ಫ್ರಾನ್ಸ್‌ನ ಈ ನದಿಯಲ್ಲಿ ನೂರು ವರ್ಷಗಳ ಬಳಿಕ ಸ್ವಿಮ್ಮಿಂಗ್‌ಗೆ ಸಿಕ್ತು ಪರ್ಮೀಷನ್‌!

ಒಂದಲ್ಲ.. ಎರಡಲ್ಲ ಬರೋಬ್ಬರಿ ನೂರು ವರ್ಷಗಳಿಂದ ಫ್ರಾನ್ಸ್‌ ರಾಜಧಾನಿ ಪ್ಯಾರಿಸ್‌ನಲ್ಲಿ ಹರಿಯುವ ಸೀನ್‌ ನದಿಯಲ್ಲಿ ಈಜಾಡುವುದಕ್ಕೆ ನಿಷೇಧವಿತ್ತು. ಇದನ್ನು ಕ್ಲೀನ್‌ ಮಾಡಲು ಫ್ರಾನ್ಸ್‌ ಸರ್ಕಾರ ಈವರೆಗೂ ಮಾಡಿದ ವೆಚ್ಚ 1.54 ಬಿಲಿಯನ್‌ ಡಾಲರ್‌ ದಾಟಿದೆ.

ನವದೆಹಲಿ (ಜು.10): ಫ್ರಾನ್ಸ್ ರಾಜಧಾನಿ ಪ್ಯಾರಿಸ್‌ನಲ್ಲಿರುವ ಸೀನ್‌ ನದಿಯಲ್ಲಿ ಸಾರ್ವಜನಿಕರಿಗೆ ಈಜಾಡಲು ಕೊನೆಗೂ ಅವಕಾಶ ಸಿಕ್ಕಿದೆ. 100 ವರ್ಷಗಳ ಹಿಂದೆ ಅಂದರೆ, 1923ರಲ್ಲಿ ಕಳಪೆ ನೀರಿನ ಗುಣಮಟ್ಟದ ಕಾರಣದಿಂದಾಗಿ ಸಾರ್ವಜನಿಕರಿಗೆ ಈಜಾಡುವುದಕ್ಕೆ ನಿಷೇಧ ಹೇರಲಾಗಿತ್ತು. ಇದೀಗ ಪ್ಯಾರಿಸ್ ಮೇಯರ್ ಅನ್ನಿ ಹಿಡಾಲ್ಗೊ ಅವರು ಈ ನಿಷೇಧವನ್ನು 2025 ರಲ್ಲಿ ಸಂಪೂರ್ಣವಾಗಿ ತೆಗೆದುಹಾಕಲಾಗುವುದು ಎಂದು ಹೇಳಿದ್ದಾರೆ. ಆದರೆ, ಇದಕ್ಕೂ ಮೊದಲು, ಒಲಿಂಪಿಕ್ ಕ್ರೀಡಾಕೂಟಕ್ಕೆ ಸಿದ್ಧರಾಗಲು ಈಜುಗಾರರಿಗೆ ಇದೇ ನದಿಯಲ್ಲಿ ಈಜಲು ಅವಕಾಶ ನೀಡಲಾಗುತ್ತದೆ. ಈಜು ಸ್ಪರ್ಧೆಗೆ ಸೂಕ್ತವಾಗಿ ತಯಾರಿ ನಡೆಸಲು ಇದರಿಂದ ಸಾಧ್ಯವಾಗಲಿದೆ ಎಂಬುದು ಇದರ ಉದ್ದೇಶ. ನದಿ ನೀರಿನ ಗುಣಮಟ್ಟವನ್ನು ಸುಧಾರಣೆ ಮಾಡಲು ಮತ್ತು ಪ್ಯಾರಿಸ್‌ ನಗರದ ಒಳಚರಂಡಿ ವ್ಯವಸ್ಥೆಯನ್ನು ಸರಿಪಡಿಸಲು ಪ್ಯಾರಿಸ್‌ ಮಹಾನಗರ ಪಾಲಿಕೆ ಈವರೆಗೂ 1.54 ಶತಕೋಟಿ ಡಾಲರ್‌ ಹಣವನ್ನು ಖರ್ಚು ಮಾಡಿದೆ.

ಮೂರು ಪ್ರದೇಶಗಳಲ್ಲಿ ಮಾತ್ರವೇ ಅನುಮತಿ: 'ಫ್ರಾನ್ಸ್ 24' ವರದಿಯ ಪ್ರಕಾರ, ಸೀನ್‌ ನದಿಯಲ್ಲಿ ಈಜಲು ಮೂರು ಪ್ರದೇಶಗಳಲ್ಲಿ ಮಾತ್ರವೇ ಅವಕಾಶ ಮಾಡಿಕೊಡಲಾಗುತ್ತದೆ ಎಂದು ಮೇಯರ್‌ ತಿಳಿಸಿದ್ದಾರೆ. ಇನ್ನು ಕೆಲವೆಡೆ ಕಾಮಗಾರಿ ನಡೆಯುತ್ತಿದ್ದು, ಪೂರ್ಣಗೊಳ್ಳಲು ಇನ್ನೂ ಸ್ವಲ್ಪ ಸಮಯ ಹಿಡಿಯಲಿದೆ. ಈ ಸೈಟ್‌ಗಳಲ್ಲಿ ಒಂದು ಅದು ಐಫೆಲ್ ಟವರ್‌ಗೆ ಬಹಳ ಹತ್ತಿರದಲ್ಲಿದೆ. ನಗರಾಡಳಿತದ ಹೇಳಿಕೆಯ ಪ್ರಕಾರ. ಈಗ ಸೀನ್‌ ನದಿಯ ನೀರು ಸಾಕಷ್ಟು ಸ್ಪಷ್ಟವಾಗಿದೆ. ಅದಕ್ಕೆ ಎಕ್ಸಲೆಂಟ್ ಕೆಟಗರಿ ವಾಟರ್ ಎಂಬ ಪ್ರಮಾಣಪತ್ರವೂ ಸಿಕ್ಕಿದೆ. ಆದ್ದರಿಂದ, ಈಗ ಇಲ್ಲಿ ಈಜಲು ಜನರು ಯಾವುದೇ ಸಮಸ್ಯೆ ಎದುರಿಸುವುದಿಲ್ಲ ಮತ್ತು ಅವರ ಆರೋಗ್ಯಕ್ಕೆ ಯಾವುದೇ ಹಾನಿಯಾಗುವುದಿಲ್ಲ ಎನ್ನಲಾಗಿದೆ.

ಏನಾಗಿತ್ತು?: ಪ್ಯಾರಿಸ್ ನಗರದ ಹೆಚ್ಚಿನ ಭಾಗದ ಕೊಳಕು ಸೀನ್‌ ನದಿಯಲ್ಲಿ ಕಂಡುಬಂದಿತ್ತು. ಇದನ್ನು ತಡೆಯಲು ತಜ್ಞರ ಸಮಿತಿಯಲ್ಲಿ ಯೋಜನೆ ರೂಪಿಸಲಾಗಿತ್ತು. ಇಡೀ ನಗರದ ಒಳಚರಂಡಿ ವ್ಯವಸ್ಥೆಯನ್ನು ಅತ್ಯಂತ ಆಧುನಿಕ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಇದಕ್ಕಾಗಿ ನೀರು ಸಂಸ್ಕರಣಾ ಘಟಕಗಳನ್ನು ಸ್ಥಾಪನೆ ಮಾಡಲಾಗಿದೆ ಮತ್ತು ಸುಮಾರು 23,000 ಅಪಾರ್ಟ್‌ಮೆಂಟ್‌ಗಳನ್ನು ಈ ಸ್ಥಾವರಗಳಿಗೆ ಸಂಪರ್ಕಿಸಲಾಗಿದೆ ಇದರಿಂದ ಅವುಗಳ ಕೊಳಕು ನೀರು ಸೀನ್‌  ನದಿಯಲ್ಲಿ ಬೆರೆಯುವುದಿಲ್ಲ.

ಇನ್ನು ಈ ನದಿಯಲ್ಲಿ ಇರುತ್ತಿದ್ದ ಹೌಸ್‌ಬೋಟ್‌ಗಳು ಕೂಡ ಸಮಸ್ಯೆ ಸೃಷ್ಟಿಸಿದ್ದವು. ಅಂದಾಜು 260 ಹೌಸ್‌ ಬೋಟ್‌ಗಳು ಈ ನದಿಯಲ್ಲಿತ್ತು. ಅವುಗಳ ಕೊಳಚೆ ನೀರು ಕೂಡ ನದಿಗೆ ಸೇರುತ್ತಿತ್ತು. ಹೀಗಾಗಿ ಅವರಿಗಾಗಿಯೇ ಆಡಳಿತ ಪ್ರತ್ಯೇಕ ಯೋಜನೆ ರೂಪಿಸಿತ್ತು. ಈಗ ಈ ದೋಣಿಗಳೂ ಓಡುತ್ತಿದ್ದು, ಇವುಗಳ ತ್ಯಾಜ್ಯ ನದಿಗೆ ಹೋಗುತ್ತಿಲ್ಲ.

ಸೆಕ್ಸ್‌ ಮಾಡುವಾಗ ಹೃದಯಾಘಾತದಿಂದ ರೋಗಿ ಸಾವು; ನರ್ಸ್‌ಗೆ ಆಸ್ಪತ್ರೆ ಶಿಕ್ಷೆ ಕೊಟ್ಟಿದ್ದೇಕೆ?

ಒಲಿಂಪಿಕ್ ಕ್ರೀಡಾಕೂಟದ ಸಮಯದಲ್ಲಿ ಸೀನ್‌ ನದಿಯಲ್ಲಿ ಕೆಲವು ಕಾರ್ಯಕ್ರಮಗಳು ನಡೆಯಲಿವೆ. 123 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಈ ನದಿಯಲ್ಲಿ ಯಾವುದೇ ರೀತಿಯ ಬಹು ರಾಷ್ಟ್ರೀಯ ಸ್ವಿಮ್ಮಿಂಗ್‌ ಇವೆಂಟ್‌ಗಳು ನಡೆಯಲಿದೆ.

ಆಸ್ತಿಗಾಗಿ ಬಿಹಾರದಲ್ಲಿ ಭೀಕರ ಕ್ರೌರ್ಯ, ಮಹಿಳೆಯ ಸ್ತನಗಳ ಕೊಯ್ದು, ಕಣ್ಣು ಕಿತ್ತು ಕೊಲೆ!

ಮಾಧ್ಯಮದೊಂದಿಗಿನ ಸಂವಾದದಲ್ಲಿ ಮಾತನಾಡಿರುವ ಮೇಯರ್‌ ಅನ್ನಿ, ಸೀನ್‌ ನದಿಯಲ್ಲಿ ಜನರು ಮತ್ತೆ ಮೋಜು ಮಾಡುವುದನ್ನು ನೋಡುವುದು ನಮ್ಮ ಕನಸಾಗಿತ್ತು. ಇದಕ್ಕಾಗಿ ಸಾಕಷ್ಟು, ಶ್ರಮ, ಹಣ ಖರ್ಚು ಮಾಡಿದ್ದೇವೆ. ಆದರೆ, ಈಗ ಕನಸು ನನಸಾಗಿದೆ. ನಾವೆಲ್ಲರೂ ಒಟ್ಟಾಗಿ ಈ ಕನಸನ್ನು ನನಸಾಗಿಸಿಕೊಂಡಿದ್ದೇವೆ. ಒಲಿಂಪಿಕ್ಸ್‌ಗೆ ಒಂದು ವರ್ಷಕ್ಕಿಂತ ಕಡಿಮೆ ಸಮಯ ಉಳಿದಿದ್ದು, ಅದಕ್ಕೂ ಮೊದಲು ಉಳಿದ ಕಾರ್ಯಗಳನ್ನೂ ಕೂಡ ಮುಗಿಸಲಾಗಿವುದು ಎಂದು ನಗರಾಡಳಿತ ಹೇಳಿಕೊಂಡಿದೆ.