ಮತ್ತೊಂದು ಬಿಗ್‌ಬಾಸ್‌ ಆರಂಭ ದಿನಾಂಕ ಘೋಷಣೆ, ಹೊಸ ನಿರೂಪಕನ ಸಂಭಾವನೆ ಎಪಿಸೋಡ್ ಗೆ 60 ಲಕ್ಷ ರೂ!

ದಕ್ಷಿಣ ಭಾರತದಲ್ಲಿ ಮತ್ತೊಂದು ಬಿಗ್ ಬಾಸ್ ಸೀಸನ್ ಆರಂಭವಾಗಲಿದೆ. ವಿಜಯ್ ಟಿವಿಯಲ್ಲಿ ಪ್ರಸಾರವಾಗುವ ಬಿಗ್ ಬಾಸ್ ಸೀಸನ್ 8 ಅಕ್ಟೋಬರ್ 6 ರಿಂದ ಆರಂಭವಾಗಲಿದೆ. ಈ ಬಾರಿ ನಟ ವಿಜಯ್ ಸೇತುಪತಿ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ.

ಟಿಆರ್‌ಪಿಯಲ್ಲಿ ಬೇರೆ ರಿಯಾಲಿಟಿ ಶೋಗಳಿಗೆ ಪೈಪೋಟಿ ನೀಡುವ ಬಿಗ್ ಬಾಸ್ ಶೋ ಭಾರತಾದ್ಯಂತ ಒಂದೊಂದೇ ಭಾಷೆಯಲ್ಲಿ ಆರಂಭವಾಗುತ್ತಿದೆ. ತೆಲುಗು ಬಿಗ್‌ಬಾಸ್‌ ನಡೆಯುತ್ತಿದೆ. ಕನ್ನಡ ಬಿಗ್‌ಬಾಸ್‌ ಗೆ ಇನ್ನು ಕೆಲವೇ ದಿನ ಬಾಕಿ ಇದೆ. ಇದೆಲ್ಲದರ ನಡುವೆ ದಕ್ಷಿಣದಲ್ಲಿ ಮತ್ತೊಂದು ಭಾಷೆಯ ಬಿಗ್‌ಬಾಸ್‌ ಆರಂಭಕ್ಕೆ ದಿನಾಂಕ ಘೋಷಣೆಯಾಗಿದೆ.   ವಿಜಯ್ ಟಿವಿಯಲ್ಲಿ  ಆರಂಭವಾಗುತ್ತಿರುವ ಬಿಗ್‌ಬಾಸ್‌ ಸೀಸನ್ 8ಕ್ಕೆ ದಿನಾಂಕ ಘೋಷಣೆಯಾಗಿದೆ. ಇದೇ ಅಕ್ಟೋಬರ್ 6ರಂದು ಅದ್ದೂರಿಯಾಗಿ ಆರಂಭವಾಗುತ್ತಿದೆ. 2017 ರಲ್ಲಿ ಶುರುವಾದ ಬಿಗ್ ಬಾಸ್ ನ 7 ಸೀಸನ್‌ಗಳನ್ನು ನಡೆಸಿಕೊಟ್ಟಿದ್ದು  ನಾಯಕನ್ ಕಮಲ್ ಹಾಸನ್. 

ಬಿಗ್ ಬಾಸ್‌ಗೆ ಸಿಕ್ಕ ಜನಪ್ರಿಯತೆ ನೋಡಿ, ಹಾಟ್ ಸ್ಟಾರ್ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ, ಮೊದಲಿನ ಬಿಗ್ ಬಾಸ್ ಸ್ಪರ್ಧಿಗಳನ್ನೇ ಇಟ್ಕೊಂಡು ಬಿಗ್ ಬಾಸ್ ಒಟಿಟಿ ಶೋನೂ 2022 ರಲ್ಲಿ ನಡೆಯಿತು.  ಈ ಶೋಗೂ ಒಳ್ಳೆ ರೆಸ್ಪಾನ್ಸ್ ಸಿಕ್ಕಿದ್ರೂ, ನಂತರ ಜನಗಳಿಗೆ ಬೋರ್ ಅನಿಸ್ತು.  ಹೀಗಾಗಿ ಬಿಗ್ ಬಾಸ್ ಒಟಿಟಿ ನಿರೂಪಣೆಯಿಂದ ಕಮಲ್ ಹಾಸನ್ ಹಿಂದೆ ಸರಿದರು. ಅವರ ಜಾಗಕ್ಕೆ ನಟ ಸಿಂಬು ಬಂದ್ರು.

ಇತ್ತೀಚೆಗೆ, ಉಲಗ ನಾಯಕನ್ ಕಮಲ್ ಹಾಸನ್ ಬಿಗ್ ಬಾಸ್ ಸೀಸನ್ 8 ನಿಂದ ಹೊರಗೆ ಬರ್ತಿದ್ದಾರೆ ಅಂತ ಘೋಷಿಸಿ ಎಲ್ಲರಿಗೂ ಶಾಕ್ ಕೊಟ್ರು. ಸಿನಿಮಾ ಕೆಲಸಗಳಿಂದ ಬಿಗ್ ಬಾಸ್ ಬಿಡ್ತಿದ್ದಾರೆ ಅಂತ ಹೇಳಿದ್ರೂ, ಅಮೆರಿಕಕ್ಕೆ ಹೋಗಿ ಎಐ ಟೆಕ್ನಾಲಜಿ ಬಗ್ಗೆ ಓದೋಕೆ ಅವರು ಪ್ಲಾನ್ ಮಾಡ್ಕೊಂಡಿದ್ದಾರೆ ಅನ್ನೋದು ನಿಜವಾದ ಕಾರಣ ಅಂತ ಗೊತ್ತಾಗಿದೆ. ಕಮಲ್ ಹೊರಬಂದ ನಂತರ, ಬಿಗ್ ಬಾಸ್ ಸೀಸನ್ 8 ನಡೆಸಿ ಕೊಡೋದು ಯಾರು ಅನ್ನೋ ಪ್ರಶ್ನೆ ಬಂತು. ನಯನತಾರಾ, ಸೂರ್ಯ, ಸಿಂಬು, ರಾಧಿಕಾ, ಶರತ್ ಕುಮಾರ್ ಹೀಗೆ ಹಲವು ಜನಗಳ ಹೆಸರು ಕೇಳಿಬಂತು. 

ಕೊನೆಗೆ ನಟ ವಿಜಯ್ ಸೇತುಪತಿ ಬಿಗ್ ಬಾಸ್ ಸೀಸನ್ 8 ನಡೆಸಿಕೊಡೋದು ಪಕ್ಕಾ ಆಯ್ತು. ಈ ಬಗ್ಗೆ ಬಂದ ಪ್ರೋಮೋಗಳು ಜನರಿಗೆ ತುಂಬ ಇಷ್ಟ ಆಗಿದ್ರೂ, ಶೋ ಯಾವಾಗ ಶುರು ಅನ್ನೋದು ಈವರೆಗೂ ಗೊತ್ತಿರಲಿಲ್ಲ. ಈಗ ವಿಜಯ್ ಸೇತುಪತಿ ಇರೋ ಹೊಸ ಪ್ರೋಮೋ ರಿಲೀಸ್ ಆಗಿದೆ. ಅದರಲ್ಲಿ ಬಿಗ್ ಬಾಸ್ ಸೀಸನ್ 8 ಅಕ್ಟೋಬರ್ 6 ರಿಂದ ಶುರು ಅಂತ ಹೇಳಲಾಗಿದೆ. ಯಾರ್ಯಾರು ಈ ಸಲ ಬಿಗ್ ಬಾಸ್ ಮನೆ ಸೇರ್ತಾರೆ ಅನ್ನೋ ಕುತೂಹಲ ಎಲ್ಲರಲ್ಲೂ ಇದೆ. ಈಗಾಗಲೇ ಕೆಲವು ಹೆಸರುಗಳು ಗಾಳಿ ಸುದ್ದಿ ರೂಪದಲ್ಲಿ ಹರಿದಾಡ್ತಿದೆ. ವಿಜಯ್ ಸೇತುಪತಿ  ಒಂದು  ಶೋ ನಡೆಸಿ ಕೊಡೋಕೆ 60 ಲಕ್ಷ ಸಂಭಾವನೆ ಪಡೆಯುತ್ತಿದ್ದಾರೆ ಅನ್ನೋ ಸುದ್ದಿಯೂ ಇದೆ.

ಕಮಲ್ ಹಾಸನ್ ಬಿಗ್ ಬಾಸ್ ಕಾರ್ಯಕ್ರಮವನ್ನು ನಿರೂಪಣೆ ಮಾಡಲು ಕಳೆದ ಸೀಸನ್‌ನಲ್ಲಿ 120 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದರು. ಕಮಲ್‌ಗೆ ಹೋಲಿಸಿದರೆ ವಿಜಯ್ ಸೇತುಪತಿಗೆ ಕಡಿಮೆ ಸಂಭಾವನೆ ನೀಡಲಾಗುತ್ತಿದೆ ಎನ್ನಲಾಗಿದೆ. ಇಂಟರ್ನೆಟ್‌ನಲ್ಲಿ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ವಿಜಯ್ ಸೇತುಪತಿಗೆ ಸೀಸನ್‌ ಗೆ 50 ಕೋಟಿ ರೂಪಾಯಿಗೂ ಹೆಚ್ಚು ಸಂಭಾವನೆ ನೀಡಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ. ನಟ ವಿಜಯ್ ಸೇತುಪತಿ ಸಿನಿಮಾದಲ್ಲಿ ನಾಯಕನಾಗಿ ನಟಿಸಲು 35 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಈ ಸೀಸನ್‌ನಲ್ಲಿ ಶಾಲಿನ್ ಸೋಯಾ, ಧಾರಾವಾಹಿ ನಟ ಅರುಣ್, ನಿರ್ಮಾಪಕ ರವೀಂದರ್, ನಿರೂಪಕ ದೀಪಕ್ ಸೇರಿದಂತೆ ಹಲವು ಗಣ್ಯರು ಸ್ಪರ್ಧಿಗಳಾಗಿ ಭಾಗವಹಿಸಲಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.