ಕನ್ನಡ ರಾಜ್ಯೋತ್ಸವ: ಪುಸ್ತಕಗಳ ಮೇಲೆ ಸಪ್ನ ಬುಕ್‌ ಹೌಸ್‌ ಭಾರೀ ರಿಯಾಯಿತಿ

ಪುಸ್ತಕ ಪ್ರಿಯರಿಗೆ ಸಪ್ನ ಬುಕ್‌ ಹೌಸ್‌ನ ರಾಜ್ಯದ ಎಲ್ಲ ಶಾಖೆಗಳಲ್ಲಿ ನ. 1-30 ರವರೆಗೆ ಈ ವಿಶೇಷ ರಿಯಾಯಿತಿ|ವಿಶೇಷ ಪುಸ್ತಕ ಪ್ರದರ್ಶನ ವಿಭಾಗದಲ್ಲಿನ ಜನಪ್ರಿಯ ಕೃತಿಗಳಿಗೆ ಶೇ.15 ರಷ್ಟು ಡಿಸ್ಕೌಂಟ್‌|  

ಬೆಂಗಳೂರು(ನ.01): ಕನ್ನಡ ರಾಜ್ಯೋತ್ಸವ ಪ್ರಯುಕ್ತ ಸಪ್ನ ಬುಕ್‌ ಹೌಸ್‌ ನವೆಂಬರ್‌ ತಿಂಗಳಲ್ಲಿ ಖರೀದಿಸುವ ಪುಸ್ತಕಗಳ ಮೇಲೆ ಶೇ.10-20 ರಿಯಾಯಿತಿ ಜೊತೆಗೆ ಪುಸ್ತಕ ಪ್ರಿಯರಿಗೆ ಕೆಲವು ವಿಶೇಷ ಕೊಡುಗೆ ನೀಡಲಿದೆ.

ಪುಸ್ತಕ ಪ್ರಿಯರಿಗೆ ಸಪ್ನ ಬುಕ್‌ ಹೌಸ್‌ನ ರಾಜ್ಯದ ಎಲ್ಲ ಶಾಖೆಗಳಲ್ಲಿ ನ. 1-30 ರವರೆಗೆ ಈ ವಿಶೇಷ ರಿಯಾಯಿತಿ ದೊರೆಯಲಿದೆ. ಜೊತೆಗೆ ಒಟ್ಟು 200 ಮೌಲ್ಯದ ಪುಸ್ತಕಗಳ ಖರೀದಿಸುವವರಿಗೆ ಸಪ್ನ ಸದಸ್ಯತ್ವ ಕಾರ್ಡ್‌ ದೊರೆಯಲಿದೆ. ಈ ಕಾರ್ಡ್‌ ಪಡೆದವರು ಒಂದು ವರ್ಷ ಪೂರ್ತಿ ಸಪ್ನದ ಯಾವ ಶಾಖೆಯಲ್ಲಾದರೂ ಶೇ.10 ರಷ್ಟು ರಿಯಾಯಿತಿ ದರದಲ್ಲಿ ಪುಸ್ತಕ ಕೊಳ್ಳಬಹುದು. 

ವಿಶೇಷ ಪುಸ್ತಕ ಪ್ರದರ್ಶನ ವಿಭಾಗದಲ್ಲಿನ ಜನಪ್ರಿಯ ಕೃತಿಗಳಿಗೆ ಶೇ.15 ರಷ್ಟು ಮತ್ತು ನವೆಂಬರ್‌ ತಿಂಗಳಲ್ಲಿ ಸಪ್ನ ಪ್ರಕಟಿಸುವ ಎಲ್ಲ ಕನ್ನಡ ಪುಸ್ತಕಗಳ ಮೇಲೆ ಶೇ.20 ರಷ್ಟು ವಿಶೇಷ ರಿಯಾಯಿತಿ ನೀಡುವುದಾಗಿ ಪ್ರಕಟಣೆ ತಿಳಿಸಿದೆ.