'ಬೀಗ್ ಬಾಸ್' ಮನೆಯಲ್ಲಿ ಲೂಸ್-ಟೈಟ್ ಮಾಡಲು ಎಂಟ್ರಿ ಕೊಟ್ಟ ಪ್ಲಂಬರ್! ಸ್ಪರ್ಧಿಗಳು ಶಾಕ್...
ಸಾರಾಂಶ
ಬೀಗ್ಬಾಸ್ ಮನೆಯಲ್ಲಿ ಪ್ಲಂಬರ್ ಎಂಟ್ರಿಯಾಗಿದೆ. ಇದರಿಂದ ಸ್ಪರ್ಧಿಗಳು ಶಾಕ್ ಆಗಿದ್ದಾರೆ. ಅಸಲಿಗೆ ಏನಿದು ಆಟ?
ಬಿಗ್ಬಾಸ್ ಕನ್ನಡ ಸಕತ್ ಸದ್ದು ಮಾಡುತ್ತಿದೆ. ವಿಭಿನ್ನ ಟಾಸ್ಕ್ಗಳ ಜೊತೆಗೆ ಭರ್ಜರಿಯಾಗಿಯೇ ಹೋರಾಟ, ಕಾದಾಟ, ಮಾತಿನ ಜಟಾಪಟಿಗಳು ನಡೆಯುತ್ತಿವೆ. ಇದಾಗಲೇ ಇಬ್ಬರು ವೈಲ್ಡ್ಕಾರ್ಡ್ ಎಂಟ್ರಿ ಕೊಟ್ಟಿದ್ದರು. ಆದರೆ ಮಾಡೆಲ್ ಪವಿ ಪೂವಪ್ಪ ಅವರು ಇದಾಗಲೇ ಮನೆಯಿಂದ ಹೊರಕ್ಕೆ ಹೋಗಿದ್ದಾರೆ. ವೈಲ್ಡ್ ಕಾರ್ಡ್ ಮೂಲಕ ಇನ್ನಾರು ಎಂಟ್ರಿ ಕೊಡಬಹುದು ಎಂಬ ಕುತೂಹಲವೂ ಇನ್ನೊಂದೆಡೆ ಇದೆ. ಹೀಗೆ ಸ್ಪರ್ಧಿಗಳು ಕುತೂಹಲದಲ್ಲಿರುವಾಗಲೇ ಪ್ಲಂಬರ್ ಒಬ್ಬರು ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ! ಮನೆಯಲ್ಲಿದ್ದರೂ ಸೇರಿ ಮನೆಯಲ್ಲಿನ ಲೂಸ್ಗಳನ್ನು ಟೈಟ್ ಮಾಡಲು, ಟೈಟ್ಗಳನ್ನು ಲೂಸ್ ಮಾಡಲು ತಾವು ಬೀಗ್ಬಾಸ್ ಮನೆಗೆ ಎಂಟ್ರಿ ಕೊಟ್ಟಿರುವುದಾಗಿ ಹೇಳುತ್ತಿದ್ದಂತೆಯೇ ಮನೆಯವರೆಲ್ಲಾ ಶಾಕ್ ಆಗಿದ್ದಾರೆ.
ಅಷ್ಟಕ್ಕೂ ಹೀಗೆ ಪ್ಲಂಬರ್ ಎಂಟ್ರಿ ಕೊಟ್ಟಿರುವುದು ಕಿಚ್ಚ ಸುದೀಪ್ ನಡೆಸಿಕೊಡುವ ಬಿಗ್ಬಾಸ್ ಮನೆಗೆ ಅಲ್ಲ. ಬದಲಿಗೆ ವಿಕ್ಕಿಪಿಡಿಯಾ ಖ್ಯಾತಿಯ ಹಾಗೂ ನಾನು ನಂದಿನಿಯಿಂದಲೇ ಫೇಮಸ್ ಆಗಿರೋ ವಿಕ್ಕಿ ಅಲಿಯಾಸ್ ವಿಕ್ರಮ್ ಅವರು! ಬಿಗ್ಬಾಸ್ನಂತೆಯೇ ‘ನಾನು ನಂದಿನಿ ಬೆಂಗಳೂರಿಗೆ ಬಂದೀನಿ..’ ಹಾಡಿನ ಖ್ಯಾತಿಯ ವಿಕ್ರಮ್ ಅಲಿಯಾಸ್ ವಿಕ್ಕಿ ಅವರು ಹೊಸದಾಗಿ ಕೂಲ್ ಕಲರ್ಸ್ ಎನ್ನುವ ಚಾನೆಲ್ ಹೆಸರು ಇಟ್ಟುಕೊಂಡು ಬೀಗ್ ಭಾಸ್ ಎನ್ನುವ ಕಾರ್ಯಕ್ರಮ ಮಾಡುತ್ತಿದ್ದಾರೆ. ಇದರಲ್ಲಿ ಬಿಗ್ಬಾಸ್ ಮನೆಯಲ್ಲಿ ನಡೆಯುವ ಕೆಲವು ಘಟನೆಗಳನ್ನು ಹಾಸ್ಯದ ರೂಪದಲ್ಲಿ ಅನುಕರಣೆ ಮಾಡಲಾಗುತ್ತಿದೆ. ಇದಾಗಲೇ ಕೆಲವು ಎಪಿಸೋಡ್ಗಳನ್ನು ಮಾಡಿರುವ ವಿಕ್ಕಿ ಅವರು ಇದೀಗ ವೈಲ್ಡ್ ಕಾರ್ಡ್ ಎಂಟ್ರಿಯ ಎಪಿಸೋಡ್ ಮಾಡಿದ್ದಾರೆ. ಈ ರೀಲ್ಸ್ ನೋಡಿ ಜನ ಬಿದ್ದೂ ಬಿದ್ದೂ ನಗುತ್ತಿದ್ದಾರೆ.
ನಟನಾಗಬೇಕೆಂದ್ರೆ ಸಿನಿಮಾನೇ ಯಾಕೆ ಮಾಡ್ಬೇಕು? ದುಡ್ಡಿಗಾಗಿ ವಿಲನ್ನೂ ಆಗ್ಬಿಟ್ಟೆ: ಪ್ರಕಾಶ್ ರಾಜ್
ಅಸಲಿಗೆ ಓರ್ವ ಪ್ಲಂಬರ್ ಎಂಟ್ರಿಯಾಗುತ್ತದೆ. ಇವರನ್ನು ನೋಡುತ್ತಿದ್ದಂತೆಯೇ ಬೀಗ್ ಭಾಸ್ ಸ್ಪರ್ಧಿಗಳು ವೈಲ್ಡ್ ಕಾರ್ಡ್ ಎಂಟ್ರಿ ಎಂದು ಶಾಕ್ ಆಗುತ್ತಾರೆ. ಅದರಲ್ಲಿಯೂ ಪ್ಲಂಬರ್ಮೊದಲಿಗೆ ತಾವು ಪ್ಲಂಬರ್ ಎಂದು ಹೇಳದೇ, ಮನೆಯಲ್ಲಿ ಇದ್ದ ಲೂಸ್ಗಳಿಗೆ ಟೈಟ್ ಮಾಡುವುದಾಗಿ ಹಾಗೂ ಟೈಟ್ ಎಲ್ಲಾ ಲೂಸ್ ಮಾಡುವುದು ಗೊತ್ತು ಎನ್ನುತ್ತಿದ್ದಂತೆಯೇ ಇವ ಒಬ್ಬ ಸ್ಟ್ರಾಂಗ್ ಕಂಟೆಸ್ಟೆಂಟ್ ಎಂದು ಮನೆಯಲ್ಲಿ ಇದ್ದವರಿಗೆ ಭಯ ಹುಟ್ಟುತ್ತದೆ. ಇದೇ ವೇಳೆ ಜಾಸ್ತಿ ಅಧಿಕ ಪ್ರಸಂಗ ಮಾಡದೇ ಮನೆಯಲ್ಲಿನ ಕೆಲಸ ಮಾಡಿಕೊಂಡು ಹೋಗು ಎಂದು ಬಿಗ್ಬಾಸ್ ದನಿ ಬರುತ್ತಿದ್ದಂತೆಯೇ ಈತ ಪ್ಲಂಬರ್ ಎಂದು ತಿಳಿದು ಸ್ಪರ್ಧಿಗಳಿಗೆ ಖುಷಿಯಾಗುತ್ತದೆ. ಇದರ ವಿಡಿಯೋಗೆ ಥಹರೇವಾರಿ ಕಮೆಂಟ್ಗಳು ಬರುತ್ತಿವೆ.
ಪ್ಲಂಬರ್ ಬರುವುದಕ್ಕೂ ಮೊದಲು ಬಿಗ್ಬಾಸ್ನಲ್ಲಿ ಕಾಮನ್ ಆಗಿರೋ ಲವ್ಸ್ಟೋರಿ ಕಥೆಯನ್ನೂ ಹೇಳಿದ್ದಾರೆ. ಬಹುತೇಕ ಮಂದಿಗೆ ತಿಳಿದಿರುವಂತೆ ಹೆಚ್ಚು ಕಾಂಟ್ರವರ್ಸಿ, ಅಧಿಕ ಪ್ರಸಂಗ, ಅಶ್ಲೀಲತೆ... ಇಂಥ ಸ್ಪರ್ಧಿಗಳಿಗೆ ಎಲ್ಲಾ ಭಾಷೆಯ ಬಿಗ್ಬಾಸ್ಗಳಲ್ಲಿಯೂ ಆದ್ಯತೆ ಹೆಚ್ಚು. ಇದೇ ಕಾರಣಕ್ಕೆ ಕೊನೆಯ ತನಕ ಇರುವುದಾದರೆ ಏನು ಮಾಡಬೇಕು ಎಂದು ಈ ಸ್ಪರ್ಧಿಗಳು ಮಾತನಾಡಿಕೊಳ್ಳುತ್ತಾರೆ. ಲವ್ ಮಾಡಿದರೆ ಹೆಚ್ಚು ದಿನ ಇರಬಹುದು ಎಂದು ಮಾತನಾಡಿಕೊಂಡರೆ, ಮತ್ತೋರ್ವ್ ಸ್ಪರ್ಧಿ ಅವರು ಲವ್ ಮಾಡ್ತಾರೆ, ನಾವು ಜಗಳ ಮಾಡೋಣ, ಹೀಗೆ ಹೆಚ್ಚಿಗೆ ದಿನ ಇರಬಹುದು ಎನ್ನುವ ಮೂಲಕ ಬಿಗ್ಬಾಸ್ನ ಸತ್ಯಾಸತ್ಯತೆಯನ್ನು ಸೂಕ್ಷ್ಮವಾಗಿ ಹಾಸ್ಯದ ರೂಪದಲ್ಲಿಯೂ ಇದೇ ರೀಲ್ಸ್ನಲ್ಲಿ ನೀಡಿದ್ದಾರೆ.
ಬಿಗ್ಬಾಸ್ ಮನೆಯಲ್ಲಿ ಬಿಗ್ ಬ್ರೇಕಿಂಗ್ ನ್ಯೂಸ್: ಕಿಚನ್ನಿಂದ ಬೆಡ್ರೂಮ್ವರೆಗಿನ ವಿಷ್ಯ ಬಯಲು!
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.