ಭಾರತ ಬೌದ್ಧ ಧರ್ಮದ ಮೂಲ ಮಾತ್ರವಲ್ಲ, ಇಡೀ ಬೌದ್ಧಮತ ಮೊದಲು ಪ್ರವರ್ಧಮಾನಕ್ಕೆ ಬಂದ ದೇಶ. ಈ ಧರ್ಮದ ಸಾರವನ್ನು ಭಾರತ ಪ್ರಪಂಚದಾದ್ಯತ ಹರಡಿದೆ ಎಂದು ರಷ್ಐಆಗೆ ಭಾರತದ ರಾಯಭಾರಿಯಾಗಿರುವ ಪವನ್ ಕಪೂರ್ ಹೇಳಿದ್ದಾರೆ.
ನವದೆಹಲಿ (ಆ.25): ಭಾರತವು ಜಾಗತಿಕವಾಗಿ ಬೌದ್ಧ ಧರ್ಮದ ತತ್ವಗಳನ್ನು ಎತ್ತಿಹಿಡಿಯುತ್ತದೆ ಮತ್ತು ಉತ್ತೇಜಿಸುತ್ತದೆ ಎಂದು ರಷ್ಯಾದಲ್ಲಿ ಭಾರತೀಯ ರಾಯಭಾರಿ ಪವನ್ ಕಪೂರ್ ಶುಕ್ರವಾರ ಹೇಳಿದ್ದಾರೆ. ಬೌದ್ಧ ಧರ್ಮವು ಅದರ ಆಳವಾದ ಬೋಧನೆಗಳೊಂದಿಗೆ ಸಹಾನುಭೂತಿ, ಬುದ್ಧಿವಂತಿಕೆ, ಶಾಂತಿ ಮತ್ತು ಸೌಹಾರ್ದತೆ, ಶತಮಾನಗಳಿಂದ ಭಾರತೀಯ ಸಮಾಜದ ಮೂಲಾಧಾರವಾಗಿದೆ. ಬುದ್ಧನ ಜ್ಞಾನದ ಬೆಳಕು ಮೊದಲು ಬೆಳಗಿದ ಭೂಮಿ ಭಾರತ, ಈ ತತ್ವಗಳನ್ನು ಜಾಗತಿಕವಾಗಿ ಎತ್ತಿಹಿಡಿಯುವುದನ್ನು ಮತ್ತು ಪ್ರಚಾರ ಮಾಡುವುದನ್ನು ಮುಂದುವರೆಸಿದೆ. ರಷ್ಯಾದಲ್ಲಿ, ಬೌದ್ಧಧರ್ಮವು ನಾಲ್ಕು ಪ್ರಮುಖ ಮಾನ್ಯತೆ ಪಡೆದ ಧರ್ಮಗಳಲ್ಲಿ ಒಂದಾಗಿದೆ ಎಂದು ಭಾರತೀಯ ರಾಯಭಾರಿ ಬುರಿಯಾಟಿಯಾದಲ್ಲಿ ಅಂತರರಾಷ್ಟ್ರೀಯ ಬೌದ್ಧ ವೇದಿಕೆಯನ್ನು ಉದ್ದೇಶಿಸಿ ಹೇಳಿದರು. ಮಂಗೋಲಿಯಾ ಮತ್ತು ರಷ್ಯಾದಲ್ಲಿನ ಬೌದ್ಧ ಮಠದ ಹಿರಿಯ ಲಾಮಾ ಪಂಡಿತೋ ಖಂಬೋ ಲಾಮಾ ಅವರ ಸಮ್ಮುಖದಲ್ಲಿ ಪವನ್ ಕಪೂರ್ ತಮ್ಮ ಭಾಷಣವನ್ನು ಮಾಡಿದರು. ಭಾರತ ಮತ್ತು ರಷ್ಯಾ ನಡುವಿನ ಆಧ್ಯಾತ್ಮಿಕ ಸಂಬಂಧಗಳು ಹಲವಾರು ಸಹಸ್ರಮಾನಗಳ ಹಿಂದಿನವು ಎಂದು ಕಪೂರ್ ಇದೇ ವೇಳೆ ಹೇಳಿದ್ದಾರೆ.
“ನಮ್ಮ ಆಧ್ಯಾತ್ಮಿಕ ಇತಿಹಾಸವನ್ನು ಬೌದ್ಧಧರ್ಮದ ಎಳೆಗಳೊಂದಿಗೆ ಹೆಣೆಯಲಾಗಿದೆ, ಇದು ನಮ್ಮ ಸಾಂಸ್ಕೃತಿಕ ಸಂಬಂಧಗಳ ಅವಿಭಾಜ್ಯ ಅಂಗವಾಗಲು ಭೌಗೋಳಿಕ ಗಡಿಗಳನ್ನು ಮೀರಿದೆ. ಈ ಸಮ್ಮೇಳನದಲ್ಲಿ ನಾವು ವಿವಿಧ ವಿಷಯಗಳ ಕುರಿತು ಚರ್ಚಿಸುತ್ತಿರುವಾಗ, ಬೌದ್ಧಧರ್ಮದ ಇಂಡೋ-ಹಿಮಾಲಯನ್ ರೂಪ ಮತ್ತು ರಷ್ಯಾದಲ್ಲಿ ಅನುಸರಿಸಿದ ಬೌದ್ಧಧರ್ಮದ ನಡುವಿನ ಪ್ರಾಚೀನ ಸಂಪರ್ಕಗಳನ್ನು ಅನ್ವೇಷಿಸುವುದು ಅತ್ಯಗತ್ಯ. ನಮ್ಮ ಆಧ್ಯಾತ್ಮಿಕ ಬೇರುಗಳ ಹೆಣೆದುಕೊಂಡಿರುವುದನ್ನು ಭಾರತದಿಂದ ಟಿಬೆಟ್ ಮತ್ತು ಅದರಾಚೆಗೆ ಬೌದ್ಧಧರ್ಮದ ಪ್ರಸರಣದಲ್ಲಿ ಗುರುತಿಸಬಹುದು."ಎಂದು ಅವರು ಹೇಳಿದರು.
ಭಾರತದಲ್ಲಿ ಬೌದ್ಧ ಧರ್ಮದ ಚೈತನ್ಯವನ್ನು ಬೆಳೆಸಲು ದೇಶದ ಸರ್ಕಾರವು ಹಲವಾರು ವರ್ಷಗಳಿಂದ ಮಹತ್ವದ ಉಪಕ್ರಮಗಳನ್ನು ಕೈಗೊಂಡಿದೆ ಎಂದು ಭಾರತೀಯ ರಾಯಭಾರಿ ಹೇಳಿದರು. "ಇವುಗಳಲ್ಲಿ ಒಂದಾದ 'ಬೌದ್ಧ ಪ್ರವಾಸೋದ್ಯಮ ಸರ್ಕ್ಯೂಟ್' ಸ್ಥಾಪನೆಯಾಗಿದೆ, ಇದು ಬುದ್ಧನ ಜೀವನದೊಂದಿಗೆ ಸಂಬಂಧಿಸಿದ ಭಾರತದ ಪ್ರಮುಖ ಬೌದ್ಧ ಪರಂಪರೆಯ ಯಾತ್ರಾ ಸ್ಥಳಗಳನ್ನು ಸಂಪರ್ಕಿಸುತ್ತದೆ" ಎಂದು ಅವರು ಹೇಳಿದರು.
'ಸಿದ್ಧಾರ್ಥ್ ಗೌತಮನ ಜನ್ಮಸ್ಥಳವಾದ ನೇಪಾಳದ ಲುಂಬಿನಿಯಲ್ಲಿಯೂ ಒಂದು ಅನನ್ಯ ಮತ್ತು ಐತಿಹಾಸಿಕ ಯೋಜನೆ ಬರಲಿದೆ. 2022ರ ಮೇ 16 ರಂದು, ಬುದ್ಧ ಜಯಂತಿ ವೆಸಕ್ ದಿನದಂದು, ನೇಪಾಳದ ಪ್ರಧಾನ ಮಂತ್ರಿಯೊಂದಿಗೆ ಭಾರತದ ಪ್ರಧಾನ ಮಂತ್ರಿಗಳು ಲುಂಬಿನಿ ಸನ್ಯಾಸಿಗಳ ವಲಯದಲ್ಲಿ ವಿಶ್ವ ದರ್ಜೆಯ 'ಭಾರತ ಅಂತರರಾಷ್ಟ್ರೀಯ ಬೌದ್ಧ ಸಂಸ್ಕೃತಿ ಮತ್ತು ಪರಂಪರೆ ಕೇಂದ್ರ'ಕ್ಕೆ ಅಡಿಪಾಯ ಹಾಕಿದರು' ಎಂದಿದ್ದಾರೆ. ಇಂಡೋ-ಹಿಮಾಲಯನ್ ಬೌದ್ಧಧರ್ಮ ಮತ್ತು ರಷ್ಯಾದಲ್ಲಿ ಆಚರಣೆಯಲ್ಲಿರುವ ಬೌದ್ಧಧರ್ಮದ ನಡುವಿನ ಬಂಧಗಳು ಗಡಿಗಳನ್ನು ಮೀರಿದ ಆಧ್ಯಾತ್ಮಿಕತೆಯ ನಿರಂತರ ಶಕ್ತಿಗೆ ಸಾಕ್ಷಿಯಾಗಿದೆ ಎಂದು ಕಪೂರ್ ಹೇಳಿದರು.
ಇಸ್ರೋ ಚಂದ್ರಯಾನ-3 ಟೀಮ್‌ನಲ್ಲಿದ್ರು ಜಾಮಿಯಾ ಮಿಲಿಯಾ ವಿವಿಯ ಮೂವರು ಮಾಜಿ ವಿದ್ಯಾರ್ಥಿಗಳು!
ರಷ್ಯಾದಲ್ಲಿ ಭಾರತೀಯ ರಾಯಭಾರಿ ಶುಕ್ರವಾರ ಉಲಾನ್ ಉಡೆಯಲ್ಲಿ ಬುರಿಯಾಟಿಯಾ ಮುಖ್ಯಸ್ಥ ಅಲೆಕ್ಸಿ ತ್ಸೆಡೆನೊವ್ ಅವರೊಂದಿಗೆ ಸಂಸ್ಕೃತಿ, ಪ್ರವಾಸೋದ್ಯಮ ಮತ್ತು ಆರ್ಥಿಕ ಕ್ಷೇತ್ರಗಳಲ್ಲಿ ಅಸ್ತಿತ್ವದಲ್ಲಿರುವ ಮತ್ತು ಸಂಭಾವ್ಯ ಸಹಕಾರದ ಕುರಿತು ಚರ್ಚಿಸಿದರು. ಪವನ್ ಕಪೂರ್ ತಮ್ಮ ಎಕ್ಸ್‌ ಖಾತೆಯಲ್ಲಿ "ಉಲಾನ್ ಉಡೆಯಲ್ಲಿ ಬುರಿಯಾಷಿಯಾದ ಮುಖ್ಯಸ್ಥ ಅಲೆಕ್ಸಿ ತ್ಸೆಡೆನೊವ್ ಅವರನ್ನು ಭೇಟಿಯಾದರು. ಸಂಸ್ಕೃತಿ, ಪ್ರವಾಸೋದ್ಯಮ ಮತ್ತು ಆರ್ಥಿಕ ಕ್ಷೇತ್ರಗಳಲ್ಲಿ ಅಸ್ತಿತ್ವದಲ್ಲಿರುವ ಮತ್ತು ಸಂಭಾವ್ಯ ಸಹಕಾರವನ್ನು ಚರ್ಚಿಸಿದೆವು' ಎಂದು ಬರೆದುಕೊಂಡಿದ್ದಾರೆ. ಅದರೊಂದಿಗೆ ಮೊದಲ ಅಂತರರಾಷ್ಟ್ರೀಯ ಬೌದ್ಧ ವೇದಿಕೆಯನ್ನು ಆಯೋಜಿಸಿದ್ದಕ್ಕಾಗಿ ಪವನ್ ಕೃತಜ್ಞತೆಯನ್ನು ತೋರಿಸಿದರು.
ಇಮ್ರಾನ್‌ ಖಾನ್‌ಗೆ ಅಧಿಕಾರ ನಿರಾಕರಿಸಿದರೆ, ಸೇನಾಧಿಕಾರ ಪಾಕಿಸ್ತಾನಕ್ಕೆ ಅನಿವಾರ್ಯ!