ಮಹಾಮಾರಿ ಕೊರೋನಾ ಮೊದಲಿಗಿಂತಲೂ ಎರಡನೇ ಅಲೆ ಭಯಾನವಾಗಿದ್ದು, ದಿನದಿಂದ ದಿನಕ್ಕೆ ಸೋಂಕಿನ ಹಾಗೂ ಸಾವಿನ ಸಂಖ್ಯೆಯಲ್ಲಿ ಏರಿಕೆಯಾಗುತ್ತಿದೆ. ಇನ್ನು ಈ ಬಗ್ಗೆ ಆರೋಗ್ಯ ಸಚಿವ ಸುಧಾಕರ್ ಪ್ರತಿಕ್ರಿಯಿಸಿದ್ದಾರೆ.
ಬೆಂಗಳೂರು, (ಏ.24): ಕೊರೋನಾ 2ನೇ ಅಲೆ ಇಷ್ಟಕ್ಕೆ ನಿಲ್ಲೋದಿಲ್ಲ, ಇದು ಮೂರು ನಾಲ್ಕು ಐದಾಗಿ ಮಾರ್ಪಾಡಾಗುತ್ತಾ ಹೋಗುತ್ತದೆ ಎಂದು ಆರೋಗ್ಯ ಸಚಿವ ಸುಧಾಕರ್ ತಿಳಿಸಿದ್ದಾರೆ.
ಇಂದು (ಶನಿವಾರ) ನಗರದಲ್ಲಿ ಮಾತನಾಡಿದ ಸುಧಾಕರ್, ಈ ಬಾರಿಯ ಅಲೆಯಲ್ಲಿ ಕೊರೋನಾ ವೇಗವಾಗಿ ಹರಡುತ್ತಿರೋದಕ್ಕೆ ಮುಖ್ಯ ಕಾರಣ ಈ ರೂಪಾಂತರಿ ವೈರಾಣುವಿನ ಸ್ವಭಾವ ಎಂದರು.
undefined
'ರೆಮಿಡಿಸಿವರ್ ಕೊರತೆಯಾಗಿದೆ ಎಂದು ಗಾಬರಿ ಹುಟ್ಟಿಸುವ ಕೆಲಸವಾಗುತ್ತಿದೆ'
ಅದು ಯುಕೆ ವೈರೆಸ್ನ ರೀತಿಯಲ್ಲೂ ಇಲ್ಲ, ಬ್ರೆಜಿಲ್ ಅಥವಾ ಫ್ರಾನ್ಸ್ನ ರೀತಿಯಲ್ಲೂ ಇಲ್ಲ, ಇದು ಭಿನ್ನವಾಗಿದೆ. ಹಾಗಾಗಿಯೇ ಹೊರದೇಶದವರು ಇದನ್ನ ಇಂಡಿಯನ್ ಸ್ಟ್ರೇನ್ ಎಂದೇ ಕರೆಯುತ್ತಿದ್ದಾರೆ. ಇದೊಂದು ಹೊಸಾ ರೀತಿಯ ವೈರಾಣುವಾಗಿದೆ. ಹಿಂದೆ ನಮ್ಮಲ್ಲಿ ಸ್ಪಾನಿಷ್ ವೈರೆಸ್ ಕಾಣಿಸಿಕೊಂಡಾಗ ಇದಕ್ಕಿಂತ ಹೆಚ್ಚು ಸಾವು ನೋವು ಕಾಣಿಸಿಕೊಂಡಿತ್ತು, ಆದರೆ ಈ ಬಾರಿಯ ಸಾವಿನ ಪ್ರಮಾಣ ಅಷ್ಟಿಲ್ಲ. ಸೋಂಕಿತರು ಹೆಚ್ಚಾಗಿ ಪತ್ತೆಯಾಗುತ್ತಿರುವ ಕಾರಣ ಜನರಲ್ಲಿ ಆತಂಕ ಮೂಡುತ್ತಿದೆ ಅಷ್ಟೇ ಎಂದು ಹೇಳಿದರು.
ಬಹಳ ವಿಶೇಷವಾಗಿ ನಾವು ಜನರಿಗೆ ಮನವಿ ಮಾಡುವುದೇನೆಂದ್ರೆ, ಸರ್ಕಾರವೂ ಈ ಬಗ್ಗೆ ಬಿಗಿ ಸೂಚನೆಗಳನ್ನ ನೀಡಿದ್ದೇವೆ. ಜನರು ಅನಗತ್ಯವಾಗಿ ಓಡಾಡುವುದನ್ನ ತಪ್ಪಿಸಬೇಕು, ಹೆಚ್ಚಾಗಿ ಗುಂಪು ಸೇರುವುದನ್ನ ಬಿಡಬೇಕು. ಮಾಸ್ಕ್ ಧರಿಸಿ ಸಾಮಾಜಿಕ ಅಂತರವನ್ನ ಕಾಪಾಡಿಕೊಳ್ಳಬೇಕು. ಆರೋಗ್ಯ ಚೆನ್ನಾಗಿಟ್ಟುಕೊಳ್ಳಲು ಶುಚಿತ್ವ ಕಾಪಾಡಿಕೊಳ್ಳಬೇಕು, ಹಾಗೂ ಉತ್ತಮ ಗುಣಮಟ್ಟದ ಆಹಾರವನ್ನ ಸೇವನೆ ಮಾಡಬೇಕು. ನಮ್ಮ ಅದೃಷ್ಟ ನಮಗೆ ಲಸಿಕೆ ಲಭ್ಯವಿದೆ ಇದನ್ನ ತೆಗೆದುಕೊಳ್ಳುವವರಲ್ಲಿ ನಾವೇ ಮೊದಲಿಗರಾಗಬೇಕು ಎಂದು ಸಲಹೆ ನೀಡಿದ್ದಾರೆ.
ಈ ವೈರೆಸ್ನ ಬಗ್ಗೆ ಏಮ್ಸ್ ಆಸ್ಪತ್ರೆಯ ಡಾ. ಗುಲೇರಿಯಾ ಒಂದು ಮಾತನ್ನ ಹೇಳಿದ್ದಾರೆ. ಈ ರೂಪಾಂತರಿ ನಮ್ಮೊಂದಿಗೆ ಚೆಸ್ ಆಟವಾಡುತ್ತಿದೆ, ನಾವು ಒಂದು ಪಾನ್ ಚಲಾಯಿಸಿದರೆ ಅದು ಇನ್ನೊಂದು ಪಾನ್ ಚಲಾಯಿಸುತ್ತಿದೆ. ಸೂಕ್ಷವಾಗಿ ಇದರ ಎಲ್ಲಾ ಗುಣವನ್ನ ಅರಿಯಲು ನಮಗೆ ಸಾಧ್ಯವಾಗುತ್ತಿಲ್ಲ ಎಂದಿದ್ದಾರೆ ಎಂದು ಸುಧಾಕರ್ ತಿಳಿಸಿದ್ದಾರೆ.