ಬಿಗ್‌ಬಾಸ್ ಸೀಸನ್ 8 ಕೊನೆಯ ಹಂತ ಬಂದೇ ಬಿಡ್ತಾ!

ಕೊನೆ ಅಂತ್ಯಕ್ಕೆ ಬರುತ್ತಿದೆ ಎರಡನೇ ಇನ್ನಿಂಗ್ಸ್. ಯಾವ ವಾರ ಯಾರು ಎಲಿಮಿನೇಟ್ ಆಗುತ್ತಾರೆ?

ಬಿಗ್‌ಬಾಸ್ ಸೀಸನ್ 8 ನ ಸೆಕೆಂಡ್ ಇನ್ನಿಂಗ್‌ಸ್ ಆರಂಭವಾಗಿ ಮುಂದಿನವಾರಕ್ಕೆ ಒಂದು ತಿಂಗಳಾಗುತ್ತೆ. ಕೋವಿಡ್ ಲಾಕ್‌ಡೌನ್ ಕಾರಣಕ್ಕೆ ಅರ್ಧಕ್ಕೆ ನಿಂತಿದ್ದ ಬಿಗ್‌ಬಾಸ್ ಸೀಸನ್ 8ಅನ್ನು ಸೆಕೆಂಡ್ ಇನ್ನಿಂಗ್‌ಸ್ನಲ್ಲಿ ಮರು ಆರಂಭಿಸುವಾಗಲೇ ಇನ್ನೊಂದು ತಿಂಗಳು ಈ ಶೋ ನಡೆಯಲಿದೆ ಎಂಬ ಮಾತು ಸುದೀಪ್ ಬಾಯಿಂದ ಬಂದಿತ್ತು. ಆ ಒಂದು ತಿಂಗಳಿಗೆ ಇನ್ನೊಂದೇ ವಾರ ಬಾಕಿ ಇದೆ. ಆದರೆ ಇನ್ನೂ ಆಟ ಮುಗಿಯುವ ಸೂಚನೆ ಸಿಕ್ಕಿಲ್ಲ. ಈ ವಾರ ಬಿಗ್ ಬಾಸ್ ಮನೆಯಿಂದ ಒಬ್ಬ ಸ್ಪರ್ಧಿ ಹೊರನಡೆದು 9 ಜನ ಉಳಿದುಕೊಂಡಿದ್ದಾರೆ.

ಹೀಗಾಗಿ ಬಿಗ್‌ಬಾಸ್ ಮುಕ್ತಾಯ ಮುಂದಕ್ಕೆ ಹೋಗೋದು ಖಚಿತ. ಅಂದರೆ ಮೊದಲು ಹೇಳಿದಂತೆ ಬಿಗ್‌ಬಾಸ್ ಈ ತಿಂಗಳೊಳಗೆ ಮುಗಿಯದೇ ಇನ್ನೂ ಕೆಲವು ವಾರಗಳ ಕಾಲ ನಡೆಯಬಹುದು. ಇಷ್ಟಾಗಿಯೂ ಮುಂದಿನವಾರ ಡಬಲ್ ಎಲಿಮಿಶೇನ್ ನಡೆಯಬಹುದು ಎಂಬ ಮಾತೂ ಕೇಳಿಬರುತ್ತಿದೆ.

ಲಾಕ್‌ಡೌನ್‌ಗೂ ಮೊದಲೇ ಈ ಬಿಗ್‌ಬಾಸ್ ಶೋ 72 ದಿನಗಳ ಕಾಲ ನಡೆದಿತ್ತು. ಸೆಕೆಂಡ್ ಇನ್ನಿಂಗ್‌ಸ್ 1 ತಿಂಗಳ ಕಾಲ ನಡೆಯಲಿದೆ ಎನ್ನಲಾಗಿತ್ತು. ಈ ಹಿನ್ನೆಲೆಯಲ್ಲಿ ಕಲರ್ಸ್ ಕನ್ನಡ ವಾಹಿನಿಯ ಬ್ಯುಸಿನೆಸ್ ಹೆಡ್ ಪರಮೇಶ್ವರ ಗುಂಡ್ಕಲ್ ಅವರನ್ನು ಸಂಪರ್ಕಿಸಿದರೆ, ಈ ಬಗ್ಗೆ ಶೀಘ್ರದಲ್ಲೇ ವಿವರ ನೀಡಲಾಗುವುದು ಎಂದಿದ್ದಾರೆ.