ಬ್ರಿಟನ್‌ನ ಮಿರರ್‌ ಸಮೂಹದ ಪತ್ರಿಕೆಗಳು ತಮ್ಮ ಫೋನ್‌ ಹ್ಯಾಕ್‌ ಮಾಡಿ ವರದಿ ಮಾಡಿವೆ. ಇದರಿಂದ ತಮ್ಮ ಖಾಸಗಿತನಕ್ಕೆ ಧಕ್ಕೆ ಆಗಿದೆ ಎಂದು ಆರೋಪಿಸಿದ್ದ ಬ್ರಿಟನ್ ರಾಜಕುವರ ಪ್ರಿನ್ಸ್‌ ಹ್ಯಾರಿ, ಹೈಕೋರ್ಟ್‌ಗೆ ಹಾಜರಾದರು.
ಲಂಡನ್‌: ಬ್ರಿಟನ್‌ನ ಮಿರರ್‌ ಸಮೂಹದ ಪತ್ರಿಕೆಗಳು ತಮ್ಮ ಫೋನ್‌ ಹ್ಯಾಕ್‌ ಮಾಡಿ ವರದಿ ಮಾಡಿವೆ. ಇದರಿಂದ ತಮ್ಮ ಖಾಸಗಿತನಕ್ಕೆ ಧಕ್ಕೆ ಆಗಿದೆ ಎಂದು ಆರೋಪಿಸಿದ್ದ ಬ್ರಿಟನ್ ರಾಜಕುವರ ಪ್ರಿನ್ಸ್‌ ಹ್ಯಾರಿ, ಮಂಗಳವಾರ ಹೈಕೋರ್ಟ್‌ಗೆ ಹಾಜರಾದರು. ಬ್ರಿಟನ್ ರಾಜಮನೆತನದ ವ್ಯಕ್ತಿಯೊಬ್ಬರು ಕೋರ್ಟ್‌ಗೆ ಹಾಜರಾಗುತ್ತಿರುವುದು 100 ವರ್ಷದಲ್ಲಿ ಇದೇ ಮೊದಲು. ಈ ಹಿಂದೆ 1891ರಲ್ಲಿ ಅಂದಿನ ರಾಜಕುವರ ಕಿಂಗ್‌ ಎಡ್ವರ್ಡ್‌-7 (King Edward-7) ಅವರು ಜೂಜು ಪ್ರಕರಣವೊಂದರಲ್ಲಿ ಕೋರ್ಟಿಗೆ ಹಾಜರಾಗಿದ್ದರು. ಮಂಗಳವಾರದ ವಿಚಾರಣೆ ವೇಳೆ ಹ್ಯಾರಿ ಅವರು, 1996ರಿಂದ 2010ರವರೆಗೆ ಮಿರರ್‌ ಪತ್ರಿಕೆಗಳು ತಮ್ಮ ಫೋನ್‌ ಹ್ಯಾಕ್‌ ಮಾಡಿ ಇಲ್ಲಸಲ್ಲದ ವರದಿಗಳನ್ನು ಪ್ರಕಟಿಸಿವೆ ಎಂದು ಆರೋಪಿಸಿದರು.
ಪ್ರಿನ್ಸ್‌ ಹ್ಯಾರಿ, ಮೇಘನ್‌ ದಾಂಪತ್ಯದಲ್ಲಿ ಬಿರುಕು:
ಲಂಡನ್‌: ಬ್ರಿಟನ್‌ನ ರಾಜಕುವರ ಪ್ರಿನ್ಸ್‌ ಹ್ಯಾರಿ ಹಾಗೂ ಮೇಘನ್‌ ಮಾರ್ಕೆಲ್‌ (Prince Harry and Meghan Markle) ದಾಂಪತ್ಯದಲ್ಲಿ ಬಿರುಕು ಮೂಡಿದ್ದು, ಸದ್ಯದಲ್ಲೇ ಅವರಿಬ್ಬರು ವಿಚ್ಛೇದನ (divorce) ಪಡೆಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ರಾಜಕುಟುಂಬದ ಮೂಲಗಳನ್ನು ಉಲ್ಲೇಖಿಸಿ ಹಲವು ಸ್ಥಳೀಯ ಹಾಗೂ ಅಂತಾರಾಷ್ಟ್ರೀಯ ಮಾಧ್ಯಮಗಳು ಇದನ್ನು ವರದಿ ಮಾಡಿವೆ.
ಬ್ರಿಟನ್ ರಾಜಕುಮಾರ ಹ್ಯಾರಿ ಆತ್ಮಕತೆ 'ಸ್ಪೇರ್' ಮೊದಲ ದಿನವೇ ದಾಖಲೆಯ ಮಾರಾಟ
2018ರ ಮೇ 19ರಂದು ಮದುವೆಯಾಗಿದ್ದ ಈ ಜೋಡಿ ಇದೀಗ ಬೇರೆಯಾಗಲು ನಿರ್ಧರಿಸಿದ್ದಾರೆ ಎಂಬುದರ ಕುರಿತಾಗಿ ಕಳೆದ ಕೆಲವು ವಾರಗಳಿಂದ ವದಂತಿಗಳು ಹರಿದಾಡುತ್ತಿದ್ದು, ರಾಜ ಕುಟುಂಬದ ಸೇವಕರು ಇದನ್ನು ದೃಢಪಡಿಸಿದ್ದಾರೆ ಎನ್ನಲಾಗಿದೆ. ರಾಜಕುಮಾರಿ ಡಯಾನ ಅವರ ಸೇವಕನಾಗಿದ್ದ ಪಾಲ್‌ ಬಾರೆಲ್‌ (Paul Barrell) ಈ ವಿಷಯದ ಕುರಿತಾಗಿ ಮಾತನಾಡಿದ್ದು, ಮೇಘನ್‌ ಮತ್ತು ಹ್ಯಾರಿ ಶೀಘ್ರದಲ್ಲೇ ದೂರವಾಗಲಿದ್ದಾರೆ ಎಂದಿದ್ದಾರೆ.
ನ್ಯೂಯಾರ್ಕಲ್ಲಿ ಪ್ರಿನ್ಸ್‌ ಹ್ಯಾರಿ ಎರ್ರಾಬಿರ್ರಿ ಕಾರು ಚಾಲನೆ
ನ್ಯೂಯಾರ್ಕ್: ಛಾಯಾಗ್ರಾಹಕರಿಂದ ಪಾರಾಗಲು ಬ್ರಿಟನ್‌ನ ಪ್ರಿನ್ಸ್‌ ಹ್ಯಾರಿ ನ್ಯೂಯಾರ್ಕ್‌ನಲ್ಲಿ ಎರ್ರಾಬಿರ್ರಿ ಕಾರು ಚಾಲನೆ ಮಾಡಿ ಇತರರ ಪ್ರಾಣಕ್ಕೆ ಸಂಚಕಾರ ತರುವ ಭೀತಿ ಸೃಷ್ಟಿಸಿದ ಘಟನೆ ನಡೆದಿದೆ. ಕೆಲ ದಿನಗಳ ಹಿಂದೆ ಸಂಜೆ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮವನ್ನು ಮುಗಿಸಿ ವಾಪಸ್ಸಾಗುತ್ತಿದ್ದ ವೇಳೆ ಛಾಯಾಗ್ರಾಹಕರು ಹ್ಯಾರಿ ಬೆನ್ನು ಬಿದ್ದಿದ್ದಾರೆ. ಈ ವೇಳೆ 2 ಗಂಟೆ ಹ್ಯಾರಿ ಅತಿ ವೇಗವಾಗಿ ಕಾರು ಚಲಾಯಿಸಿದ್ದು, ರಸ್ತೆಯಲ್ಲಿ ಇತರ ವಾಹನ ಚಾಲಕರು, ಪಾದಚಾರಿಗಳು ಹಾಗೂ ನ್ಯೂಯಾರ್ಕ್‌ನ ಇಬ್ಬರು ಪೊಲೀಸ್‌ ಸಿಬ್ಬಂದಿಗೆ ಗುದ್ದುವುದು ಸ್ಪಲ್ಪದರಲ್ಲೇ ತಪ್ಪಿದೆ. ಪ್ರಿನ್ಸ್‌ ಹ್ಯಾರಿ ಜೊತೆಗೆ ಅವರ ಪತ್ನಿ ಮೇಘನ್‌ ಹಾಗೂ ಮೇಘನ್‌ ಅವರ ತಾಯಿ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು.
ಹಿರಿಯ ಮಹಿಳೆ ಜತೆ ನನ್ನ ಮೊದಲ ರತಿಕ್ರೀಡೆ : ಆತ್ಮಕತೆಯಲ್ಲಿ ಪ್ರಿನ್ಸ್‌ ಹ್ಯಾರಿ