ಬಿಗ್ ಬಾಸ್ ರಿಯಾಲಿಟಿ ಶೋ ಹೊಸ ಲೋಗೋ ಬಿಡುಗಡೆ! ನಿರೂಪಕರೂ ಬಹಿರಂಗ!

ಬಿಗ್ ಬಾಸ್ ಸೀಸನ್ 7ರ ಲೋಗೋ ಬಿಡುಗಡೆಯಾಗಿದೆ. ಮೋಹನ್‌ಲಾಲ್ ನಿರೂಪಣೆ ಮುಂದುವರಿಯುವುದು ಖಚಿತ. ಕಣ್ಣು ಮತ್ತು ಕ್ಯಾಮೆರಾ ಲೆನ್ಸ್‌ನ್ನು ಹೋಲುವ ವಿನ್ಯಾಸ, ಚೈತನ್ಯ ಮತ್ತು ಕ್ರಿಯಾಶೀಲತೆ ಸೂಚಿಸುತ್ತದೆ. ಏಷ್ಯಾನೆಟ್ ಹೆಚ್ಚು ಆಧುನಿಕ ವಿನ್ಯಾಸ ರೂಪಿಸಿದೆ. ಭಾಗವಹಿಸುವವರ ಕುರಿತು ಕುತೂಹಲ ಮುಂದುವರೆದಿದೆ.

ಕಳೆದ ವರ್ಷದ ಬಿಗ್ ಬಾಸ್ ಸೀಸನ್ ಎಲ್ಲ ಭಾಷೆಗಳಲ್ಲಿಯೂ ಮುಕ್ತಾಯವಾಗಿದೆ. ಇದೀಗ ಹೊಸದಾಗಿ 2025ನೇ ಸಾಲಿನ ಬಿಗ್ ಬಾಸ್ ಸೀಸನ್‌ಗಳು ಐದಾರು ಭಾಷೆಗಳಲ್ಲಿ ತೆರೆಗೆ ಬರಲು ವೇದಿಕೆಗಳು ಸಿದ್ಧವಾಗುತ್ತಿವೆ. ಇದೀಗ ದಕ್ಷಿಣ ಭಾರತದ ಒಂದು ಭಾಷೆಯಲ್ಲಿ ಬಿಗ್ ಬಾಸ್ ಶೋ ಪ್ರದರ್ಶನಕ್ಕೆ ವೇದಿಕೆ ಸಿದ್ಧವಾಗುತ್ತಿದೆ. ಇದೀಗ ಅದಕ್ಕೆ ಸಂಬಂಧಪಟ್ಟಂತೆ ಲೋಗೀ ಕೂಡ ಬಿಡುಗಡೆ ಆಗಿದೆ.

ಹೌದು, ಇದೀಗ ದಕ್ಷಿಣ ಭಾರತದ ಮಲೆಯಾಳಂ ಅಭಿಮಾನಿಗಳ ಕುತೂಹಲಕ್ಕೆ ತೆರೆ ಎಳೆಯಲಾಗುತ್ತಿದೆ. ಬಿಗ್ ಬಾಸ್ ಸೀಸನ್ 7 ರ ಲೋಗೋವನ್ನು ಏಷ್ಯಾನೆಟ್ ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಎಡ ಭಾಗದಲ್ಲಿ ಬಿಗ್ ಬಾಸ್ ನಿರೂಪಕ ಮೋಹನ್‌ಲಾಲ್ ಅವರನ್ನು ಸೂಚಿಸುವ 'L' ಮತ್ತು ಬಲಭಾಗದಲ್ಲಿ ಸೀಸನ್ ಅನ್ನು ಸೂಚಿಸುವ '7' ಅನ್ನು ಸೇರಿಸಿ ಆಕರ್ಷಕವಾಗಿ ಲೋಗೋ ವಿನ್ಯಾಸಗೊಳಿಸಲಾಗಿದೆ. ಮೋಹನ್‌ಲಾಲ್ ಬದಲಾಗುತ್ತಾರೆ ಎಂಬ ವದಂತಿಗಳಿಗೆ ಇದರಿಂದ ತೆರೆ ಬಿದ್ದಿದೆ. ಆದರೆ ಯಾರು ಭಾಗವಹಿಸುತ್ತಾರೆ ಎಂಬುದು ಇನ್ನೂ ಕುತೂಹಲದ ವಿಷಯ.

ಈ ಲೋಗೋ ನಡುವಿನ ವಿನ್ಯಾಸವು ಕಣ್ಣು ಮತ್ತು ಕ್ಯಾಮೆರಾ ಲೆನ್ಸ್ ಎರಡನ್ನೂ ಹೋಲುತ್ತದೆ. ನಿಯಾನ್ ಬಣ್ಣಗಳನ್ನು ಬಳಸಿ ವಿನ್ಯಾಸಗೊಳಿಸಲಾದ ಈ ಲೋಗೋ ಕಾರ್ಯಕ್ರಮದ ಚೈತನ್ಯ ಮತ್ತು ಕ್ರಿಯಾಶೀಲತೆಯನ್ನು ಸೂಚಿಸುತ್ತದೆ. ಕಣ್ಣನ್ನು ಸುತ್ತುವರೆದಿರುವ ರೇಖೆಗಳು ಕಣ್ಣಿನ ಐರಿಸ್ ಅನ್ನು ಹೋಲುತ್ತವೆ. ಇದನ್ನು ಗಮನಿಸಿದರೆ ಕಣ್ಣಿನ ಸುತ್ತ 7 ಚಿಹ್ನೆಗಳಿವೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಬಿಗ್ ಬಾಸ್ ತಂಡ ಇನ್ನೂ ಬಹಿರಂಗಪಡಿಸಿಲ್ಲ. ಆದರೆ ಇದು ಸೀಸನ್‌ನ ಥೀಮ್‌ಗೆ ಸಂಬಂಧಿಸಿದೆ ಎಂದು ಹೇಳಲಾಗಿದೆ.

ಕಾರ್ಯಕ್ರಮ ಮುಂದುವರೆದಂತೆ, ಅದರ ಚೈತನ್ಯ ಮತ್ತು ಕ್ರಿಯಾಶೀಲತೆಯನ್ನು ಹೆಚ್ಚಿಸಲು ಲೋಗೋದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಗಿದೆ ಎಂದು ಏಷ್ಯಾನೆಟ್ ತಂಡ ತಿಳಿಸಿದೆ. ಒಟ್ಟಾರೆಯಾಗಿ ಹೆಚ್ಚು ಆಧುನಿಕ, ಯುವಕರಿಗೆ ಇಷ್ಟವಾಗುವ ಮತ್ತು ಚೈತನ್ಯಶೀಲ ವಿನ್ಯಾಸವನ್ನು ಸೀಸನ್ 7 ಗಾಗಿ ಬಿಗ್ ಬಾಸ್ ತಂಡ ರೂಪಿಸಿದೆ. ಮುಂದಿನ ದಿನಗಳಲ್ಲಿ ಹೆಚ್ಚಿನ ಬಿಗ್ ಬಾಸ್ ಅಪ್ಡೇಟ್‌ಗಳಿಗಾಗಿ ಕಾಯಬಹುದು.

ಬಿಗ್ ಬಾಸ್ 6ನೇ ಸೀಸನ್‌ನ ವಿಜೇತ ಜಿಂಟೋ. ದ್ವಿತೀಯ ಸ್ಥಾನ ಅರ್ಜುನ್‌ಗೆ. ತೃತೀಯ ಸ್ಥಾನ ಜಾಸ್ಮಿನ್‌ಗೆ. ಸಾಯಿ ಕೃಷ್ಣ ಪಣಪೆಟ್ಟಿಗೆಯನ್ನು ಗೆದ್ದರು.