ವಿಶಾಲ ಸಹರಾ ಮರುಭೂಮಿಯಲ್ಲಿ ರಣಮಳೆಗೆ ಕಾರಣವೇನು? ಮುನಿಸಿಕೊಂಡಿದ್ಯಾ ಪ್ರಕೃತಿ? ಕಾದಿದ್ಯಾ ಆಪತ್ತು?

ಸಹರಾದಂತಹ ಮರುಭೂಮಿಯೇ ಪ್ರವಾಹಕ್ಕೆ ಸಾಕ್ಷಿಯಾಗಿದೆ. ಮೊರೊಕ್ಕೊ ದೇಶದಲ್ಲಿ ಸುರಿದ ಮಳೆಗೆ ಮರಳುಗಾಡಿನಲ್ಲಿಯೂ ನೀರು ನಿಂತಿದೆ. ಇದೇ ಸಹರಾ ಮರುಭೂಮಿ ಕುರಿತಾಗಿ ಅಮೆರಿಕಾದ ಬಾಹ್ಯಾಕಾಶ ಸಂಸ್ಥೆ ನಾಸಾ ಒಂದು ವಿಚಾರ ಹೊರಹಾಕಿತ್ತು. ಆ ವಿಚಾರ ಆತಂಕದ ಜೊತೆಗೆ ಅಚ್ಚರಿಗೂ ಕಾರಣವಾಗಿತ್ತು. ಈಗ ಪ್ರವಾಹಕ್ಕೆ ಸಾಕ್ಷಿಯಾಗಿರುವ ಸಹರಾ ಮರುಭೂಮಿ, ಹಿಂದೊಮ್ಮೆ ಹಿಮಪಾತವನ್ನೂ ಕಂಡಿತ್ತು. ಅಷ್ಟೇ ಅಲ್ಲಾ ಈಗ ಜಗತ್ತಿನ ದೊಡ್ಡ ಮರುಭೂಮಿ ಅನ್ನಿಸಿಕೊಳ್ಳುವ ಸಹರಾ ಹಿಂದೊಮ್ಮೆ ಹಚ್ಚ ಹಸಿರಿನ ತಾಣವಾಗಿತ್ತು ಅನ್ನೋದು ಕೆಲ ವಿಜ್ಞಾನಿಗಳ ವಾದ. ಹಾಗಿದ್ರೆ, ಮರಳುಗಾಡಿನಲ್ಲಿ ಅಂದು ಹಿಮಪಾತವಾಗಿದ್ದೇಕೆ?