ದುನಿಯಾ ವಿಜಯ್ ಭೀಮನಿಗೆ ಸಂಗೀತದ ಬಲ: ಹೇಗಿದೆ ಗೊತ್ತಾ 'ಬ್ಯಾಡ್ ಬಾಯ್ಸ್ ಆನ್ ದಿ ಸ್ಟ್ರೀಟ್' ಸಾಂಗ್‌

ಸ್ಯಾಂಡಲ್‌ವುಡ್‌ನ ಬ್ಲ್ಯಾಕ್‌ಕೋಬ್ರಾ ದುನಿಯಾ ವಿಜಯ್ ಅಭಿನಯದ ಭೀಮ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದೆ. ಒಂದ್ ಒಳ್ಳೆ ಸ್ಟಾರ್ ಕಾಸ್ಟ್ ಇಟ್ಟುಕೊಂಡು ದುನಿಯಾ ವಿಜಯ್ ಸಿನಿಮಾ ಮಾಡಿದ್ದಾರೆ. ಬಹು ಕೋಟಿ ವೆಚ್ಚದ ಭೀಮ ಸಿನಿಮಾವನ್ನ ದುನಿಯಾ ವಿಜಯ್ ಡೈರೆಕ್ಟ್ ಕೂಡ ಮಾಡಿದ್ದಾರೆ. ಟಗರು ಚಿತ್ರ ಖ್ಯಾತಿಯ ಸಂಗೀತ ನಿರ್ದೇಶಕ ಚರಣ್ ರಾಜ್ ಈ ಚಿತ್ರಕ್ಕೂ ಸಂಗೀತ ಕೊಟ್ಟಿದ್ದಾರೆ. ಕೊನೆಯ ಹಂತದ ಎಲ್ಲ ಕೆಲಸ ಮುಗಿಸಿರೋ ದುನಿಯಾ ವಿಜಯ್ ಇದೀಗ ಭೀಮನಿಗೆ ಸಂಗೀತದ ಬಲ ಕೊಡಲು ಸಜ್ಜಾಗಿದ್ದಾರೆ. ಚರಣ್ ಸ್ಟುಡಿಯೋದಲ್ಲಿಯೇ ಈ ಒಂದು ಕೆಲಸ ಶುರು ಆಗಿದೆ. ಈಗಾಗಲೇ ಈ ಕೆಲಸದ ಒಂದು ಸಣ್ಣ ಝಲಕ್ ಕೊಡುವ ವಿಡಿಯೋ ಕೂಡ ರಿಲೀಸ್ ಆಗಿದೆ. ಇದರಲ್ಲಿ 'ಬ್ಯಾಡ್ ಬಾಯ್ಸ್ ಆನ್ ದಿ ಸ್ಟ್ರೀಟ್' ಅನ್ನುವ ಹಾಡು ಕಂಪೋಸ್ ಮಾಡ್ತಿರೋದು ಕಂಡು ಬರುತ್ತದೆ. ಇನ್ನುಳಿದಂತೆ ಸದ್ಯ ಭೀಮ ಸಿನಿಮಾ ಹಲವು ವಿಷಯಗಳೊಂದಿಗೆ ನಿರೀಕ್ಷೆ ಹುಟ್ಟಿಸಿದೆ. ಈ ಮೂಲಕ ಬ್ಯಾಗ್ ಗ್ರೌಂಡ್ ಸಂಗೀತದಿಂದಲೂ ಹೆಚ್ಚು ಗಮನ ಸೆಳೆಯೋ ರೀತಿ ಕಾಣಿಸುತ್ತಿದೆ ಅಂತಲೂ ಹೇಳಬಹುದು. ಈಗಾಗಲೇ ಈ ಸಿನಿಮಾ ಪೋಸ್ಟರ್‌ನಿಂದಲೇ ಹೆಚ್ಚು ಕುತೂಹಲ ಮೂಡಿಸಿದೆ.