ತೋಷ್ಖಾನಾ ಗಿಫ್ಟ್ ಕೇಸ್‌ ಪ್ರಕರಣದಲ್ಲಿ ಪಾಕಿಸ್ತಾನದ ಚುನಾವಣಾ ಆಯೋಗ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು ಐದು ವರ್ಷಗಳ ಕಾಲ ನಿಷೇಧಿಸಿದೆ. ಇದರಿಂದಾಗಿ ಮುಂಬರುವ ಪಾಕಿಸ್ತಾನ ಚುನಾವಣೆಯಲ್ಲಿ ಅವರು ಸ್ಪರ್ಧೆ ಮಾಡುವಂತಿಲ್ಲ.
ಇಸ್ಲಾಮಾಬಾದ್‌ (ಅ.21): ತೋಷ್ಖಾನಾ ಗಿಫ್ಟ್ ಪ್ರಕರಣದಲ್ಲಿ ಪಾಕಿಸ್ತಾನದ ಚುನಾವಣಾ ಆಯೋಗ ಶುಕ್ರವಾರ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು ಐದು ವರ್ಷಗಳ ಕಾಲ ಅನರ್ಹಗೊಳಿಸಿದೆ. ಇಮ್ರಾನ್ ಅವರ ಸಂಸತ್ ಸದಸ್ಯತ್ವವನ್ನೂ ರದ್ದುಪಡಿಸಲಾಗಿದೆ ಎಂದು ಆಯೋಗ ತಿಳಿಸಿದೆ. ಚುನಾವಣಾ ಆಯೋಗದ ಈ ನಿರ್ಧಾರದ ನಂತರ, ಇಮ್ರಾನ್ ಮುಂದಿನ 5 ವರ್ಷಗಳವರೆಗೆ ಚುನಾವಣೆಯಲ್ಲಿ ಸ್ಪರ್ಧಿಸಲು ಸಾಧ್ಯವಿಲ್ಲ. ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಕಾನೂನುಬಾಹಿರವಾಗಿ ಸರ್ಕಾರಿ ಉಡುಗೊರೆಗಳನ್ನು ಮಾರಾಟ ಮಾಡಿದ ಮತ್ತು ಆಸ್ತಿಯನ್ನು ಮರೆಮಾಚುವ ಆರೋಪದ ಮೇಲೆ ಸಾರ್ವಜನಿಕ ಕಚೇರಿಯನ್ನು ಹೊಂದಲು ಅವರನ್ನು ಅನರ್ಹ ಮಾಡಲಾಗಿದೆ ಎಂದು ಅವರ ವಕ್ತಾರರು ತಿಳಿಸಿದ್ದಾರೆ. ಈ ಕ್ರಮವು ಬಡ ದೇಶದಲ್ಲಿ ದೀರ್ಘಕಾಲದ ರಾಜಕೀಯ ಪ್ರಕ್ಷುಬ್ಧತೆಯನ್ನು ಹೆಚ್ಚಿಸುವ ಸಾಧ್ಯತೆಯಿದೆ. ಪಾಕಿಸ್ತಾನದ ಚುನಾವಣಾ ಆಯೋಗವು ಬಹು ನಿರೀಕ್ಷಿತ ತೀರ್ಪನ್ನು ರಾಜಧಾನಿ ಇಸ್ಲಾಮಾಬಾದ್‌ನಲ್ಲಿ ಪ್ರಕಟಿಸಿದೆ ಎಂದು ಫವಾದ್ ಚೌಧರಿ ಸುದ್ದಿಗಾರರಿಗೆ ತಿಳಿಸಿದರು. ಚೌಧರಿ ಈ ಕ್ರಮವನ್ನು ಖಂಡಿಸಿದ್ದಾರೆ.
ಏನಿದು ಪ್ರಕರಣ: ಆಡಳಿತಾರೂಢ ಪಾಕಿಸ್ತಾನಿ ಡೆಮಾಕ್ರಟಿಕ್ ಮೂವ್ಮೆಂಟ್ ಚುನಾವಣಾ ಆಯೋಗದ ಮುಂದೆ ತೋಷ್ಖಾನಾ ಗಿಫ್ಟ್ ಪ್ರಕರಣವನ್ನು ಇಟ್ಟಿತ್ತು. ಇಮ್ರಾನ್ ತಮ್ಮ ಅಧಿಕಾರಾವಧಿಯಲ್ಲಿ ವಿವಿಧ ದೇಶಗಳಿಂದ ಪಡೆದ ಉಡುಗೊರೆಗಳನ್ನು ಅನುಮತಿಯಿಲ್ಲದೆ ಮಾರಾಟ ಮಾಡಿದ್ದಾರೆ ಎಂದು ಹೇಳಲಾಗಿತ್ತು. ಇಮ್ರಾನ್ ಉಡುಗೊರೆಗಳನ್ನು 5.8 ಕೋಟಿ ರೂಪಾಯಿಗೆ ಮಾರಾಟ ಮಾಡಿದ್ದನ್ನು ಅವರ ವಕೀಲರು ಒಪ್ಪಿಕೊಂಡಿದ್ದರು. ಆದಾಯ ತೆರಿಗೆ ರಿಟರ್ನ್‌ನಲ್ಲಿಯೂ ಅವುಗಳನ್ನು ಉಲ್ಲೇಖಿಸಲಾಗಿದೆ. ಇಮ್ರಾನ್ ಅರಬ್ ಆಡಳಿತಗಾರರಿಂದ ಅಮೂಲ್ಯ ಉಡುಗೊರೆಗಳನ್ನು ಪಡೆದಿದ್ದಾರೆ ಎಂದು ಪ್ರಸ್ತುತ ಸರ್ಕಾರ ಹೇಳಿದೆ, ಅದನ್ನು ಅವರು ಮಾರಾಟ ಮಾಡಿದರು. ಇವುಗಳಲ್ಲಿ ಬೆಲೆಬಾಳುವ ವಾಚ್‌ಗಳು, ಆಭರಣಗಳು ಮತ್ತು ಡಿಸೈನರ್ ಬ್ಯಾಗ್‌ಗಳು ಸೇರಿದ್ದವು.
ಇಮ್ರಾನ್ ಖಾನ್ 2018ರಲ್ಲಿ ಪಾಕಿಸ್ತಾನದ (Imran Khan) ಪ್ರಧಾನಿಯಾಗಿದ್ದರು. ಆ ಬಳಿಕ ಅವರು ವಿವಿಧ ದೇಶಗಳಿಗೆ ದ್ವಿಪಕ್ಷೀಯ (Pakistan Former PM Imran Khan) ಭೇಟಿ ನೀಡಿದ್ದಾರೆ. ಇದರಲ್ಲಿ ಸೌದಿ ಅರೇಬಿಯಾ (Soudi a) ಕೂಡ ಸೇರಿದೆ. ಸೌದಿಯ ರಾಜ ಮೊಹಮದ್‌ ಬಿನ್‌ ಸಲ್ಮಾನ್‌, ಇಮ್ರಾನ್ ಖಾನ್‌ಗೆ 16 ಕೋಟಿ ರೂಪಾಯಿ ಮೌಲ್ಯದ ವಾಚ್‌ಗಳು ಹಾಗೂ ಕಿವಿಯೋಲೆಗಳನ್ನು ಗಿಫ್ಟ್ ಆಗಿ ನೀಡಿದ್ದರು. ಅವರ ಕೈಗಡಿಯಾರ ಬಹಳ ಬೆಲೆವಾಳುವಂಥದ್ದಾಗಿತ್ತು. ಆದರೆ ಪ್ರಧಾನಿ ಇಮ್ರಾನ್ ಖಾನ್ ಮತ್ತು ಅವರ ಪತ್ನಿ ಬುಶ್ರಾ ಬೀಬಿ ದೇಶಕ್ಕೆ ತಿಳಿಸದೇ ಕೋಟ್ಯಂತರ ರೂಪಾಯಿ ಮೌಲ್ಯದ ಉಡುಗೊರೆಗಳನ್ನು ಮಾರಾಟ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.
4 ಲಕ್ಷ ಪಾಕ್ ಪ್ರಜೆಗಳ ಮುಂದೆ ಭಾರತದ ತಾಕತ್ತು ಹೇಳಿದ ಇಮ್ರಾನ್ ಖಾನ್
ಇಮ್ರಾನ್ ಖಾನ್‌ರನ್ನು ಅನರ್ಹ ಮಾಡಿದ ಬೆನ್ನಲ್ಲಿಯೇ ಅವರ ಪಕ್ಷ ತೆಹ್ರಿಕ್‌ ಇ ಇನ್ಸಾಫ್‌ ಪಾಕಿಸ್ತಾನ ಪ್ರತಿಭಟನೆಯನ್ನು (Toshkhana Gift case) ತೀವ್ರಗೊಳಿಸಿದೆ. ಪ್ರತಿಭಟನೆಯನ್ನು ಶಾಂತಿಯುತವಾಗಿ ಮಾಡುವುದಾಗಿ ಪಕ್ಷ ಹೇಳಿದೆ. ಪ್ರಧಾನಿ ಶಹಬಾಜ್ ಷರೀಫ್ ( Election Commission) ಅವರ ಸರ್ಕಾರವನ್ನು ಕ್ಷಿಪ್ರ ಚುನಾವಣೆಗಳನ್ನು ನಡೆಸಬೇಕೆಂದು ಒತ್ತಾಯಿಸಿ, ಇಮ್ರಾನ್ ಖಾನ್ ಅವರು ಇಸ್ಲಾಮಾಬಾದ್‌ನಲ್ಲಿ ತಮ್ಮ ಬಹುನಿರೀಕ್ಷಿತ ಮೆರವಣಿಗೆಯನ್ನು ಘೋಷಿಸುವ ಕೆಲವು ದಿನಗಳ ಮೊದಲು ಚುನಾವಣಾ ಆಯೋಗದಿಂದ ಈ ಕ್ರಮ ಬಂದಿದೆ.
ಭಾರತದ ವಿದೇಶಾಂಗ ನೀತಿಯನ್ನು ಹೊಗಳಿದ ಇಮ್ರಾನ್ ಖಾನ್..!
ಪಾಕಿಸ್ತಾನದ ಖ್ಯಾತ ಪತ್ರಕರ್ತೆ ಆಲಿಯಾ ಶಾ ಪ್ರಕಾರ - ಪಾಕಿಸ್ತಾನದಲ್ಲಿರುವ ಜನರು ಪ್ರಧಾನಿ, ಅಧ್ಯಕ್ಷರು ಅಥವಾ ಇತರ ಹುದ್ದೆಗಳಿಗೆ ಜನರು ಸ್ವೀಕರಿಸಿದ ಉಡುಗೊರೆಗಳ ಬಗ್ಗೆ ಮಾಹಿತಿಯನ್ನು ನೀಡಬೇಕು. ಅವುಗಳನ್ನು ತೋಷಖಾನದಲ್ಲಿ ಠೇವಣಿ ಇಡಬೇಕು. ಉಡುಗೊರೆ 10 ಸಾವಿರ ಪಾಕಿಸ್ತಾನಿ ರೂಪಾಯಿ ಮೌಲ್ಯದ್ದಾಗಿದ್ದರೆ, ಸಂಬಂಧಪಟ್ಟವರು ಯಾವುದೇ ಹಣವನ್ನು ಪಾವತಿಸದೆ ಇರಿಸಿಕೊಳ್ಳಬಹುದು. 10 ಸಾವಿರಕ್ಕಿಂತ ಹೆಚ್ಚಿದ್ದರೆ ಶೇ.20ರಷ್ಟು ಬೆಲೆ ನೀಡಿ ಉಡುಗೊರೆಯನ್ನು ನಿಮ್ಮ ಬಳಿ ಇಟ್ಟುಕೊಳ್ಳಬಹುದು. ಉಡುಗೊರೆ 4 ಲಕ್ಷಕ್ಕಿಂತ ಹೆಚ್ಚಿದ್ದರೆ, ವಜೀರ್-ಎ-ಅಜಮ್ (ಪ್ರಧಾನಿ) ಅಥವಾ ಸದರ್-ಎ-ರಿಯಾಸತ್ (ಅಧ್ಯಕ್ಷ) ಮಾತ್ರ ಅದನ್ನು ಖರೀದಿಸಬಹುದು. ಯಾರೂ ಖರೀದಿಸದಿದ್ದರೆ, ಮಾತ್ರ ಹರಾಜು ನಡೆಯುತ್ತದೆ.