ಗಗನಕ್ಕೆ ಹೊರಟಳು ವ್ಯೋಮಮಿತ್ರ: ಬಾಹ್ಯಾಕಾಶ ಗೆಲ್ಲಲು ಇಸ್ರೋ ಸಜ್ಜು!
ಸಾರಾಂಶ
ಗಗನಯಾನ್ಕ್ಕೆ ಸಜ್ಜಾಗಿರುವ ಭಾರತೀಯ ಬಾಹ್ಯಾಕಾಶ ಸಂಸ್ಥೆ| ಮಹತ್ವಾಕಾಂಕ್ಷಿ ಯೋಜನೆಗೆ ಎಲ್ಲ ಸಿದ್ಧತೆ ನಡೆಸಿರುವ ಇಸ್ರೋ| ನಾಲ್ಕು ಗಗನಯಾತ್ರಿಗಳಿಗೆ ರಷ್ಯಾದಲ್ಲಿ ತರಬೇತಿ ನೀಡಲು ಇಸ್ರೋ ಯೋಜನೆ| ಇದಕ್ಕೂ ಮೊದಲು ಇಸ್ರೋ ಮಾನವ ರಹಿತ ಗಗನಯಾನ ಯೋಜನೆ| ಮಾನವ ರಹಿತ ರಾಕೆಟ್ನಲ್ಲಿ ತೆರಳಲು ಸಜ್ಜಾದ ಹ್ಯೂಮನಾಯ್ಡ್| ಬಾಹ್ಯಾಕಾಶ ಅರಿಯಲು ಇಸ್ರೋದ ವ್ಯೋಮಮಿತ್ರ ಸಜ್ಜು|
ಬೆಂಗಳೂರು(ಜ.22): ಗಗನಯಾನ್ಕ್ಕೆ ಸಜ್ಜಾಗಿರುವ ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ, ತನ್ನ ಮಹತ್ವಾಕಾಂಕ್ಷಿ ಯೋಜನೆಗೆ ಎಲ್ಲ ರೀತಿಯ ಸಿದ್ಧತೆ ನಡೆಸುತ್ತಿದೆ.
ಈಗಾಗಲೇ ಮಾನವ ಸಹಿತ ಗಗನಯಾನ್ ಯೋಜನೆಗೆ ಮುಂದಡಿ ಇಟ್ಟಿರುವ ಇಸ್ರೋ, ಇದಕ್ಕಾಗಿ ನಾಲ್ಕು ಗಗನಯಾತ್ರಿಗಳಿಗೆ ರಷ್ಯಾದಲ್ಲಿ ತರಬೇತಿ ನೀಡಲು ಸಕಲ ಸಿದ್ಧತೆ ನಡೆಸಿದೆ. ಈ ತಿಂಗಳ ಅಂತ್ಯಕ್ಕೆ ನಾಲ್ವರು ಗಗನಯಾತ್ರಿಗಳು ರಷ್ಯಾಗೆ ತೆರಳಲಿದ್ದಾರೆ.
ಆದರೆ ಇದಕ್ಕೂ ಮೊದಲು ಇಸ್ರೋ ಮಾನವ ರಹಿತ ಗಗನಯಾನ ಯೋಜನೆಯನ್ನು ಕೈಗೆತ್ತಿಕೊಂಡಿದ್ದು, ಮಾನವ ರಹಿತ ರಾಕೆಟ್ನಲ್ಲಿ ತೆರಳಲು ರೋಬೋ (ಹ್ಯೂಮನಾಯ್ಡ್) ಸಿದ್ಧಪಡಿಸಿದೆ.
ದೇಶದ ಗಗನಯಾನಿಗಳಿಗೆ ಚಿತ್ರದುರ್ಗ ಬಳಿ ತರಬೇತಿ: ವಿಜ್ಞಾನನಗರಿಯಲ್ಲಿ ಇಸ್ರೋ ಕೇಂದ್ರ!
ವ್ಯೋಮಮಿತ್ರ ಎಂದು ಹ್ಯೂಮನಾಯ್ಡ್ ಬಾಹ್ಯಾಕಾಶದಲ್ಲಿ ಕರ್ತವ್ಯ ನಿರ್ವಹಿಸುವ ಕ್ಷಮತೆ ಹೊಂದಿದ್ದು, ಗಗನಯಾನ್ ಯೋಜನೆಗೆ ಪೂರಕವಾಗಿ ಇದು ಕೆಲಸ ನಿರ್ವಹಿಸಲಿದೆ ಎನ್ನಲಾಗಿದೆ.
ಈ ಕುರಿತು ಮಾಹಿತಿ ನೀಡಿರುವ ಇಸ್ರೋ ಮುಖ್ಯಸ್ಥ ಕೆ. ಶಿವನ್, ಬಾಹ್ಯಾಕಾಶ ಪರ್ಯಟನೆಗೆ ವ್ಯೋಮಮಿತ್ರ ಸಂಪೂರ್ಣ ಸಜ್ಜಾಗಿದ್ದಾಳೆ ಎಂದು ತಿಳಿಸಿದರು. ಪ್ರಯೋಗಾತ್ಮಕವಾಗಿ ಮಾನವ ರಹಿತ ರಾಕೆಟ್
ಅದರಂತೆ 2022 ರಲ್ಲಿ ಮಾನವ ಸಹಿತ ಗಗನಯಾನ ಯೋಜನೆ ಕಾರ್ಯರೂಪಕ್ಕೆ ಬರಲಿದ್ದು, ಈ ಕುರಿತು ಸಿದ್ಧತೆ ಪ್ರಗತಿಯಲ್ಲಿದೆ ಎಂದು ಶಿವನ್ ಸ್ಪಷ್ಟಪಡಿಸಿದರು.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.