‘ಒಂದೇ ಒಂದು ಸಲ’ ಹಾಡು-ಪಾಡು; 20 ವರ್ಷಗಳ ಹಿಂದೆ ಹೋದ್ರಾ ನಟ ದರ್ಶನ್?

ದಿ ಡೆವಿಲ್ ಸಿನಿಮಾದ ಮೊದಲ ಸಾಂಗ್ ಇದ್ರೆ ನೆಮ್ಮದಿಯಾಗ್ ಇರ್ಬೇಕ್ ದಾಸನ ಅಭಿಮಾನಿಗಳನ್ನ ಹುಚ್ಚೆದ್ದು ಕುಣಿಸಿತ್ತು. ಇದೀಗ ಡೆವಿಲ್ ಎರಡನೇ ಹಾಡು ರಿಲೀಸ್ ಆಗಿದೆ. ದರ್ಶನ್-ರಚನಾ ಕ್ಯೂಟ್ ಕೆಮೆಸ್ಟ್ರಿ ಇರೋ ಈ ರೊಮ್ಯಾಂಟಿಕ್​ನ ಸಾಂಗ್​ನ ಮೋಡಿ ಹೇಗಿದೆ ನೋಡೋಣ ಬನ್ನಿ.

ದಿ ಡೆವಿಲ್ ಮೂವಿಯ ಎರಡನೇ ಹಾಡು ‘ಒಂದೇ ಒಂದು ಸಲ’ ಲಿರಿಕಲ್ ಸಾಂಗ್ ರಿಲೀಸ್ ಆಗಿದೆ. ಅಜನೀಶ್ ಲೋಕನಾಥ್ ಮ್ಯೂಸಿಕ್, ಪ್ರಮೋದ್ ಮರವಂತೆ ಲಿರಿಕ್ಸ್ ಇರುವ ಈ ಮೆಲೋಡಿ ರೊಮ್ಯಾಂಟಿಕ್ ಸಾಂಗ್ ಕೇಳುಗರಿಗೆ ಮೋಡಿ ಮಾಡುವಂತಿದೆ.

ಈ ಮೆಲೋಡಿ ನಂಬರ್ ಕೇಳೋದಕ್ಕೆ ಎಷ್ಟು ಸೊಗಸಾಗಿದೆಯೋ ಕಣ್ಣಿಗೂ ಅಷ್ಟೇ ಹಿತವಾಗಿದೆ. ಥೈಲ್ಯಾಂಡ್​ನಲ್ಲಿ ಹಾಡನ್ನ ಚಿತ್ರಿಸಿದ್ದು ನಾಯಕಿ ರಚನಾ ರೈ ಸಖತ್ ಬೋಲ್ಡ್ ಅವತಾರದಲ್ಲಿ ಮಿಂಚಿದ್ದಾರೆ.

ಈ ಹಾಡಲ್ಲಿ ದರ್ಶನ್​ನ ನೋಡ್ತಾ ಇದ್ರೆ 20 ವರ್ಷಗಳ ಹಿಂದಿನ ದರ್ಶನ್ ಲುಕ್ ನೆನಪಾಗುತ್ತೆ. ದರ್ಶನ್ ಕಾಸ್ಟೂಮ್ಸ್ ಕೂಡ ಸಖತ್ ಸ್ಟೈಲಿಶ್ ಆಗಿವೆ. ಇತ್ತೀಚಿಗೆ ದರ್ಶನ್ ಇಂಥಾ ಕೂಲ್ ಲುಕ್​ ಕಾಣಿಸಿಕೊಂಡೇ ಇರಲಿಲ್ಲ.

ದಿ ಡೆವಿಲ್ ಮೂವಿಗೆ ಸುಧಾಕರ್ ರಾಜ್ ಸಿನಿಮಾಟೋಗ್ರಫಿ ಇದ್ರೆ, ಪ್ರಕಾಶ್ ವೀರ್ ಚಿತ್ರದ ನಿರ್ದೇಶಕ. ಡಿಸೆಂಬರ್ 12ಕ್ಕೆ ಸಿನಿಮಾ ತೆರೆಗೆ ಬರಲಿದ್ದು ಎರಡನೇ ಹಾಡಿನ ಮೂಲಕ ಸದ್ಯ ಸದ್ದು ಮಾಡ್ತಾ ಇದೆ. ಹೆಚ್ಚಿನ ಮಾಹಿತಿಗೆ ವಿಡಿಯೋ ನೋಡಿ...