ಮೆಟ್ಟಿಲ ಕೆಳಗೆ ಜಾಗವಿದೆ ಎಂದು ಅದನ್ನು ಈ ರೀತಿಯಲ್ಲಿ ಬಳಸಿಕೊಂಡರೆ ವಾಸ್ತು ದೋಷಗಳು ಉಂಟಾಗುತ್ತವೆ. ಅದರಿಂದ ಕುಟುಂಬದಲ್ಲಿ ಸಂತೋಷ ಮತ್ತು ಸಮೃದ್ಧಿ ನಷ್ಟವಾಗುತ್ತದೆ. ಮೆಟ್ಟಿಲ ಕೆಳಗಿನ ಜಾಗವನ್ನು ಹೇಗೆಲ್ಲ ಬಳಸಬಾರದು ಗೊತ್ತಾ?
ವಾಸ್ತು ಶಾಸ್ತ್ರದ ಪ್ರಕಾರ, ಮೆಟ್ಟಿಲುಗಳ ಕೆಳಗೆ ಕೆಲವು ರೀತಿಯ ಕೋಣೆಗಳನ್ನು ಮಾಡುವುದು ಅಶುಭವೆಂದು ಪರಿಗಣಿಸಲಾಗಿದೆ. ಇದು ಕುಟುಂಬದಲ್ಲಿ ಸಂತೋಷ ಮತ್ತು ಸಮೃದ್ಧಿಯನ್ನು ಕಳೆದುಕೊಳ್ಳಲು ಕಾರಣವಾಗಬಹುದು ಎಂದು ನಂಬಲಾಗಿದೆ. ಇದಕ್ಕಾಗಿ ಮೆಟ್ಟಿಲುಗಳ ಕೆಳಗೆ ಏನು ಮಾಡಬಾರದು ಎಂಬುದನ್ನು ನೆನಪಿನಲ್ಲಿಡಿ.
ಮೆಟ್ಟಿಲಿನ ದಿಕ್ಕು
ನೀವು ಮನೆಯನ್ನು ನಿರ್ಮಿಸುತ್ತಿದ್ದರೆ ಅಥವಾ ಖರೀದಿಸುತ್ತಿದ್ದರೆ, ಏಣಿಯ ದಿಕ್ಕನ್ನು ನೆನಪಿನಲ್ಲಿಡಿ. ವಾಸ್ತು ಶಾಸ್ತ್ರದಲ್ಲಿ, ಮೆಟ್ಟಿಲುಗಳ ದಿಕ್ಕು ಬಹಳ ಮುಖ್ಯವಾಗಿದೆ. ಏಕೆಂದರೆ ಅದು ನಿಮ್ಮ ಮನೆಯಲ್ಲಿ ಧನಾತ್ಮಕತೆಯನ್ನು ಉಂಟು ಮಾಡಬಹುದು ಅಥವಾ ಕಳೆಯಬಹುದು. ಮನೆಯ ನೈಋತ್ಯ ದಿಕ್ಕಿನಲ್ಲಿ ಮೆಟ್ಟಿಲನ್ನು ನಿರ್ಮಿಸಬೇಕು.
ಈ ಕೋಣೆಗಳ ನಿರ್ಮಾಣ ಬೇಡ
ಮನೆ ಕಟ್ಟುವಾಗ ಜಾಗವನ್ನು ಉಳಿಸಲು ಅನೇಕ ಜನರು ಮೆಟ್ಟಿಲುಗಳ ಕೆಳಗೆ ಪೂಜಾ ಕೋಣೆ, ಅಡುಗೆ ಕೋಣೆ ಅಥವಾ ಸ್ನಾನಗೃಹವನ್ನು ಮಾಡುತ್ತಾರೆ. ಆದರೆ ವಾಸ್ತು ಶಾಸ್ತ್ರದ ಪ್ರಕಾರ ಇವನ್ನೆಲ್ಲ ಮೆಟ್ಟಿಲುಗಳ ಕೆಳಗೆ ನಿರ್ಮಿಸಬಾರದು. ಮೆಟ್ಟಿಲುಗಳ ಕೆಳಗೆ ದೈನಂದಿನ ಬಳಕೆಯ ಕೊಠಡಿಗಳನ್ನು ಮಾಡಬೇಡಿ. ಆದರೂ ಸ್ಟೋರ್ ರೂಂಗಳಂತಹ ಕೊಠಡಿಗಳನ್ನು ಮಾಡಬಹುದು. ಇದು ದಿನನಿತ್ಯದ ಬಳಕೆಯಲ್ಲಿರುವುದಿಲ್ಲದ ಕಾರಣ ತೊಂದರೆ ಇಲ್ಲ.
ಬೆಲೆ ಬಾಳುವ ವಸ್ತು ಇರಿಸಬೇಡಿ
ಮೆಟ್ಟಿಲುಗಳ ಕೆಳಗೆ, ಬೂಟುಗಳು ಅಥವಾ ಚಪ್ಪಲಿಗಳನ್ನು ಇರಿಸಲು ವಾರ್ಡ್ರೋಬ್ ಅಥವಾ ಆಭರಣ, ಹಣವನ್ನು ಇರಿಸಿಕೊಳ್ಳಲು, ಯಾವುದೇ ಬೆಲೆ ಬಾಳುವ ವಸ್ತುಗಳನ್ನು ಇರಿಸಲು ವ್ಯವಸ್ಥೆ ಮಾಡಬಾರದು. ಈ ಕಾರಣದಿಂದಾಗಿ ನೀವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸಬೇಕಾಗಬಹುದು.
ಮೆಟ್ಟಿಲುಗಳ ಕೆಳಗೆ ಯಾವುದೇ ನಲ್ಲಿ ಸೋರಿಕೆಯಾಗದಂತೆ ವಿಶೇಷ ಕಾಳಜಿ ವಹಿಸಿ. ಮೆಟ್ಟಿಲುಗಳ ಕೆಳಗೆ ಟ್ಯಾಪ್ ಅನ್ನು ಸ್ಥಾಪಿಸುವಲ್ಲಿ ಯಾವುದೇ ಸಮಸ್ಯೆ ಇಲ್ಲದಿದ್ದರೂ, ಅದು ಸೋರಿಕೆಯಾಗದಂತೆ ನೋಡಿಕೊಳ್ಳಿ. ನೀವು ಪ್ರತಿದಿನ ನಿಮ್ಮ ಮನೆಯ ಮೆಟ್ಟಿಲು ಅಥವಾ ಏಣಿಯನ್ನು ಒರೆಸಬೇಕು ಮತ್ತು ಅದರ ಕೆಳಗೆ ಡಸ್ಟ್‌ಬಿನ್ ಹಾಕಬೇಡಿ. ಡಸ್ಟ್‌ಬಿನ್‌ನಲ್ಲಿ ರೋಗಾಣುಗಳು, ಸೊಳ್ಳೆಗಳು, ಕೀಟಗಳು ಇರುತ್ತವೆ. ಇದು ಮನೆಯಲ್ಲಿ ನಕಾರಾತ್ಮಕತೆಯನ್ನು ತರುತ್ತದೆ.
ಬೆಳಕಿರಲಿ
ನಿಮ್ಮ ಮನೆಯ ಮೆಟ್ಟಿಲುಗಳ ಮೇಲೆ ದೀಪವನ್ನು ಹಾಕಲು ಮರೆಯದಿರಿ. ಇಲ್ಲಿ ಕತ್ತಲು ತುಂಬಲು ಬಿಡಬಾರದು. ಹಾಗಂಥ ಬೆಳಕು ತುಂಬಾ ಪ್ರಕಾಶಮಾನವಾಗಿರದಂತೆ ಎಚ್ಚರಿಕೆ ವಹಿಸಿ. ಬೆಳಕು ಶಾಂತ ಮತ್ತು ಹಗುರವಾಗಿ ಇರಬೇಕು.
ಮನೆಯ ಮೆಟ್ಟಿಲುಗಳು ಅಡುಗೆ ಕೋಣೆ, ಪೂಜಾ ಕೊಠಡಿ ಅಥವಾ ಸ್ಟೋರ್ ರೂಂನ ಬಾಗಿಲಿನಿಂದ ಪ್ರಾರಂಭವಾಗಬಾರದು ಅಥವಾ ಕೊನೆಗೊಳ್ಳಬಾರದು. ಮನೆಯ ಪ್ರವೇಶ ದ್ವಾರದ ಬಳಿ ಮೆಟ್ಟಿಲು ಪ್ರಾರಂಭವಾಗಬೇಕು ಎಂಬುದನ್ನು ನೆನಪಿಡಿ.
Budh Pradosh Vratದಂದು ಈ ಕೆಲಸ ಮಾಡುವುದರಿಂದ ಜಾತಕದಲ್ಲಿ ಬಲವಾಗುತ್ತಾನೆ ಬುಧ
ವಾಸ್ತು ತತ್ವಗಳ ಪ್ರಕಾರ, ಮೆಟ್ಟಿಲುಗಳ ಗೋಡೆಗಳ ಮೇಲೆ ಕುಟುಂಬದ ಭಾವಚಿತ್ರಗಳನ್ನು ಪ್ರದರ್ಶಿಸಬಾರದು. ಏಕೆಂದರೆ ಅವು ಕುಟುಂಬ ಸದಸ್ಯರ ನಡುವೆ ಸಂಘರ್ಷವನ್ನು ಉಂಟು ಮಾಡಬಹುದು ಮತ್ತು ಅವರ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಹೂವುಗಳು, ಸೊಂಪಾದ ಸಸ್ಯಗಳು, ಪರ್ವತಗಳು ಅಥವಾ ಅಮೂರ್ತ ಕಲೆಗಳ ದೃಶ್ಯಗಳನ್ನು ಮೆಟ್ಟಿಲುಗಳ ಗೋಡೆಯನ್ನು ಅಲಂಕರಿಸಲು ಬಳಸಬಹುದು.
ಕಾರಂಜಿ ಅಥವಾ ಅಕ್ವೇರಿಯಂ ಅನ್ನು ಎಂದಿಗೂ ಮೆಟ್ಟಿಲುಗಳ ಕೆಳಗೆ ಇಡಬಾರದು.
ವಾಸ್ತು ಪ್ರಕಾರ, ಮೆಟ್ಟಿಲುಗಳ ಮುಂದೆ ಅಥವಾ ಕೆಳಗೆ ಕನ್ನಡಿಯನ್ನು ನೇತು ಹಾಕುವುದು ದುರದೃಷ್ಟ ತರುತ್ತದೆ. ಪ್ರತಿಬಿಂಬವು ಆಸ್ತಿಗೆ ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ.
ದಿನ ಭವಿಷ್ಯ, ವಾರ ಭವಿಷ್ಯ, ನಿಮ್ಮ ರಾಶಿ ವಿಶೇಷ, ದಿನ ವಿಶೇಷ, ಹಬ್ಬ ಹರಿದಿನಗಳು, ಸಂಪ್ರದಾಯ ಆಚರಣೆಗಳು, ಅವುಗಳ ವೈಜ್ಞಾನಿಕ ಹಿನ್ನೆಲೆ, ಪುರಾಣ ಪುಣ್ಯ ಕತೆಗಳು, ವಾಸ್ತು ಕುರಿತು ಹೆಚ್ಚಿನ ಮಾಹಿತಿ ಪಡೆಯಲು ಸುವರ್ಣ ನ್ಯೂಸ್ ಜ್ಯೋತಿಷ್ಯ ವಿಭಾಗವನ್ನು ತಪ್ಪದೇ ನೋಡುತ್ತಿರಿ.