ಡೇಂಜರ್‌ ಡೆಂಘಿ 2, ಮನೆಯಲ್ಲಿ ಮುಂಜಾಗ್ರತಾ ಕ್ರಮ ಹೇಗಿರಬೇಕು.? ವೈದ್ಯರ ಮಾತು

ಬೆಂಗಳೂರು (ಸೆ. 20): ಒಂದೆಡೆ ಕೊರೋನಾ 3 ನೇ ಅಲೆ ಭೀತಿಯಲ್ಲಿದ್ದರೆ ಇನ್ನೊಂದೆಡೆ ಅಪಾಯಕಾರಿ ಮಾದರಿಯ ಡೆಂಘೀ ಜ್ವರ ಪತ್ತೆಯಾಗಿದೆ. ಕರ್ನಾಟಕ, ಆಂಧ್ರಪ್ರದೇಶ, ಗುಜರಾತ್‌, ಮಧ್ಯಪ್ರದೇಶ, ಕೇರಳ, ಉತ್ತರಪ್ರದೇಶ, ಮಹಾರಾಷ್ಟ್ರ, ಒಡಿಶಾ, ರಾಜಸ್ಥಾನ, ತಮಿಳುನಾಡು, ತೆಲಂಗಾಣ ರಾಜ್ಯಗಳಲ್ಲಿ ಹೊಸ ಮಾದರಿಯ ಡೆಂಘೀ ಪತ್ತೆಯಾಗಿದೆ.

'ಇದು ತಾಜಾ ನೀರಿನಲ್ಲಿ ಮೊಟ್ಟೆ ಇಡುವ ಸೊಳ್ಳೆ. ಮನೆಯ ಮುಂದೆ ಹೂವಿನ ಕುಂಡ, ನೀರಿನ ತೊಟ್ಟಿಯಲ್ಲಿನ ನೀರನ್ನು ಖಾಲಿ ಮಾಡಿ. ಈ ಸೊಳ್ಳೆ ಹಗಲು ಹೊತ್ತು ಕಚ್ಚುತ್ತದೆ. ಸೆರೋ​ಟೈಪ್‌-2 ಡೆಂಘೀ ತಗು​ಲಿ​ದರೆ ಅತಿ​ಯಾದ ತಲೆ​ನೋವು, ಜ್ವರ, ವಾಂತಿ, ಆಯಾಸ, ಆಂತ​ರಿ​ಕ ರಕ್ತ​ಸ್ರಾವ ಆಗುವ ಭೀತಿ ಇರು​ತ್ತದೆ' ಎಂದು ತಜ್ಞ ವೈದ್ಯ ಡಾ,. ಆಂಜನಪ್ಪ ಸಲಹೆ ನೀಡಿದ್ದಾರೆ.