Reliance Invest In Dunzo ಬೆಂಗಳೂರಿನ ಡೆಲಿವರಿ ಸ್ಟಾರ್ಟ್ಅಪ್‌ನ ಶೇ.25.8 ಪಾಲು ಖರೀದಿಸಿದ ರಿಲಯನ್ಸ್!

ಡಂಜೋನಲ್ಲಿ ರಿಲಯನ್ಸ್ 200 ಮಿಲಿಯನ್ ಡಾಲರ್ ಹೂಡಿಕೆ  ತ್ವರಿತ ವಾಣಿಜ್ಯ ವ್ಯವಹಾರಗಳನ್ನು ವಿಸ್ತರಿಸಲು ಬಂಡವಾಳ ಹೂಡಿಕೆ ಸ್ರಾಮ್ರಾಜ್ಯ ವಿಸ್ತರಿಸಿದ ರಿಲಯನ್ಸ್, ಇತರ ನಗರ, ಪಟ್ಟಣಕ್ಕೆ ಡಂಜೋ ವಿಸ್ತರಣೆ

ಮುಂಬೈ(ಜ.07): ಬೆಂಗಳೂರು(Bengaluru) ಮೂಲದ ಡೆಲಿವರಿ ಸ್ಟಾರ್ಟ್ಆಪ್ ಕಂಪನಿ ಡಂಜೋ( Dunzo) ಭಾರಿ ಯಶಸ್ಸು ಸಾಧಿಸಿದೆ. ಅತ್ಯಲ್ಪ ಕಾಲದಲ್ಲಿ ಅತೀ ಹೆಚ್ಚು ವ್ಯವಹಾರ ನಡೆಸಿದ ಸ್ಟಾರ್ಟ್ಅಪ್ ಕಂಪನಿಯಾಗಿ ಡಂಜೋ ಬೆಳೆದು ನಿಂತಿದೆ. ಇದೀಗ ಇದೇ ಡಂಜೋನ ಶೇಕಡಾ 25.8 ರಷ್ಟು ಪಾಲನ್ನು ರಿಲಯನ್ಸ್(Reliance Retail) ಖರೀದಿಸಿದೆ. ಹೌದು, ಡಂಜೋನಲ್ಲಿ ರಿಲಯನ್ಸ್ ಬರೋಬ್ಬರಿ 200 ಮಿಲಿಯನ್ ಡಾಲರ್ ಹೂಡಿಕೆ ಮಾಡುತ್ತಿದೆ. 

ಭಾರತದ ಪ್ರಮುಖ ತ್ವರಿತ ವಾಣಿಜ್ಯ ಸಂಸ್ಥೆ Dunzo (ಡಂಜೊ)ತನ್ನ ಇತ್ತೀಚಿನ ನಿಧಿ ಸಂಗ್ರಹ ಕಾರ್ಯದಲ್ಲಿ 240 ಮಿಲಿಯನ್ ಯುಎಸ್ ಡಾಲರ್ ಸಂಗ್ರಹಿಸಿದೆ.  ಅಸ್ತಿತ್ವದಲ್ಲಿರುವ ಹೂಡಿಕೆದಾರರಾದ ಲೈಟ್‌ಬಾಕ್ಸ್, ಲೈಟ್‌ಟ್ರಾಕ್, 3L ಕ್ಯಾಪಿಟಲ್ ಮತ್ತು ಆಲ್ಟೇರಿಯಾ ಕ್ಯಾಪಿಟಲ್‌ಗಳ ಭಾಗವಹಿಸುವಿಕೆಯೊಂದಿಗೆ ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್ ("ರಿಲಯನ್ಸ್ ರಿಟೇಲ್") ಈ ಹೂಡಿಕೆಯನ್ನು(Investment) ಮುನ್ನಡೆಸಿದೆ. ಯುಎಸ್ ಡಾಲರ್ 200 ಮಿಲಿಯನ್ ಹೂಡಿಕೆಯೊಂದಿಗೆ, ರಿಲಯನ್ಸ್ ರಿಟೇಲ್ 25.8% ಪಾಲನ್ನು(Stake) ಖರೀದಿಸಿದೆ.  ಈ ರೌಂಡ್ ನಲ್ಲಿ  Dunzo ಸಾಮರ್ಥ್ಯ ಮತ್ತು ಅಸಾಧಾರಣ ಬಳಕೆದಾರ ಅನುಭವವನ್ನು ಸೃಷ್ಟಿಸುವಲ್ಲಿ ಅಸ್ತಿತ್ವದಲ್ಲಿರುವ ಮತ್ತು ಹೊಸ ಹೂಡಿಕೆದಾರರ ವಿಶ್ವಾಸದ ಮರುಸ್ಥಾಪನೆ ಮಾಡಲಿದೆ.  ಭಾರತೀಯ ನಗರಗಳ ಸ್ಥಳೀಯ ವ್ಯಾಪಾರಿಗಳಿಗೆ ಲಾಜಿಸ್ಟಿಕ್ಸ್  ಸಕ್ರಿಯಗೊಳಿಸಲು ಅದರ B2B ವ್ಯಾಪಾರವನ್ನು ಲಂಬವಾಗಿ ವಿಸ್ತರಿಸುವುದರ ಜೊತೆಗೆ ಮೈಕ್ರೋ ವೇರ್‌ಹೌಸ್‌ಗಳ ಜಾಲದಿಂದ ಅಗತ್ಯ ವಸ್ತುಗಳ ತ್ವರಿತ ವಿತರಣೆಯನ್ನು ಸಕ್ರಿಯಗೊಳಿಸುವ ಗುರಿ ಹೊಂದಿದೆ. ಈ ಮೂಲಕ, ದೇಶದಲ್ಲಿ ಅತಿ ದೊಡ್ಡ ತ್ವರಿತ ವಾಣಿಜ್ಯ ವ್ಯವಹಾರವಾಗಿ Dunzo  ದೂರದೃಷ್ಟಿಯನ್ನು ಮತ್ತಷ್ಟು ಹೆಚ್ಚಿಸಲು ಈ ಬಂಡವಾಳವನ್ನು ಬಳಸಲಾಗುತ್ತದೆ.

Dunzo ಭಾರತದಲ್ಲಿ ತ್ವರಿತ ವಾಣಿಜ್ಯ ವಿಭಾಗದ ಮಾರುಕಟ್ಟೆಯಲ್ಲಿ ನಾಯಕನಾಗಿ ತನ್ನನ್ನು ತಾನು ಸ್ಥಾಪಿಸಿಕೊಂಡಿದೆ.  ಇದು US$50+ ಬಿಲಿಯನ್‌ ಮೌಲ್ಯದ ಮಾರುಕಟ್ಟೆ ಅವಕಾಶಗಳನ್ನು ಹೊಂದಿದೆ.  ಪ್ರಸ್ತುತ Dunzo ಭಾರತದಲ್ಲಿ 7 ಮೆಟ್ರೋ ನಗರಗಳಲ್ಲಿ ಲಭ್ಯವಿದೆ ಮತ್ತು ಹೆಚ್ಚುವರಿ ಬಂಡವಾಳವನ್ನು 15 ನಗರಗಳಿಗೆ ತ್ವರಿತ ವಾಣಿಜ್ಯ ವ್ಯವಹಾರವನ್ನು ವಿಸ್ತರಿಸಲು  ಬಳಸಲು ನಿರ್ಧರಿಸಿದೆ. Dunzo ಈ ವರ್ಷದ ಆರಂಭದಲ್ಲಿ ಬೆಂಗಳೂರಿನಲ್ಲಿ ತನ್ನ ತ್ವರಿತ ವಿತರಣಾ ಮಾದರಿ 'ಡಂಜೊ ಡೈಲಿ' ಅನ್ನು ಪ್ರಾರಂಭಿಸಿದೆ, ಇದು ವಾರದಿಂದ ವಾರಕ್ಕೆ ಶೇಕಡ 20ರಷ್ಟು ಬೆಳವಣಿಗೆಯನ್ನು ಕಾಣುತ್ತಿದೆ.  ಡಂಜೊ ಡೈಲಿ ಮಾದರಿಯು ದೈನಂದಿನ ಮತ್ತು ಸಾಪ್ತಾಹಿಕ ಅಗತ್ಯಗಳನ್ನು 15-20 ನಿಮಿಷಗಳಲ್ಲಿ ತಲುಪಿಸುತ್ತದೆ, ಉತ್ತಮ ಗುಣಮಟ್ಟದ ಹಣ್ಣುಗಳು ಮತ್ತು ತರಕಾರಿಗಳನ್ನು ಒದಗಿಸುವುದರ ಮೇಲೆ ಹೆಚ್ಚು ಗಮನ ಕೇಂದ್ರೀಕರಿಸುತ್ತದೆ.

ಈ ಮೊತ್ತದ ಜೊತೆಗೆ, ಡಂಜೊ ಮತ್ತು ರಿಲಯನ್ಸ್ ರಿಟೇಲ್ ಕೆಲವು ವ್ಯಾಪಾರ ಪಾಲುದಾರಿಕೆಗೂ ಕಾಲಿಟ್ಟಿದೆ. Dunzo ರಿಲಯನ್ಸ್ ರಿಟೇಲ್‌ನಿಂದ ನಿರ್ವಹಿಸಲ್ಪಡುವ ಚಿಲ್ಲರೆ ಅಂಗಡಿಗಳು ಹೈಪರ್‌ಲೋಕಲ್ ಲಾಜಿಸ್ಟಿಕ್ಸ್ ಅನ್ನು ಸಕ್ರಿಯಗೊಳಿಸುತ್ತದೆ, ರಿಲಯನ್ಸ್ ರೀಟೇಲ್‌ನ ಓಮ್ನಿ-ಚಾನೆಲ್ ಸಾಮರ್ಥ್ಯಗಳನ್ನು ಮತ್ತಷ್ಟು ಹೆಚ್ಚಿಸುತ್ತದೆ. JioMart ನ ಮರ್ಚೆಂಟ್ ನೆಟ್‌ವರ್ಕ್‌ಗಾಗಿ ದೂರದ ಡೆಲಿವರಿಗಳನ್ನು ಕೂಡ Dunzo ಸುಗಮಗೊಳಿಸುತ್ತದೆ.

ನಾವು ಆನ್‌ಲೈನ್‌ ಬಳಕೆಯ ಮಾದರಿಗಳಲ್ಲಿ ಬದಲಾವಣೆಯನ್ನು ನೋಡುತ್ತಿದ್ದೇವೆ ಮತ್ತು ಡಂಜೊ ತನ್ನ ಕಾರ್ಯಕ್ಷೇತ್ರದಲ್ಲಿ ವಿಸ್ತರಿಸಿರುವ ಪರಿಯನ್ನು   ಕಂಡು ಹೆಚ್ಚು ಪ್ರಭಾವಿತರಾಗಿದ್ದೇವೆ.  Dunzo ಭಾರತದಲ್ಲಿ ತ್ವರಿತ ವಾಣಿಜ್ಯದ ಪ್ರವರ್ತಕರಾಗಿದ್ದಾರೆ ಮತ್ತು ದೇಶದಲ್ಲಿ ಪ್ರಮುಖ ಸ್ಥಳೀಯ ವಾಣಿಜ್ಯ ವ್ಯವಹಾರಗಳನ್ನು ಸಕ್ರಿಯಗೊಳಿಸುವ ಮಹತ್ವಾಕಾಂಕ್ಷೆಗಳನ್ನು ಹೆಚ್ಚಿಸಲು ನಾವು ಅವರನ್ನು ಬೆಂಬಲಿಸಲು ಬಯಸುತ್ತೇವೆ.  Dunzo ಜೊತೆಗಿನ ನಮ್ಮ ಪಾಲುದಾರಿಕೆಯ ಮೂಲಕ, ನಾವು ರಿಲಯನ್ಸ್ ರೀಟೇಲ್‌ನ ಗ್ರಾಹಕರಿಗೆ ಹೆಚ್ಚಿನ ಅನುಕೂಲತೆಯನ್ನು ಒದಗಿಸಲು ಮತ್ತು ರಿಲಯನ್ಸ್ ರೀಟೇಲ್ ಸ್ಟೋರ್‌ಗಳಿಂದ ಉತ್ಪನ್ನಗಳ ತ್ವರಿತ ವಿತರಣೆಯ ಮೂಲಕ ಗ್ರಾಹಕರಿಗೆ ವಿಭಿನ್ನ ಅನುಭವವನ್ನು ಒದಗಿಸಲು ಸಾಧ್ಯವಾಗುತ್ತದೆ.  ನಮ್ಮ ವ್ಯಾಪಾರಿಗಳು ಜಿಯೋ ಮಾರ್ಟ್ ಮೂಲಕ ತಮ್ಮ ವ್ಯವಹಾರವನ್ನು ಆನ್‌ಲೈನ್‌ನಲ್ಲಿ ನಡೆಸುವಾಗ ಅವರ ಬೆಳವಣಿಗೆಯನ್ನು ಬೆಂಬಲಿಸಲು ಡಂಜೊದ ಹೈಪರ್‌ಲೋಕಲ್ ಡೆಲಿವರಿ ನೆಟ್‌ವರ್ಕ್‌ಗೆ ಪ್ರವೇಶವನ್ನು ಪಡೆಯುತ್ತಾರೆ ಎಂದು ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್‌ನ ನಿರ್ದೇಶಕಿ ಇಶಾ ಅಂಬಾನಿ ಹೇಳಿದ್ದಾರೆ.

ನಾವು ಆರಂಭದಿಂದಲೂ ಸಾಟಿಯಿಲ್ಲದ ಗ್ರಾಹಕ ಅನುಭವವನ್ನು ಒದಗಿಸುವತ್ತ ಗಮನಹರಿಸಿದ್ದೇವೆ ಮತ್ತು ಈ ಮೊತ್ತ ನಮ್ಮ ವಿಧಾನವನ್ನು ಪ್ರತಿಧ್ವನಿಸುವ ಮೌಲ್ಯೀಕರಣವಾಗಿದೆ.  ಕಳೆದ ಮೂರು ವರ್ಷಗಳಲ್ಲಿ ಈ ಹಂತಕ್ಕೆ ತಲುಪಲು ದಣಿವರಿವಿಲ್ಲದೆ ಕಾರ್ಯನಿರ್ವಹಿಸಿದ ನನ್ನ ತಂಡದ ಬಗ್ಗೆ ಹೆಮ್ಮೆಪಡುತ್ತೇನೆ ಮತ್ತು ನಮ್ಮ ಹೂಡಿಕೆದಾರರ ನಿರಂತರ ಬೆಂಬಲಕ್ಕಾಗಿ ಕೃತಜ್ಞನಾಗಿದ್ದೇನೆ.  ರಿಲಯನ್ಸ್ ರಿಟೇಲ್‌ನಿಂದ ಈ ಹೂಡಿಕೆಯೊಂದಿಗೆ, ನಾವು ದೀರ್ಘಾವಧಿಯ ಪಾಲುದಾರರನ್ನು ಪಡೆದಿದ್ದೇವೆ. ಅವರೊಂದಿಗೆ ನಮ್ಮ ಬೆಳವಣಿಗೆಯನ್ನು ವೇಗಗೊಳಿಸಬಹುದು ಮತ್ತು ಭಾರತೀಯರು ತಮ್ಮ ದೈನಂದಿನ ಮತ್ತು ಸಾಪ್ತಾಹಿಕ ಅಗತ್ಯಗಳಿಗಾಗಿ ಹೇಗೆ ಶಾಪಿಂಗ್ ಮಾಡುತ್ತಾರೆ ಎಂಬುದನ್ನು ಮರು ವ್ಯಾಖ್ಯಾನಿಸಬಹುದು.  ಡಂಜೊ ಡೈಲಿ ಸಾಧನೆ ಮತ್ತು ವೇಗದಿಂದ ನಾವು ಉತ್ಸುಕರಾಗಿದ್ದೇವೆ ಮತ್ತು ಮುಂದಿನ 3 ವರ್ಷಗಳಲ್ಲಿ, ನಾವು ದೇಶದಲ್ಲಿ ಅತ್ಯಂತ ವಿಶ್ವಾಸಾರ್ಹ ತ್ವರಿತ ವಾಣಿಜ್ಯ ಪೂರೈಕೆದಾರರಲ್ಲಿ ಒಬ್ಬರಾಗಿ ನಮ್ಮನ್ನು ಸ್ಥಾಪಿಸುವ ಗುರಿಯನ್ನು ಹೊಂದಿದ್ದೇವೆ ಎಂದು Dunzo ಮುಖ್ಯ ಕಾರ್ಯನಿರ್ವಾಹಣಧಿಕಾರಿ ಮತ್ತು ಸಹ-ಸಂಸ್ಥಾಪಕರಾದ ಕಬೀರ್ ಬಿಸ್ವಾಸ್ ಹೇಳಿದ್ದಾರೆ.