54 ರೂಪಾಯಿ ಷೇರಿನಿಂದ ಅಮೀರ್‌ ಖಾನ್‌ ಗಳಿಸಿದ್ದು 72 ಲಕ್ಷ!‌ ಶಾರುಖ್‌-ಸಲ್ಮಾನ್‌ ಮಾಡಿಕೊಂಡಿರೋ ಲಾಭವೆಷ್ಟು?

ಆಮಿರ್ ಖಾನ್, ರಣಬೀರ್ ಕಪೂರ್ ಮತ್ತು ಅಜಯ್ ದೇವಗನ್ ಷೇರು ಮಾರುಕಟ್ಟೆಯಲ್ಲಿ ಹಣ ಹೂಡಿಕೆ ಮಾಡಿ ಉತ್ತಮ ಲಾಭ ಗಳಿಸಿದ್ದಾರೆ. ಸಲ್ಮಾನ್ ಖಾನ್ ಕೂಡ ಹೂಡಿಕೆ ಮಾಡಿದ್ದಾರೆ. ಆದರೆ, ಶಾರುಖ್‌ ಖಾನ್‌ ಮಾತ್ರ ಷೇರು ವ್ಯವಹಾರದಿಂದ ದೂರ ಉಳಿದಿದ್ದಾರೆ.

ಮುಂಬೈ (ಅ.18): ಪ್ರತಿಯೊಬ್ಬರೂ ತಮ್ಮ ಹಣವನ್ನು ಸರಿಯಾದ ಸ್ಥಳದಲ್ಲಿ ಹೂಡಿಕೆ ಮಾಡಿ ಹೆಚ್ಚಿನ ಲಾಭ ಮಾಡಿಕೊಳ್ಳಲು ಬಯಸುತ್ತಾರೆ. ಕಳೆದ ಕೆಲವು ವರ್ಷಗಳಿಂದ ಭಾರತದ ಷೇರು ಮಾರುಕಟ್ಟೆ ವೇಗವಾಗಿ ಬೆಳೆಯುತ್ತಿದೆ. ಪ್ರತಿಯೊಬ್ಬರೂ ಉತ್ತಮ ಲಾಭ ಗಳಿಸಲು ಬಯಸುತ್ತಾರೆ. ಐಪಿಓ ಕೂಡ ಬಹಳ ಜನಪ್ರಿಯವಾಗಿದೆ. ನಾವು ಮಾತ್ರವಲ್ಲ, ಕೋಟಿಗಟ್ಟಲೆ ಗಳಿಸುವ ಸೂಪರ್‌ಸ್ಟಾರ್‌ಗಳು ಸಹ ಷೇರು ಮಾರುಕಟ್ಟೆಯಲ್ಲಿ ಹಣ ಹೂಡುತ್ತಾರೆ. ಕೆಲವು ಸ್ಟಾರ್‌ಗಳು ಕೆಲವು ಕಂಪನಿಗಳ IPO ಬರುವ ಮೊದಲೇ ಹೂಡಿಕೆ ಮಾಡಿ ಉತ್ತಮ ಲಾಭ ಗಳಿಸಿದ್ದಾರೆ. ಇದರಲ್ಲಿ ಸಲ್ಮಾನ್ ಮತ್ತು ಆಮಿರ್ ಖಾನ್ ಕೂಡ ಸೇರಿದ್ದಾರೆ. ಆದರೆ, ಕಿಂಗ್ ಖಾನ್ ಎಂದೇ ಖ್ಯಾತರಾಗಿರುವ ಶಾರುಖ್ ಖಾನ್ ಇದರಿಂದ ದೂರ ಉಳಿದಿದ್ದಾರೆ. ಹಾಗಾದರೆ ಯಾವ ಸೂಪರ್‌ಸ್ಟಾರ್ ಎಲ್ಲಿ ಹೂಡಿಕೆ ಮಾಡಿದ್ದಾರೆ ಅನ್ನೋದರ ವಿವರ ಇಲ್ಲಿದೆ.

ಆಮಿರ್ ಖಾನ್: ಆಮಿರ್ ಖಾನ್ ಡ್ರೋನ್‌ಆಚಾರ್ಯ ಏರಿಯಲ್ ಇನ್ನೋವೇಷನ್ಸ್ ಲಿಮಿಟೆಡ್‌ನ ಷೇರುಗಳಲ್ಲಿ ಹಣ ಹೂಡಿದ್ದಾರೆ. ಪ್ರಿ-ಐಪಿಒ ಸುತ್ತಿನಲ್ಲಿ ₹53.59 ದರದಲ್ಲಿ ₹25 ಲಕ್ಷಕ್ಕೆ ಕಂಪನಿಯ 46,600 ಷೇರುಗಳನ್ನು ಖರೀದಿಸಿದ್ದರು, ಇದು ಕಂಪನಿಯ 0.26% ಪಾಲಿಗೆ ಸಮನಾಗಿದೆ, ಇದರ ಮೌಲ್ಯವೀಗ ₹72.62 ಲಕ್ಷಕ್ಕಿಂತ ಹೆಚ್ಚಾಗಿದೆ. ಆಮಿರ್ ಜೊತೆಗೆ ರಣಬೀರ್ ಕಪೂರ್ ಕೂಡ ಇದೇ ಷೇರಿನಲ್ಲಿ ₹20 ಲಕ್ಷ ಹೂಡಿಕೆ ಮಾಡಿದ್ದರು, ಅದು ₹57.67 ಲಕ್ಷಕ್ಕೆ ಏರಿಕೆಯಾಗಿದೆ. ಡ್ರೋನ್‌ಆಚಾರ್ಯ ಷೇರುಗಳು 23 ಡಿಸೆಂಬರ್ 2022 ರಂದು BSEಯಲ್ಲಿ ಲಿಸ್ಟಿಂಗ್‌ ಆಗಿದೆ.. ಪ್ರಸ್ತುತ ಒಂದು ಷೇರಿನ ಬೆಲೆ ಸುಮಾರು ₹144 ರೂಪಾಯಿ ಆಗಿದೆ.

ಸಲ್ಮಾನ್ ಖಾನ್: ವರದಿಗಳ ಪ್ರಕಾರ, ಸಲ್ಮಾನ್ ಖಾನ್ ಹೆಚ್ಚಾಗಿ ರಿಯಲ್ ಎಸ್ಟೇಟ್‌ನಲ್ಲಿ ಹೂಡಿಕೆ ಮಾಡುತ್ತಾರೆ. ಇದಲ್ಲದೆ, ಅವರು ಒಂದು ಕಂಪನಿಯಲ್ಲಿ ಪಾಲನ್ನು ಖರೀದಿಸಿದ್ದಾರೆ. ಒಂದು ವರದಿಯ ಪ್ರಕಾರ, 2012 ರಲ್ಲಿ ಸಲ್ಮಾನ್ ಖಾನ್ ಯಾತ್ರಾ.ಕಾಮ್‌ನಲ್ಲಿ 5% ಪಾಲನ್ನು ಹೊಂದಿದ್ದರು.

ಅಜಯ್ ದೇವಗನ್: ಅಜಯ್ ದೇವಗನ್ ಕೂಡ ಸರಿಯಾದ ಸ್ಥಳದಲ್ಲಿ ಹೂಡಿಕೆ ಮಾಡಿ ಉತ್ತಮ ಲಾಭ ಗಳಿಸಿದ್ದಾರೆ. ಅವರು ಪನೋರಮಾ ಸ್ಟುಡಿಯೋಸ್ ಇಂಟರ್‌ನ್ಯಾಷನಲ್ ಲಿಮಿಟೆಡ್‌ನಲ್ಲಿ ₹2.74 ಕೋಟಿ ಹೂಡಿಕೆ ಮಾಡಿ ₹9.95 ಕೋಟಿ ಗಳಿಸಿದ್ದಾರೆ. ಸುಮಾರು 1 ವರ್ಷದಲ್ಲಿ ಈ ಷೇರು 954.58% ಕ್ಕಿಂತ ಹೆಚ್ಚು ಲಾಭ ನೀಡಿದೆ. ಈ ವರ್ಷವೂ ಇಲ್ಲಿಯವರೆಗೆ ಇದರ ಲಾಭ ಸುಮಾರು 200%. ಅಜಯ್ ದೇವಗನ್ ಈ ಕಂಪನಿಯ ಒಟ್ಟು 1 ಲಕ್ಷ ಷೇರುಗಳನ್ನು ಹೊಂದಿದ್ದಾರೆ. ಈ ವರ್ಷ ಮಾರ್ಚ್4 ರಂದು ಅವರು ಈ ಷೇರನ್ನು ಖರೀದಿಸಿದ್ದರು. 18 ಅಕ್ಟೋಬರ್ 2024 ರಂದು ಈ ಷೇರಿನ ಬೆಲೆ ₹236.

ಶಾರುಖ್ ಖಾನ್: ಎಲ್ಲಾ ಸೂಪರ್‌ಸ್ಟಾರ್‌ಗಳಿಗಿಂತ ಭಿನ್ನವಾಗಿ ಶಾರುಖ್ ಖಾನ್ ಷೇರು ಮಾರುಕಟ್ಟೆಯಿಂದ ದೂರ ಉಳಿಯಲು ಇಷ್ಟಪಡುತ್ತಾರೆ. ಕಿಂಗ್ ಖಾನ್ ತಮ್ಮ ಹಣವನ್ನು ನೇರವಾಗಿ ಷೇರು ಮಾರುಕಟ್ಟೆಯಲ್ಲಿ ಹೂಡುವುದಿಲ್ಲ. ಆದಾಗ್ಯೂ, ಕೆಲವು ಕಂಪನಿಗಳಲ್ಲಿ ಅವರ ಪಾಲು ಇದೆ. ಒಂದು ಸಂದರ್ಶನದಲ್ಲಿ ಷೇರು ಮಾರುಕಟ್ಟೆಯಿಂದ ದೂರ ಉಳಿಯುವ ಬಗ್ಗೆ ಕೇಳಿದಾಗ, ಅವರ ಉತ್ತರ ಹೀಗಿತ್ತು - 'ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವುದು ಬುದ್ಧಿವಂತಿಕೆಯಿಂದ ಮಾಡಬೇಕು ಎಂದು ನಾನು ಭಾವಿಸುತ್ತೇನೆ. ಷೇರುಗಳಲ್ಲಿ ಹಣವನ್ನು ಹೇಗೆ ಹೂಡಬೇಕೆಂದು ನನಗೆ ತಿಳಿದಿದೆ, ಆದರೆ ನಾನು ಹಾಗೆ ಮಾಡಲು ಬಯಸುವುದಿಲ್ಲ, ಏಕೆಂದರೆ ನನಗೆ ಬೇಗ ಹಣ ಗಳಿಸುವ ಆಸೆ ಇಲ್ಲ.' ಎಂದಿದ್ದರು.