Swiss Open 2023: ಹಾಲಿ ಚಾಂಪಿಯನ್ ಸಿಂಧುಗೆ ಸ್ವಿಸ್ ಆಘಾತ
ಸಾರಾಂಶ
ಸ್ವಿಸ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪಿ.ವಿ. ಸಿಂಧು ಹೋರಾಟ ಎರಡನೇ ಸುತ್ತಿನಲ್ಲೇ ಅಂತ್ಯ ಸ್ವಿಸ್ ಓಪನ್ನಲ್ಲಿ ಹಾಲಿ ಚಾಂಪಿಯನ್ ಆಗಿದ್ದ ಸಿಂಧುಗೆ ಇದೀಗ ನಿರಾಸೆ ಪುರುಷರ ಡಬಲ್ಸ್ನಲ್ಲಿ ಸಾತ್ವಿಕ್-ಚಿರಾಗ್ ಜೋಡಿ ಕ್ವಾರ್ಟರ್ ಫೈನಲ್ ಪ್ರವೇಶ
ಬಸೆಲ್(ಮಾ.25): ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತೆ, ಹಾಲಿ ಚಾಂಪಿಯನ್ ಪಿ.ವಿ.ಸಿಂಧು ಸ್ವಿಸ್ ಓಪನ್ ಸೂಪರ್ 300 ಬ್ಯಾಡ್ಮಿಂಟನ್ ಟೂರ್ನಿಯ 2ನೇ ಸುತ್ತಿನಲ್ಲೇ ಸೋತು ಆಘಾತ ಅನುಭವಿಸಿದ್ದಾರೆ. ವಿಶ್ವ ನಂ.9 ಸಿಂಧು, ಇಂಡೋನೇಷ್ಯಾದ ಪುತ್ರಿ ಕುಸುಮಾ ವರ್ದಾನಿ ವಿರುದ್ಧ 15-21, 21-12, 18-21 ಗೇಮ್ಗಳಲ್ಲಿ ಸೋಲುಂಡರು. ಸಿಂಧು ವಿರುದ್ಧ ಅಂ.ರಾ. ಮಟ್ಟದಲ್ಲಿ ಆಡಿದ ಮೊದಲ ಪಂದ್ಯದಲ್ಲೇ ವಿಶ್ವ ನಂ.38 ವರ್ದಾನಿ ಗೆಲುವು ಸಾಧಿಸಿ ಸಂಭ್ರಮಿಸಿದರು. ಇನ್ನು ಪುರುಷರ ಸಿಂಗಲ್ಸ್ನಲ್ಲಿ ಗುರುವಾರವೇ ಭಾರತೀಯರ ಸವಾಲು ಮುಕ್ತಾಯಗೊಂಡಿತ್ತು.
ಕ್ವಾರ್ಟರ್ಗೆ ಸಾತ್ವಿಕ್-ಚಿರಾಗ್: ಇದೇ ವೇಳೆ ಪುರುಷರ ಡಬಲ್ಸ್ನಲ್ಲಿ ಸಾತ್ವಿಕ್ ಸಾಯಿರಾಜ್-ಚಿರಾಗ್ ಶೆಟ್ಟಿಜೋಡಿ ತೈವಾನ್ನ ಫಾಂಗ್-ಚಿಹ್-ಲೀ ಹಾಗೂ ಫಾಂಗ್-ಜೆನ್-ಲೀ ವಿರುದ್ಧ 12-21, 21-17, 28-26 ಗೇಮ್ಗಳಲ್ಲಿ ರೋಚಕ ಗೆಲುವು ಸಾಧಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತು. ವಿಶ್ವ ನಂ.6 ಭಾರತೀಯ ಜೋಡಿಗೆ ಕ್ವಾರ್ಟರ್ ಫೈನಲ್ನಲ್ಲಿ ಡೆನ್ಮಾರ್ಕ್ನ ಜೆಪ್ಪೆ ಬೇ ಹಾಗೂ ಲಾಸ್ಸೆ ಮೊಲ್ಹೆಡೆ ಎದುರಾಗಲಿದ್ದಾರೆ.
ಭಾರತದ ಸಲೀಮಾಗೆ ಏಷ್ಯಾ ಹಾಕಿ ಪ್ರಶಸ್ತಿ
ನವದೆಹಲಿ: ಭಾರತ ಹಾಕಿ ತಂಡದ ಮಿಡ್ಫೀಲ್ಡರ್ ಸಲೀಮಾ ಟೆಟೆ, ಏಷ್ಯಾ ಹಾಕಿ ಫೆಡರೇಷನ್(ಎಎಚ್ಎಫ್)ನ ವರ್ಷದ ಉದಯೋನ್ಮುಖ ಆಟಗಾರ್ತಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. 2022ರಲ್ಲಿ ಸಲೀಮಾ ತೋರಿದ ಪ್ರದರ್ಶನವನ್ನು ಪರಿಗಣಿಸಿ ಈ ಪ್ರಶಸ್ತಿ ನೀಡಲಾಗಿದೆ. ಕೊರಿಯಾದ ಮುಂಗ್ಯಿನೊಂಗ್ನಲ್ಲಿ ನಡೆದ ವಾರ್ಷಿಕ ಸಾಮಾನ್ಯ ಸಭೆ ವೇಳೆ 20 ವರ್ಷದ ಸಲೀಮಾಗೆ ಪ್ರಶಸ್ತಿ ವಿತರಿಸಲಾಯಿತು.
ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯ: ಕ್ರಿಸ್ಟಿಯಾನೊ ರೊನಾಲ್ಡೋ ದಾಖಲೆ!
ಲಿಸ್ಬನ್: ಅತಿಹೆಚ್ಚು ಅಂತಾರಾಷ್ಟ್ರೀಯ ಫುಟ್ಬಾಲ್ ಪಂದ್ಯಗಳನ್ನಾಡಿದ ವಿಶ್ವ ದಾಖಲೆಯನ್ನು ಪೋರ್ಚುಗಲ್ನ ಕ್ರಿಸ್ಟಿಯಾನೋ ರೊನಾಲ್ಡೋ ಬರೆದಿದ್ದಾರೆ. ಗುರುವಾರ ಯುರೋಪಿಯನ್ ಅರ್ಹತಾ ಸುತ್ತಿನಲ್ಲಿ ಲೀಚೆಸ್ಟೈನ್ ವಿರುದ್ಧದ ಪಂದ್ಯದಲ್ಲಿ ಕಣಕ್ಕಿಳಿದ ರೊನಾಲ್ಡೋ ಈ ದಾಖಲೆ ಬರೆದರು. ಅದು ದೇಶದ ಪರ ಅವರಾಡಿದ 197ನೇ ಪಂದ್ಯವಾಗಿತ್ತು. ಇದರೊಂದಿಗೆ ಕುವೈಟ್ನ ಬಾದರ್-ಅಲ್-ಮುಟಾವ ಅವರ 196 ಪಂದ್ಯಗಳ ದಾಖಲೆಯನ್ನು 38 ವರ್ಷದ ರೊನಾಲ್ಡೋ ಮುರಿದರು.
ಮಹಿಳಾ ಬಾಕ್ಸಿಂಗ್ ವಿಶ್ವ ಚಾಂಪಿಯನ್ಶಿಪ್: ಲವ್ಲೀನಾ ಸೇರಿದಂತೆ ಭಾರತದ ನಾಲ್ವರು ಫೈನಲ್ಗೆ
ಮೋಟೋ ಜಿಪಿ: ಇಂಡಿಯಾ ರೇಸ್ ಜಿಯೋದಲ್ಲಿ ಪ್ರಸಾರ
ಮುಂಬೈ: ಭಾರತದಲ್ಲಿ ನಡೆಯಲಿರುವ ಐತಿಹಾಸಿಕ ಮೋಟೋ ಜಿಪಿ ರೇಸ್ನ ಪ್ರಸಾರ ಹಕ್ಕನ್ನು ವಯಾಕಾಂ 18 ಸಂಸ್ಥೆ ಖರೀದಿಸಿದ್ದು ತನ್ನ ಕ್ರೀಡಾ ವಾಹಿನಿ ಹಾಗೂ ಜಿಯೋ ಸಿನಿಮಾದಲ್ಲಿ ಪ್ರಸಾರ ಮಾಡಲಿದೆ. ಈ ವರ್ಷ ಸೆಪ್ಟೆಂಬರ್ 22ರಿಂದ 24ರವರೆಗೂ ಚೊಚ್ಚಲ ಬಾರಿಗೆ ಭಾರತದಲ್ಲಿ ಮೋಟೋ ಜಿಪಿ ರೇಸ್ ನಡೆಯಲಿದೆ. 2023ರ ಋುತುವಿನಲ್ಲಿ 18 ದೇಶಗಳಲ್ಲಿ ಒಟ್ಟು 21 ರೇಸ್ಗಳು ನಡೆಯಲಿದ್ದು, ಭಾರತದಲ್ಲಿ ನಡೆಯಲಿರುವ ರೇಸ್ 14ನೇಯದ್ದಾಗಲಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.