ಎಲೆಕ್ಟ್ರಿಕ್ ವಾಹನಗಳಿಗಿಂತ ಇಸ್ರೇಲ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದೆ. ಅತ್ಯಂತ ವಿನೂತನವಾದ, ವಿಶ್ವದ ಮೊದಲ ಎಲೆಕ್ಟ್ರಿಕ್ ರಸ್ತೆಯನ್ನು ನಿರ್ಮಾಣ ಮಾಡಿದೆ.
ಟೆಲ್‌ ಅವಿವ್ (ಸೆ.25): ಪರಿಸರ ರಕ್ಷಣೆ ಉದ್ದೇಶದಿಂದ ವಿಶ್ವದ ವಿವಿಧ ಮಹಾನಗರಗಳು ಪರಿಸರಸ್ನೇಹಿ ಎಲೆಕ್ಟ್ರಿಕ್ ಬಸ್‌ಗಳತ್ತ ಮುಖ ಮಾಡುತ್ತಿದ್ದರೆ, ಇಸ್ರೇಲ್ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದೆ. ಅತ್ಯಂತ ವಿನೂತನವಾದ, ವಿಶ್ವದ ಮೊದಲ ಎಲೆಕ್ಟ್ರಿಕ್ ರಸ್ತೆಯನ್ನು ನಿರ್ಮಾಣ ಮಾಡಿದೆ.
ಸಾರ್ವಜನಿಕ ಸಾರಿಗೆ ವಾಹನವಾಗಿರುವ ಬಸ್‌ಗಳು ಚಲಿಸುತ್ತಿರುವಾಗಲೇ ಈ ರಸ್ತೆ ಮೂಲಕ ಚಾಜ್‌ರ್‍ ಆಗಲಿವೆ. ಹೀಗಾಗಿ ಚಾರ್ಜಿಂಗ್‌ ಸಮಯ ಉಳಿಯಲಿದೆ.
undefined
ಬಾಹ್ಯಾಕಾಶದಲ್ಲೂ ಭಾರತದ ಮೇಲೆ ದಾಳಿಗೆ ಚೀನಾ ವಿಫಲ ಯತ್ನ!
ಟೆಲ್‌ ಅವಿವ್- ಯಾಫೋ ನಗರಪಾಲಿಕೆಯು ಎಲೆಕ್ಟ್ರಿಯೋನ್‌ ಎಂಬ ಎಲೆಕ್ಟ್ರಿಕ್ ವಾಹನಗಳ ಕಂಪನಿ ಹಾಗೂ ಡ್ಯಾನ್‌ ಬಸ್‌ ಕಂಪನಿ ಜತೆಗೂಡಿ ಈ ಯೋಜನೆಯನ್ನು ಪ್ರಾಯೋಗಿಕವಾಗಿ ಅನುಷ್ಠಾನಗೊಳಿಸಿದೆ. ಟೆಲ್‌ ಅವಿವ್‌ನ 1.2 ಮೈಲಿ ಉದ್ದದ ರಸ್ತೆಯೊಂದನ್ನು ಆಯ್ಕೆ ಮಾಡಿಕೊಂಡು ಅಲ್ಲಿ 0.37 ಮೈಲಿ ಉದ್ದದ ರಸ್ತೆಯನ್ನು ಎಲೆಕ್ಟ್ರಿಕ್ ಪಥವಾಗಿ ನಿರ್ಮಾಣ ಮಾಡಲಾಗಿದೆ. ಈ ರಸ್ತೆಯಲ್ಲಿ ಪರೀಕ್ಷೆ, ಪರೀಕ್ಷಾರ್ಥ ಸಂಚಾರವನ್ನು ನಡೆಸಲು ಭರದ ಸಿದ್ಧತೆ ನಡೆಯುತ್ತಿದೆ.
ಹೇಗೆ ಕೆಲಸ ಮಾಡುತ್ತೆ?
- ಟಾರ್‌ ರಸ್ತೆಯ ಕೆಳಭಾಗದಲ್ಲಿ ತಾಮ್ರದ ತಂತಿ ಅಳವಡಿಸಿರಲಾಗುತ್ತದೆ
- ಬಸ್‌ಗಳ ಕೆಳಭಾಗದಲ್ಲಿ ರಿಸೀವರ್‌ ಅಳವಡಿಕೆಯಾಗಿರುತ್ತದೆ
- ವಿದ್ಯುತ್‌ ಗ್ರಿಡ್‌ನಿಂದ ರಸ್ತೆ ಕೆಳಭಾಗದ ತಾಮ್ರಕ್ಕೆ ವಿದ್ಯುತ್‌ ಹರಿಸಲಾಗುತ್ತದೆ
- ವಾಹನದಲ್ಲಿರುವ ರಿಸೀವರ್‌ ಆ ವಿದ್ಯುಚ್ಛಕ್ತಿಯನ್ನು ಬ್ಯಾಟರಿಗೆ ವರ್ಗಾಯಿಸುತ್ತದೆ
- ವಾಹನ ಚಾಲನೆಯಲ್ಲಿರುವಾಗಲೇ ಈ ಪ್ರಕ್ರಿಯೆ ನಡೆಯುತ್ತದೆ. ಬಸ್‌ ಚಲಿಸುತ್ತದೆ
ಎಲ್ಲಿದೆ ಈ ರಸ್ತೆ?
ಇಸ್ರೇಲ್‌ನ ಟೆಲ್‌ ಅವಿವ್‌ನ ವಿಶ್ವವಿದ್ಯಾಲಯ ರೈಲು ನಿಲ್ದಾಣದಿಂದ ರಮಾತ್‌ ಅವಿವ್‌ನಲ್ಲಿರುವ ಕ್ಲಾಟ್‌್ಜಕಿನ್‌ ಟರ್ಮಿನಲ್‌ವರೆಗೆ 1.2 ಮೈಲುದ್ದದ ರಸ್ತೆ ಇದೆ. ಆ ಪೈಕಿ 0.37 ಮೈಲಿ ರಸ್ತೆಯನ್ನು ಎಲೆಕ್ಟ್ರಿಕ್ ಆಗಿ ಪರಿವರ್ತಿಸಲಾಗಿದೆ.