ಭಾರತೀಯರ ನೆಚ್ಚಿನ ಪ್ರವಾಸಿ ತಾಣ ಪಟ್ಟಿ: ಮೈಸೂರಿಗೆ 5ನೇ ಸ್ಥಾನ

2019 ರಲ್ಲಿ ದೇಶದ ಒಳಗಡೆ ಅತಿ ಹೆಚ್ಚು ಭಾರತೀಯರು ಪ್ರವಾಸ ಕೈಗೊಂಡ ತಾಣ ಎಂಬ ಹೆಗ್ಗಳಿಕೆಗೆ ಹೈದರಾಬಾದ್‌ ಪಾತ್ರವಾಗಿದ್ದು, ಮೈಸೂರಿಗೆ 5ನೇ ಸ್ಥಾನ ಲಭ್ಯವಾಗಿದೆ. ಪುಣೆ, ಜೈಪುರ, ಕೊಚ್ಚಿ ನಗರಗಳು ಕ್ರಮವಾಗಿ 2, 3 ಮತ್ತು 4ನೇ ಸ್ಥಾನ ಪಡೆದುಕೊಂಡಿವೆ ಎಂದು ಡಿಜಿಟಲ್‌ ಟ್ರಾವೆಲ್‌ ಕಂಪನಿ ಬುಕಿಂಗ್‌ ಡಾಟ್‌.ಕಾಮ್‌ ನಡೆಸಿದ ಸಮೀಕ್ಷೆ ತಿಳಿಸಿದೆ.

ಮುಂಬೈ (ಡಿ. 24): 2019 ರಲ್ಲಿ ದೇಶದ ಒಳಗಡೆ ಅತಿ ಹೆಚ್ಚು ಭಾರತೀಯರು ಪ್ರವಾಸ ಕೈಗೊಂಡ ತಾಣ ಎಂಬ ಹೆಗ್ಗಳಿಕೆಗೆ ಹೈದರಾಬಾದ್‌ ಪಾತ್ರವಾಗಿದ್ದು, ಮೈಸೂರಿಗೆ 5ನೇ ಸ್ಥಾನ ಲಭ್ಯವಾಗಿದೆ.

ಪುಣೆ, ಜೈಪುರ, ಕೊಚ್ಚಿ ನಗರಗಳು ಕ್ರಮವಾಗಿ 2, 3 ಮತ್ತು 4ನೇ ಸ್ಥಾನ ಪಡೆದುಕೊಂಡಿವೆ ಎಂದು ಡಿಜಿಟಲ್‌ ಟ್ರಾವೆಲ್‌ ಕಂಪನಿ ಬುಕಿಂಗ್‌ ಡಾಟ್‌.ಕಾಮ್‌ ನಡೆಸಿದ ಸಮೀಕ್ಷೆ ತಿಳಿಸಿದೆ. ಶಿಲ್ಲಾಂಗ್‌, ಮಂಗಳೂರು, ರಿಷಿಕೇಶ, ಗುವಾಹಟಿ ಮತ್ತು ಪುಣೆ ಅತಿ ವೇಗವಾಗಿ ಬೆಳೆಯುತ್ತಿರುವ ಪ್ರವಾಸಿ ತಾಣಗಳೆನಿಸಿಕೊಂಡಿವೆ.

ಇನ್ನು ಭಾರತೀಯರು ಭೇಟಿ ನೀಡಿದ ವಿದೇಶಿ ನಗರಗಳ ಪೈಕಿ ದುಬೈ ಮೊದಲ ಸ್ಥಾನದಲ್ಲಿದೆ. ಬ್ಯಾಂಕಾಕ್‌, ಸಿಂಗಾಪುರ ಮತ್ತು ಕೌಲಾಲಂಪುರಗಳು ನಂತರದ ಸ್ಥಾನದಲ್ಲಿವೆ.