ಅಫ್ಘಾನಿಸ್ತಾನದಲ್ಲಿ ಮಹಿಳೆಯರು ಸಾರ್ವಜನಿಕವಾಗಿ ಮುಖ ತೋರಿಸುವುದು, ಹಾಡುವುದು, ಪುರುಷರನ್ನು ನೋಡುವುದು ಸೇರಿದಂತೆ ಹಲವು ನಿಷೇಧಗಳನ್ನು ಒಳಗೊಂಡ 114 ಪುಟಗಳ ಕಾನೂನಿಗೆ ತಾಲಿಬಾನ್ ಸರ್ಕಾರ ಅನುಮೋದನೆ ನೀಡಿದೆ.
ಕಾಬೂಲ್ (ಆ.24): ಅಫ್ಘಾನಿಸ್ತಾನದ ತಾಲಿಬಾನ್ ಸರ್ಕಾರ ಮಹಿಳೆಯರ ಮೇಲಿನ ತನ್ನ ನಿಯಂತ್ರಣವನ್ನು ಮತ್ತಷ್ಟು ಹೆಚ್ಚಿಸಿದ್ದು, 35 ವಿಧಿಗಳನ್ನು ಒಳಗೊಂಡಿರುವ 114 ಪುಟಗಳ ಕಾನೂನಿಗೆ ಅನುಮೋದನೆ ನೀಡಿದೆ. ಇದರಲ್ಲಿ ಮಹಿಳೆಯರು ಸಾರ್ವಜನಿಕವಾಗಿ ಮುಖ ತೋರಿಸಬಾರದು, ತೆಳು, ಬಿಗಿ, ಚಿಕ್ಕದಾಗಿರಬಾರುವ ಬಟ್ಟೆ ಧರಿಸಬಾರದು ಸೇರಿದಂತೆ ಹಲವು ನಿಯಮ ಸೇರಿದೆ. 2021ರಲ್ಲಿ ಅಧಿಕಾರಕ್ಕೆ ಬಂದ ಬಳಿಕ ಮಹಿಳೆಯರಿಗೆ ಹಲವು ಕಠಿಣ ಷರತ್ತುಗಳನ್ನು ತಾಲಿಬಾನಿಗಳು ವಿಧಿಸಿದ್ದರು. ಇದೀಗ ಮತ್ತಷ್ಟು ಕಠಿಣ ನಿಯಮ ತಂದಿದ್ದು, ತಾಲಿಬಾನ್‌ನ ಸರ್ವೋಚ್ಛ ನಾಯಕ ಹಿಬಾತುಲ್ಲಾ ಅಖುಂಡ್‌ಜಾದಾ ಅನುಮೋದಿಸಿದ್ದಾರೆ. ಮಹಿಳೆಯರು ಸಾರ್ವಜನಿಕವಾಗಿ ಹಾಡುವುದು, ಪಠಣೆ ಮಾಡುವುದು, ಗಟ್ಟಿಯಾಗಿ ಓದುವುದನ್ನೂ ನಿಷೇಧಿಸಿದೆ. ರಕ್ತಸಂಬಂಧಿ, ಪತಿ ಬಿಟ್ಟು ಬೇರೆ ಗಂಡಸರನ್ನು ನೋಡಬಾರದು. ಸಂಗೀತ ನುಡಿಸಬಾರದು, ಸಾರ್ವಜನಿಕವಾಗಿ ಪುರುಷರ ಸೇರಬಾರದು ಎಂದು ಸೂಚಿಸಲಾಗಿದೆ.
ಸರ್ವೋಚ್ಛ ನಾಯಕನ ಅನುಮೋದನೆ ಸಿಕ್ಕ ಬಳಿಕ, ಬುಧವಾರ ಸರ್ಕಾರದ ಪರ ವಕ್ತಾರರು ಇದನ್ನು ಸಾರ್ವಜನಿಕಗೊಳಿಸಿದ್ದಾರೆ. "ಇನ್ಶಾ ಅಲ್ಲಾಹ್, ಈ ಇಸ್ಲಾಮಿಕ್ ಕಾನೂನು ಸದ್ಗುಣವನ್ನು ಉತ್ತೇಜಿಸಲು ಮತ್ತು ದುರ್ಗುಣಗಳನ್ನು ತೊಡೆದುಹಾಕಲು ಹೆಚ್ಚು ಸಹಾಯ ಮಾಡುತ್ತದೆ ಎಂದು ನಾವು ನಿಮಗೆ ಭರವಸೆ ನೀಡುತ್ತೇವೆ" ಎಂದು ಸಚಿವಾಲಯದ ವಕ್ತಾರ ಮೌಲ್ವಿ ಅಬ್ದುಲ್ ಗಫರ್ ಫಾರೂಕ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ.
undefined
ಗಡ್ಡ ಬೆಳೆಸದ್ದಕ್ಕೆ 280 ಮಂದಿಯನ್ನು ಕೆಲಸದಿಂದ ವಜಾಗೊಳಿಸಿ ಮನೆಗೆ ಕಳುಹಿಸಿದ ತಾಲಿಬಾನ್
ಪ್ರಯಾಣಿಕರು ಮತ್ತು ಚಾಲಕರು ಗೊತ್ತುಪಡಿಸಿದ ಸಮಯಗಳಲ್ಲಿ ಪ್ರಾರ್ಥನೆಗಳನ್ನು ಮಾಡಬೇಕೆಂದು ಡಿಕ್ರಿ ಕಡ್ಡಾಯಗೊಳಿಸುತ್ತದೆ. ಸಚಿವಾಲಯದ ವೆಬ್‌ಸೈಟ್‌ನ ಪ್ರಕಾರ, ಪ್ರಾರ್ಥನೆ ಮತ್ತು ಇಸ್ಲಾಮಿಕ್ ಕಾನೂನಿನ ಅನುಸರಣೆಯನ್ನು ಖಚಿತಪಡಿಸಿಕೊಳ್ಳುವುದನ್ನು ಒಳಗೊಂಡಿರುತ್ತದೆ ಮತ್ತು ಇಸ್ಲಾಂನ ಐದು ಸ್ತಂಭಗಳ ಅನುಸರಣೆಯನ್ನು ಖಾತ್ರಿಪಡಿಸುವುದರ ಜೊತೆಗೆ ಹಿಜಾಬ್‌ ಧರಿಸಲು ಮಹಿಳೆಯರನ್ನು ಪ್ರೋತ್ಸಾಹಿಸುತ್ತದೆ. ನಿಯಮಗಳು ಇಸ್ಲಾಮಿಕ್ ಕಾನೂನಿನಿಂದ ನಿಷೇಧಿಸಲಾಗಿದೆ ಎಂದು ಪರಿಗಣಿಸಲಾದ ಚಟುವಟಿಕೆಗಳನ್ನು ತೆಗೆದುಹಾಕುವ ಗುರಿಯನ್ನು ಹೊಂದಿವೆ.
Paris Olympics 2024: ಬ್ರೇಕ್‌ ಡ್ಯಾನ್ಸ್‌ ಸ್ಪರ್ಧೆ ವೇಳೆ ಫ್ರೀ ಆಫ್ಘನ್ ವುಮೆನ್ ಬಟ್ಟೆ ಧರಿಸಿದ ಅಥ್ಲೀಟ್ ಅನರ್ಹ!