ಷೇರು ಮಾರುಕಟ್ಟೆಯ ಐತಿಹಾಸಿಕ ಸಾಧನೆ, 4 ಟ್ರಿಲಿಯನ್‌ ಡಾಲರ್‌ ಕ್ಲಬ್‌ ಸೇರಿದ ಭಾರತ!

ಭಾರತವು ಈಗ $4 ಟ್ರಿಲಿಯನ್ ಈಕ್ವಿಟಿ ಮಾರುಕಟ್ಟೆ ಬಂಡವಾಳವನ್ನು ಹೊಂದಿರುವ ವಿಶ್ವದ ಐದನೇ ರಾಷ್ಟ್ರ ಎನಿಸಿಕೊಂಡಿದೆ. 2021ರ ಮೇ ತಿಂಗಳಿನಲ್ಲಿ ಭಾರತ 3 ಟ್ರಿಲಿಯನ್‌ ಡಾಲರ್‌ ಕ್ಲಬ್‌ಗೆ ಸೇರಿತ್ತು.

ನವದೆಹಲಿ (ನ.29): ದೇಶದ ಅತ್ಯಂತ ಹಳೆಯ ಹಾಗೂ ಪ್ರಮುಖ ಸ್ಟಾಕ್ ಎಕ್ಸ್‌ಚೇಂಜ್ ಬಿಎಸ್‌ಇಯಲ್ಲಿ ಪಟ್ಟಿ ಮಾಡಲಾದ ಎಲ್ಲಾ ಕಂಪನಿಗಳ ಸಂಯೋಜಿತ ಮಾರುಕಟ್ಟೆ ಮೌಲ್ಯಮಾಪನವು ಬುಧವಾರ ಮೊದಲ ಬಾರಿಗೆ 4 ಟ್ರಿಲಿಯನ್  ಯುಎಸ್‌ ಡಾಲರ್‌ ಮೈಲಿಗಲ್ಲನ್ನು ತಲುಪಿದೆ. 30-ಷೇರುಗಳ ಬಿಎಸ್‌ಇ ಸೆನ್ಸೆಕ್ಸ್ ದಿನದ ಪ್ರಾರಂಭವನ್ನೇ ಸಕಾರಾತ್ಮಕವಾಗಿ ಮಾಡಿತ್ತು,  ನಂತರ ಆರಂಭಿಕ ವಹಿವಾಟಿನಲ್ಲಿ 305.44 ಪಾಯಿಂಟ್‌ಗಳ ಏರಿಕೆ ಕಂಡು 66,479.64 ಕ್ಕೆ ತಲುಪಿದೆ. ಈಕ್ವಿಟಿಗಳಲ್ಲಿನ ಜನರ ನಂಬಿಕೆಗಳು, ಬಿಎಸ್‌ಇ-ಲಿಸ್ಟೆಡ್ ಕಂಪನಿಗಳ ಮಾರುಕಟ್ಟೆ ಬಂಡವಾಳೀಕರಣವು ಬೆಳಗಿನ ವಹಿವಾಟಿನಲ್ಲಿ ₹3,33,26,881.49 ಕೋಟಿಗಳನ್ನು ತಲುಪಿತು. 83.31 ರ ವಿನಿಮಯ ದರದಲ್ಲಿ ಇದು 4 ಟ್ರಿಲಿಯನ್‌ ಯುಎಸ್‌ಡಾಲರ್‌ನ ಗಡಿ ಮುಟ್ಟಿತ್ತು. ಬಿಎಸ್‌ಇ ಬೆಂಚ್‌ಮಾರ್ಕ್ ಸೆನ್ಸೆಕ್ಸ್ ಈ ವರ್ಷ ಇಲ್ಲಿಯವರೆಗೆ 5,540.52 ಪಾಯಿಂಟ್‌ಗಳು ಅಥವಾ ಶೇಕಡಾ 9.10 ರಷ್ಟು ಏರಿಕೆ ಕಂಡಿದ್ದರೆ, ಅದರ ಪ್ಲಾಟ್‌ಫಾರ್ಮ್‌ನಲ್ಲಿ ಎಲ್ಲಾ ಲಿಸ್ಟೆಡ್ ಸಂಸ್ಥೆಗಳ ಮಾರುಕಟ್ಟೆ ಬಂಡವಾಳೀಕರಣ (ಎಂ-ಕ್ಯಾಪ್) ಸುಮಾರು ₹50.81 ಲಕ್ಷ ಕೋಟಿಗಳಷ್ಟು ಜಿಗಿದಿದೆ.

ಈ ವರ್ಷದ ಸೆಪ್ಟೆಂಬರ್ 15 ರಂದು 30-ಷೇರ್ ಬೆಂಚ್‌ಮಾರ್ಕ್ ತನ್ನ ಸಾರ್ವಕಾಲಿಕ ಗರಿಷ್ಠ 67,927.23 ಅನ್ನು ತಲುಪಿತ್ತು. 4 ಟ್ರಿಲಿಯನ್‌ ಯುಎಸ್‌ ಡಾಲರ್‌ಗಿಂತ ಹೆಚ್ಚು ಮೌಲ್ಯದ ಇತರ ಮಾರುಕಟ್ಟೆಗಳೆಂದರೆ, ಅಮೆರಿಕ, ಚೀನಾ, ಜಪಾನ್ ಮತ್ತು ಹಾಂಕಾಂಗ್‌ ಆಗಿವೆ. 2021ರ ಮೇ 24 ರಂದು, ಬಿಎಸ್‌ಇಯಲ್ಲಿ ಎಲ್ಲಾ ಪಟ್ಟಿ ಮಾಡಲಾದ ಕಂಪನಿಗಳ ಮಾರುಕಟ್ಟೆ ಬಂಡವಾಳೀಕರಣವು 3 ಟ್ರಿಲಿಯನ್‌ ಯುಎಸ್‌ ಡಾಲರ್‌ಗಳ ಗಡಿ ಮುಟ್ಟಿತ್ತು.

2007ರ ಮೇ 28 ರಂದು ಲಿಸ್ಟೆಡ್‌ ಆಗಿರುವ ಈ ಕಂಪನಿಗಳ ಮೌಲ್ಯಮಾಪನವು 1 ಟ್ರಿಲಿಯನ್‌ ಯುಎಸ್‌ ಡಾಲರ್‌ಗಳ ಗಡಿ ದಾಟಿತ್ತು. 1 ಟ್ರಿಲಿಯನ್‌ನಿಂದ 1.5 ಟ್ರಿಲಿಯನ್‌ವರೆಗಿನ ಪ್ರಯಾಣ ಏಳು ವರ್ಷಗಳ ಕಾಲ ನಡೆದಿತ್ತು. 2014ರ ಜೂನ್‌ 6 ರಂದು ಅಂದರೆ, 2566 ದಿನಗಳಲ್ಲಿ ಈ ಗಡಿ ಕ್ರಮಿಸಲಾಗಿತ್ತು.

ಬ್ಯಾಂಕ್ ಲಾಕರ್ ಒಪ್ಪಂದದಿಂದ ಆಧಾರ್ ಉಚಿತ ಅಪ್ಡೇಟ್ ತನಕ 8 ಕೆಲಸಗಳಿಗೆ ಡಿಸೆಂಬರ್ ಅಂತಿಮ ಗಡುವು

2017ರ ಜುಲೈ 10 ರಂದು ಅದರ ಲಿಸ್ಟೆಡ್‌ ಮಾಡಲಾದ ಮಿಡ್‌ ಕ್ಯಾಪ್‌ ಕಂಪನಿಗಳ ಮೌಲ್ಯ 2 ಟ್ರಿಲಿಯನ್ ತಲುಪಿತು.1.5-ಟ್ರಿಲಿಯನ್ ಮಟ್ಟದಿಂದ 2 ಟ್ರಿಲಿಯನ್‌ಗಾಗಿ 1,130 ದಿನಗಳನ್ನು ತೆಗೆದುಕೊಂಡಿತ್ತು. ಅಲ್ಲಿಂದ, 2016ರ ಡಿಸೆಂಬರ್ 16 ರಂದು  2.5-ಟ್ರಿಲಿಯನ್ ಮಾರ್ಕ್ ಅನ್ನು ದಾಟಲು 1,255 ದಿನಗಳನ್ನು ತೆಗೆದುಕೊಂಡಿತು.