಬರೆದಿದೆ, "ಇವು ಮಧ್ಯಮ ಗಾತ್ರದ ಚಿತ್ರಗಳು, ಇವುಗಳಲ್ಲಿ ವಿಭಿನ್ನ ವಿಷಯಗಳನ್ನು ಪ್ರಬಲವಾಗಿ ತೋರಿಸಲಾಗಿದೆ. ಈ ಚಿತ್ರಗಳು ಬ್ಯಾನರ್ ತಂದಿರುವ ವೈವಿಧ್ಯಮಯ ವಿಷಯಗಳ ವರ್ಗಕ್ಕೆ ಸರಿಹೊಂದುತ್ತವೆ. ಆದರೆ ಒಂದು ವರ್ಷದಿಂದ ಸಿದ್ಧವಾಗಿದ್ದರೂ, ಚಿತ್ರಗಳ ಸ್ಟ್ರೀಮಿಂಗ್ ವಿಳಂಬವಾಗುತ್ತಿದೆ. ಏಕೆಂದರೆ ದಿನೇಶ್ ವಿಜಾನ್ ತಮ್ಮ ಯೋಜನೆಗಳಿಗೆ ಸೂಕ್ತವಾದ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳಲು ಸಾಧ್ಯವಾಗಿಲ್ಲ. ಈ ಚಿತ್ರಗಳು ಒಂದು ನಿರ್ದಿಷ್ಟ ಮೊತ್ತಕ್ಕೆ ಸೇಲ್‌ ಆಗಬೇಕು ಎಂದು ಅವರು ಭಾವಿಸುತ್ತಾರೆ, ಆದರೆ ಪ್ಲಾಟ್‌ಫಾರ್ಮ್‌ಗಳು ಮಾತ್ರ ಸಿನಿಮಾ ತಂಡವು ಹೆಚ್ಚು ಹಣ ಕೇಳುತ್ತಿದ್ದಾರೆ ಎಂದು ಭಾವಿಸುತ್ತವೆ."

ದಿನೇಶ್ ವಿಜಾನ್ ಸಿನಿಮಾ ಮಾರಾಟದಲ್ಲಿ ರಾಜಿ ಮಾಡಿಕೊಳ್ಳಲು ಬಯಸುವುದಿಲ್ಲ

ಅದೇ ವರದಿಯಲ್ಲಿ ಯಾರಾದರೂ ಈ ಸಿನಿಮಾಗಳನ್ನು ದಿನೇಶ್ ವಿಜಾನ್ ಅವರ ದೃಷ್ಟಿಕೋನದಿಂದ ನೋಡಿದರೆ ಅವರು ತಪ್ಪು ಎಂದು ಹೇಳಲಾಗುವುದಿಲ್ಲ. ವರದಿಯಲ್ಲಿ ಬರೆಯಲಾಗಿದೆ "ಮ್ಯಾಡಾಕ್ ಈ ಒಪ್ಪಂದಕ್ಕಾಗಿ ಕಾಯುವ ಸ್ಥಿತಿಯಲ್ಲಿದೆ. ಕೋವಿಡ್ ಸಾಂಕ್ರಾಮಿಕದ ನಂತರ ಖರೀದಿ ಬಜೆಟ್ ಕಡಿಮೆಯಾಗಿದೆ. ಆದರೆ ದಿನೇಶ್ ಈ ಚಿತ್ರಗಳನ್ನು ಅವರಿಗೆ ಸೂಕ್ತವಲ್ಲದ ಬೆಲೆಗೆ ಮಾರಾಟ ಮಾಡಲು ಬಯಸುವುದಿಲ್ಲ ಎಂದು ಹೇಳಲಾಗಿದೆ.

ದಿನೇಶ್ ವಿಜಾನ್ ಅವರ ಮೂರು ಮುಂಬರುವ ಚಿತ್ರಗಳ ಬಗ್ಗೆ

ಮೂರು ಸಿನಿಮಾಗಳ ಬಗ್ಗೆ ಹೇಳುವುದಾದರೆ,  'ಪೂಜಾ ಮೇರಿ ಜಾನ್' ನಲ್ಲಿ ಹುಮಾ ಖುರೇಷಿ ಮತ್ತು ಮೃಣಾಲ್ ಠಾಕೂರ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ ಮತ್ತು ಕಿರುಕುಳದಂತಹ ಸೂಕ್ಷ್ಮ ವಿಷಯವನ್ನು ಎತ್ತಿ ತೋರಿಸುತ್ತದೆ. 'ರೂಮಿ ಕಿ ಶರಾಫತ್' ನಲ್ಲಿ ರಾಧಿಕಾ ಮದನ್ ಪ್ರಮುಖ ಪಾತ್ರದಲ್ಲಿದ್ದು, ಇದು ಸಾಮಾಜಿಕ ಹಾಸ್ಯ ಚಿತ್ರ. 'ಸರ್ವಗುಣ ಸಂಪನ್ನ'ದಲ್ಲಿ ವಾಣಿ ಕಪೂರ್, ಇಶ್ವಾಕ್ ಸಿಂಗ್ ಮತ್ತು ರಘುವೀರ್ ಯಾದವ್ ಕಾಣಿಸಿಕೊಳ್ಳಲಿದ್ದಾರೆ.