Sandalwood: ಗಂಧದಗುಡಿ ಕಡೆ ತಿರುಗಿದ ಭಾರತೀಯ ಚಿತ್ರರಂಗ: ಕನ್ನಡದ ಸಕ್ಸಸ್ ಸಿನಿಮಾಗಳ ಪಟ್ಟಿ ಕೊಟ್ಟ ಬಾಲಿವುಡ್
ಬಾಲಿವುಡ್ ಮಂದಿ ಈ ವರ್ಷ ಕನ್ನಡ ಸಿನಿಮಾರಂಗದ ಒಟ್ಟು ಕಲೆಕ್ಷನ್ ರಿಪೋರ್ಟ್ ಪಟ್ಟಿಯನ್ನು ಕೊಟ್ಟಿದ್ದಾರೆ. ಆ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರೋ ಕೆಜಿಎಫ್ ಚಾಪ್ಟರ್-2.
ಕೆಜಿಎಫ್-2 ಭಾರತೀಯ ಚಿತ್ರರಂಗದಲ್ಲಿ ರೆಕಾರ್ಡ್ ಮಾಡಿದ ಸಿನಿಮಾ. 150 ಕೋಟಿಯಲ್ಲಿ ಸಿದ್ಧವಾಗಿದ್ದ ಈ ಸಿನಿಮಾ, 1,250 ಕೋಟಿ ಕಲೆಕ್ಷನ್ ಮಾಡಿದೆ. 1,000 ಕೋಟಿಗೂ ಹೆಚ್ಚು ಗಳಿಸಿದ ಮೊದಲ ಕನ್ನಡ ಸಿನಿಮಾ ಅನ್ನೋ ಹೆಗ್ಗಳಿಕೆ ಕೆಜಿಎಫ್-2ಗೆ ಸಿಕ್ಕಿದೆ. ಅಷ್ಟೆ ಅಲ್ಲ ಈ ವರ್ಷ ಭಾರತೀಯ ಚಿತ್ರರಂಗದಲ್ಲೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಮೊದಲ ಸಿನಿಮಾ ಕೆಜಿಎಫ್-2 ಅನ್ನೋ ಹೆಗ್ಗಳಿಕೆ ಕೂಡ ಈ ಸಿನಿಮಾಗಿದೆ. ಇನ್ನು 2022ರಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಕನ್ನಡ ಸಿನಿಮಾ ಲೀಸ್ಟ್ ನಲ್ಲಿ ಕಾಂತಾರ ಕೂಡ ಇದೆ. ಬರೀ 16 ಕೋಟಿ ವೆಚ್ಚದಲ್ಲಿ ಸಿದ್ಧವಾಗಿದ್ದ ಕಾಂತಾರ, ಬರೋಬ್ಬರಿ 450 ಕೋಟಿ ವರ್ಲ್ಡ್ ವೈಡ್ ಕಲೆಕ್ಷನ್ ಮಾಡಿದೆ. ಕಡಿಮೆ ಬೆಜೆಟ್'ನಲ್ಲಿ ಸಿದ್ಧವಾದ ಸಿನಿಮಾ ಈ ಮಟ್ಟಕ್ಕೆ ಕಲೆಕ್ಷನ್ ಮಾಡಿದ್ದು ಇದೇ ಮೊದಲು ಅನ್ನೋ ಕೀರ್ತಿಗೂ ಕಾಂತಾರ ಕಾರಣ ಆಗಿದೆ. ಇನ್ನುಳಿದಂತೆ ರಕ್ಷಿತ್ ಶೆಟ್ಟಿಯ 777 ಚಾರ್ಲಿ ಸಿನಿಮಾ 40 ಕೋಟಿಯಲ್ಲಿ ನಿರ್ಮಾಣ ಆಗಿತ್ತು. ಇದರ ಒಟ್ಟು ಕಲೆಕ್ಷನ್ 150 ಕೋಟಿ. ಜೇಮ್ಸ್ ಸಿನಿಮಾ 45 ಕೋಟಿಯಲ್ಲಿ ಸಿದ್ಧವಾಗಿತ್ತು ಇದರ ಒಟ್ಟು ಕಲೆಕ್ಷನ್ 160 ಕೋಟಿ. 70 ಕೋಟಿಯಲ್ಲಿ ಸಿದ್ಧವಾಗಿದ್ದ ಕಿಚ್ಚನ ವಿಕ್ರಾಂತ್ ರೋಣ ಸಿನಿಮಾ 125 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಈ ಎಲ್ಲಾ ಸಿನಿಮಾಗಳು 100 ಕೋಟಿ ಕ್ಲಬ್ ಸೇರಿದ್ರೆ, ಆ ಸಿನಿಮಾಗ ಹಿಂದೆ ಗಾಳಿಪಟ-2, ಗಂಧದಗುಡಿ ಸಿನಿಮಾಗಳು 50 ಕೋಟಿ ಕ್ಲಬ್ ಸೇರಿವೆ. ಈ ಮೂಲಕ ಈ ವರ್ಷ ಭಾರತೀಯ ಬಾಕ್ಸಾಫೀಸ್ ನಲ್ಲಿ ಕನ್ನಡ ಸಿನಿಮಾಗಳದ್ದೇ ಮೇಲುಗೈ ಅಂತ ಇಡೀ ಸಿನಿಮಾ ಜಗತ್ತು ಹೇಳಿದೆ.
