ಪಾಕ್‌ ಆರ್ಮಿಗೆ ಸಾರ್ವಜನಿಕವಾಗೇ ಮಂಗಳಾರತಿ ಎತ್ತಿದ ಮಾಜಿ ಪ್ರಧಾನಿ ಪುತ್ರಿ!

ಗಿಲ್ಗಿಟ್‌–ಬಾಲ್ಟಿಸ್ತಾನವನ್ನು ಪಾಕಿಸ್ತಾನದ ಪ್ರಾಂತ್ಯವನ್ನಾಗಿಸಲು ಪಾಕ್ ಸೇನೆ ನಿರ್ಧಾರ| ಪಾಕ್ ಸೇನೆ ನಿರ್ಧಾರವನ್ನು ಸಾರ್ವಜನಿಕವಾಗೇ ಖಂಡಿಸಿದ ಮಾಜಿ ಪ್ರಧಾನಿ ಪುತ್ರಿ| ಇದು ಸಂಸತ್ತಿನಲ್ಲಿ ಚರ್ಚೆ ಮಾಡಬೇಕಾದ ವಿಚಾರ ಎಂದು ಕಿಡಿ ಕಾರಿದ ಮರಿಯಂ

ಇಸ್ಲಮಾಬಾದ್(ಸೆ.23): ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್‌ ಷರೀಫ್ ಮಗಳು ಹಾಗೂ ರಾಜಕಾರಣಿ ಮರಿಯಂ ನವಾಜ್ ಷರೀಫ್ ಅಲ್ಲಿನ ಸೇನೆ ಬಗ್ಗೆ ಸಾರ್ವಜನಿಕವಾಗೇ ಕಿಡಿ ಕಾರಿದ್ದಾರೆ. 

ಹೌದು ಗಿಲ್ಗಿಟ್‌–ಬಾಲ್ಟಿಸ್ತಾನವನ್ನು ಪಾಕಿಸ್ತಾನದ ಪ್ರಾಂತ್ಯವನ್ನಾಗಿಸುವ ಇಲ್ಲಿನ ಸೇನೆಯ ನಿರ್ಧಾರವನ್ನು ಖಂಡಿಸಿರುವ  ಮರಿಯಂ ನವಾಜ್ ಷರೀಫ್ ಸಾರ್ವಜನಿಕವಾಗೇ ಸೇನೆ ವಿರುದ್ಧ ಹರಿ ಹಾಯ್ದಿದ್ದಾರೆ. ಸ್ವಾತಂತ್ರ್ಯ ಇಲ್ಲಿನ ಸ್ಥಳೀಯರ ಹಕ್ಕು. ಆದರೆ ಸೇನೆಯ ನಿರ್ಧಾರದಿಂದ ಇಲ್ಲಿನ ಜನರಿಗೆ ಅನ್ಯಾಯವಾಗಲಿದೆ ಎಂದಿದ್ದಾರೆ. ಮರಿಯಂರವರ ಈ ಮಾತುಗಳು ಜನರಲ್ ಬಾಜ್ವಾಗೆ ತೀವ್ರ ಮುಜುಗರವುಂಟು ಮಾಡಿದೆ.

ಅಲ್ಲದೇ ಇದೊಂದು ರಾಜಕೀಯ ವಿಚಾರವಾಗಿದ್ದು, ಸಂಸತ್ತಿನಲ್ಲಿ ನಾಯಕರು ಈ ಬಗ್ಗೆ ಚರ್ಚೆ ನಡೆಸಬೇಕಾಗಿತ್ತು. ಈ ಬಗ್ಗೆ  GHQನಲ್ಲಿ ಚರ್ಚೆ ನಡೆಸಿದ್ದು ಸರಿಯಲ್ಲ ಎಂದೂ ಅವರು ತಿಳಿಸಿದ್ದಾರೆ.