ಗುಡ್ಡೇ​ಕೊಪ್ಪ ಬಳಿ ವಿಜಯನಗರ ಅರಸರ ಕಾಲದ ದಾನ ಶಾಸನ ಪತ್ತೆ!

ಮಣ್ಣಿನೊಳಗೆ ಹೂತು ಹೋಗಿದ್ದ, ಚೌಡಿ ಕಲ್ಲೆಂದು ಗ್ರಾಮಸ್ಥರ ಭಯಭಕ್ತಿಗೆ ಕಾರಣವಾಗಿದ್ದ ಸುಮಾರು 500 ವರ್ಷಗಳ ಹಿಂದಿನ ವಿಜಯನಗರ ಅರಸರ ಕಾಲದ ದಾನ ಶಾಸನವೊಂದು ತೀರ್ಥ​ಹ​ಳ್ಳಿಯ ಗುಡ್ಡೇಕೊಪ್ಪ ಬಳಿ ದೊರೆತಿದೆ. ಸಂಶೋಧಕ ಎಲ್‌.ಎಸ್‌.ರಾಘವೇಂದ್ರ ಮತ್ತು ಪತ್ರಕರ್ತ ಜಿ.ಆರ್‌.ಸತ್ಯನಾರಾಯಣ ಈ ಕಲ್ಲನ್ನು ಸಂಶೋಧನೆ ಮಾಡಿದ್ದಾರೆ.

ತೀರ್ಥಹಳ್ಳಿ (ಜು.29).: ಮಣ್ಣಿನೊಳಗೆ ಹೂತು ಹೋಗಿದ್ದ, ಚೌಡಿ ಕಲ್ಲೆಂದು ಗ್ರಾಮಸ್ಥರ ಭಯಭಕ್ತಿಗೆ ಕಾರಣವಾಗಿದ್ದ ಸುಮಾರು 500 ವರ್ಷಗಳ ಹಿಂದಿನ ವಿಜಯನಗರ ಅರಸರ ಕಾಲದ ದಾನ ಶಾಸನವೊಂದು ತೀರ್ಥ​ಹ​ಳ್ಳಿಯ ಗುಡ್ಡೇಕೊಪ್ಪ ಬಳಿ ದೊರೆತಿದೆ. ಸಂಶೋಧಕ ಎಲ್‌.ಎಸ್‌.ರಾಘವೇಂದ್ರ ಮತ್ತು ಪತ್ರಕರ್ತ ಜಿ.ಆರ್‌.ಸತ್ಯನಾರಾಯಣ ಈ ಕಲ್ಲನ್ನು ಸಂಶೋಧನೆ ಮಾಡಿದ್ದಾರೆ.

ಗುಡ್ಡೇಕೊಪ್ಪದ ಕೃಷಿಕ ಹೊಸತೋಟ ವಿಶ್ವನಾಥ ಅವರ ತೋಟದ ಸಮೀಪದಲ್ಲಿ ಅರ್ಧ ಮಣ್ಣಿನೊಳಗೆ ಹೂತು ಹೋಗಿದ್ದ ದಾನ ಶಾಸನದ ಈ ಕಲ್ಲು ಮತ್ತೆ ಬೆಳಕಿಗೆ ಬರಲು ವಿಶ್ವನಾಥ ಎಂಬವರ ಆಸಕ್ತಿ ಕಾರಣವಾಗಿದ್ದು, ಆಸಕ್ತರ ಗಮನ ಸೆಳೆದಿದೆ. ಈ ಕಲ್ಲಿನಲ್ಲಿ ಅಲ್ಲಲ್ಲಿ ಅಕ್ಷರ ಅಳಿಸಿಹೋಗಿರುವ ಸಾಲುಗಳು, ಯಾವ ರಾಜರ ಕಾಲದಲ್ಲಿ ಎನ್ನುವುದು ತಿಳಿಯುವುದಿಲ್ಲ.

ಎಪಿಗ್ರಾಫಿಯಾ ಕರ್ನಾಟಕ ಗ್ರಂಥದ ಸಂಪುಟ 13ರ ಪುಟ 416ರಲ್ಲಿ ದಾಖಲಾಗಿರುವಂತೆ ಒಂದಿಷ್ಟುವಿವರಗಳಿವೆ. ಸುಮಾರು 14-15ನೇ ಶತಮಾನ ಎಂದು ಅಂದಾಜಿಸಿದೆ. ಸುಮಾರು 47 ಸಾಲುಗಳಿರುವ ದಾನ ಶಾಸನದ ವಿವರಗಳನ್ನು ಪತ್ತೆ​ಹ​ಚ್ಚ​ಲಾ​ಗಿ​ದೆ. ಭೂಮಿ ದಾನ ಕೊಟ್ಟಿರುವ ಬಗ್ಗೆ ಅಪೂರ್ವ ದಾನ ಶಿಲಾ ಶಾಸನ ಇದಾಗಿದೆ ಎಂದು ತಿಳಿ​ಸ​ಲಾ​ಗಿದೆ.