ಮೂರನೇ ಆವೃತ್ತಿಯ ಖೇಲೋ ಇಂಡಿಯಾ ವಿವಿ ಗೇಮ್ಸ್‌ ಮುಕ್ತಾಯ
ಕಳೆದ ಬಾರಿ ಸಮಗ್ರ ಚಾಂಪಿಯನ್‌ ಪಟ್ಟಅಲಂಕರಿಸಿದ್ದ ಜೈನ್ ವಿವಿಗೆ ಮೂರನೇ ಸ್ಥಾನ
ಮೇ 25ರಂದು ಆರಂಭಗೊಂಡಿದ್ದ ಖೇಲೋ ಇಂಡಿಯಾ ಯೂನಿವರ್ಸಿಟಿ ಗೇಮ್ಸ್‌
ಲಖನೌ(ಜೂ.04): 3ನೇ ಆವೃತ್ತಿಯ ಖೇಲೋ ಇಂಡಿಯಾ ಯುನಿವರ್ಸಿಟಿ ಗೇಮ್ಸ್‌ ಶನಿವಾರ ಅದ್ಧೂರಿ ತೆರೆ ಕಂಡಿದ್ದು, ಕಳೆದ ಬಾರಿ ಸಮಗ್ರ ಚಾಂಪಿಯನ್‌ ಪಟ್ಟಅಲಂಕರಿಸಿದ್ದ ಬೆಂಗಳೂರಿನ ಜೈನ್ ವಿವಿ ಈ ಬಾರಿ 3ನೇ ಸ್ಥಾನ ಪಡೆದುಕೊಂಡಿದೆ.
ಮೇ 25ರಂದು ಆರಂಭಗೊಂಡ ಖೇಲೋ ಇಂಡಿಯಾ ಯೂನಿವರ್ಸಿಟಿ ಗೇಮ್ಸ್‌ (Khelo India University Games) ಕೂಟದ ಸಮಾರೋಪ ಸಮಾರಂಭ ಶನಿವಾರ ನಡೆಯಿತು. ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯನಾಥ್‌, ಕೇಂದ್ರ ಕ್ರೀಡಾ ಸಚಿವ ಅನುರಾಗ್‌ ಠಾಕೂರ್‌ ಸೇರಿದಂತೆ ಪ್ರಮುಖರು ಪಾಲ್ಗೊಂಡರು. ಕೂಟದಲ್ಲಿ ಪಂಜಾಬ್‌ ವಿವಿ 26 ಚಿನ್ನ ಸೇರಿದಂತೆ ಒಟ್ಟು 69 ಪದಕಗಳೊಂದಿಗೆ ಸಮಗ್ರ ಚಾಂಪಿಯನ್‌ ಎನಿಸಿಕೊಂಡರೆ, ಅಮೃತ್‌ಸರದ ಗುರುನಾನಕ್‌ ದೇವ್‌ ವಿವಿ 24 ಚಿನ್ನ ಸೇರಿ 68 ಪದಕಗೊಂದಿಗೆ 2ನೇ ಸ್ಥಾನಿಯಾಯಿತು. ಈಜಿನಲ್ಲಿ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದ್ದ ಜೈನ್ ವಿವಿ 16 ಚಿನ್ನ, 10 ಬೆಳ್ಳಿ, 6 ಕಂಚಿನೊಂದಿಗೆ 32 ಪದಕ ತನ್ನದಾಗಿಸಿಕೊಂಡಿತು.
Medals Tally 🏅 Khelo India University Games 2022 pic.twitter.com/yXaRG1ZMbj
— Doordarshan Sports (@ddsportschannel)
undefined
ಟಾಪ್‌-5 ಪದಕ ಪಟ್ಟಿ
ವಿವಿ ಚಿನ್ನ ಬೆಳ್ಳಿ ಕಂಚು ಒಟ್ಟು
ಪಂಜಾಬ್‌ 26 17 26 69
ಗುರುನಾನಕ್‌ 24 27 17 68
ಜೈನ್ 16 10 06 32
ಪಂಜಾಬಿ 12 14 08 34
ಗುರು ಕಾಶಿ 09 10 09 28
ಅಥ್ಲೆಟಿಕ್ಸ್‌: ಜಾವೆಲಿನ್‌ ಬಂಗಾರ ಗೆದ್ದ ಕರಿಶ್ಮಾ
ಬೆಂಗಳೂರು: ನಗರದ ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ಆರಂಭಗೊಂಡ ರಾಜ್ಯ ಹಿರಿಯರ ಮುಕ್ತ ಅಥ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ತಾರಾ ಜಾವೆಲಿನ್‌ ಎಸೆತಗಾರ್ತಿ ಕರಿಶ್ಮಾ ಚಾಂಪಿಯನ್‌ ಆಗಿದ್ದಾರೆ. ಮಹಿಳಾ ವಿಭಾಗದಲ್ಲಿ ಉಡುಪಿಯ ಕರಿಶ್ಮಾ 43.21 ಮೀ. ದೂರಕ್ಕೆ ಎಸೆದು ಅಗ್ರಸ್ಥಾನ ಪಡೆದರೆ, ಪುರುಷರ ವಿಭಾಗದಲ್ಲಿ ಬೆಳಗಾವಿಯ ವಿಜಯ್‌(61.46 ಮೀ.) ಪ್ರಶಸ್ತಿ ಗೆದ್ದರು.
ಫ್ರೆಂಚ್‌ ಓಪನ್‌ ಗ್ರ್ಯಾನ್‌ಸ್ಲಾಂ ಟೆನಿಸ್‌: ಪ್ರಿ ಕ್ವಾರ್ಟರ್‌ಗೇರಿದ ಆಲ್ಕರಜ್‌, ಇಗಾ!
ಮಹಿಳೆಯರ 400 ಮೀ. ಓಟದಲ್ಲಿ ಸಿಂಚಲ್‌ ಕಾವೇರಮ್ಮ, 100 ಮೀ. ಹರ್ಡಲ್ಸ್‌ನಲ್ಲಿ ಮೇಧಾ, ಶಾಟ್‌ಪುಟ್‌ನಲ್ಲಿ ಮೈಸೂರಿನ ಅಂಬಿಕಾ ಚಾಂಪಿಯನ್‌ ಆದರು. ಪುರುಷರ ಲಾಂಗ್‌ಜಂಪ್‌ನಲ್ಲಿ ಏರ್‌ಫೋರ್ಸ್‌ನ ಸಿದ್ಧಾಥ್‌ರ್‍ ನಾಯ್‌್ಕ, ಹೈ ಜಂಪ್‌ನಲ್ಲಿ ಜೆಸ್ಸಿ ಸಂದೇಶ್‌ ಚಿನ್ನದ ಪದಕ ತಮ್ಮದಾಗಿಸಿಕೊಂಡರು.
ಸರ್ಫಿಂಗ್‌: ಕಿಶೋರ್‌, ಕಮಲ ಚಾಂಪಿಯನ್‌
ಮಂಗಳೂರು: ಸಸಿಹಿತ್ಲು ಬೀಚ್‌ನಲ್ಲಿ ನಡೆದ 4ನೇ ಇಂಡಿಯನ್‌ ಓಪನ್‌ ಸರ್ಫಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ನಿರೀಕ್ಷೆಯಂತೆ ತಮಿಳುನಾಡು ಪ್ರಾಬಲ್ಯ ಮೆರೆದಿದ್ದು, ಪುರುಷರ 2 ವಿಭಾಗದಲ್ಲಿ ತಮಿಳುನಾಡಿದ ಕಿಶೋರ್‌ ಕುಮಾರ್‌, ಮಹಿಳೆಯರ 2 ವಿಭಾಗಗಳಲ್ಲಿ ಕಮಲಮೂರ್ತಿ ಚಾಂಪಿಯನ್‌ ಆಗಿ ಮೂಡಿ ಬಂದಿದ್ದಾರೆ.
ಪುರುಷರ ವಿಭಾಗದಲ್ಲಿ ತಮಿಳುನಾಡು ಕ್ಲೀನ್ಸ್ವೀಪ್ ಸಾಧಿಸಿತು. ಕಿಶೋರ್‌ (14 ಅಂಕ) ಪ್ರಥಮ ಸ್ಥಾನ ಪಡೆದರೆ, ಶ್ರೀಕಾಂತ್‌(11.66 ಅಂಕ) ದ್ವಿತೀಯ, ಸೂರ್ಯ ಪಿ.(11 ಅಂಕ) ತೃತೀಯ ಸ್ಥಾನ ಪಡೆದರು. ಚಾಂಪಿಯನ್‌ ಕಿಶೋರ್‌ 50,000 ರು. ನಗದು ಪಡೆದರು. ಅಂಡರ್‌-16 ವಿಭಾಗದಲ್ಲಿ ಕಿಶೋರ್‌ 15.07 ಅಂಕದೊಂದಿಗೆ ಪ್ರಶಸ್ತಿ ಗೆದ್ದರೆ, ತಾಯಿನ್‌ ಅರುಣ್‌(8.97 ಅಂಕ) ದ್ವಿತೀಯ, ಹರೀಶ್‌(6.27) ತೃತೀಯ ಸ್ಥಾನ ಪಡೆದರು.
ಮಹಿಳೆಯರ ವಿಭಾಗದಲ್ಲಿ ಕಮಲಿಮೂರ್ತಿ(12.07 ಅಂಕ) ಪ್ರಥಮ, ಗೋವಾದ ಸುಗರ್‌ ಬನ್ಸಾರೆ ದ್ವಿತೀಯ ಹಾಗೂ ಕರ್ನಾಟಕದ ಪುತ್ತೂರಿನ ಸಿಂಚನಾ ಗೌಡ ತೃತೀಯ ಸ್ಥಾನ ಪಡೆದರು. ಅಂಡರ್‌-16 ವಿಭಾಗದಲ್ಲಿ ಕಮಲಿಮೂರ್ತಿ 16.84 ಅಂಕದೊಂದಿಗೆ ಪ್ರಥಮ, ಕರ್ನಾಟಕದ ತನಿಷ್ಕಾ ಮೆಂಡನ್‌ 6.43 ಅಂಕದೊಂದಿಗೆ ದ್ವಿತೀಯ ಹಾಗೂ ಮಂಗಳೂರಿನ ಸಾನ್ವಿ ಹೆಗ್ಡೆ 6 ಅಂಕದೊಂದಿಗೆ ತೃತೀಯ ಸ್ಥಾನ ಗಳಿಸಿದರು.
ಕಿರಿಯರ ವಿಶ್ವ ಶೂಟಿಂಗ್‌: ಚಿನ್ನ ಗೆದ್ದ ಭಾರತದ ಸೈನ್ಯಂ
ಸಹ್‌್ಲ(ಜರ್ಮನಿ): ಭಾರತದ ಯುವ ಶೂಟರ್‌ ಸೈನ್ಯಂ ಇಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್‌ ಕಿರಿಯರ ವಿಶ್ವಕಪ್‌ನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಶನಿವಾರ ಮಹಿಳೆಯರ 10 ಮೀ. ಏರ್‌ ಪಿಸ್ತೂಲ್‌ ವಿಭಾಗದಲ್ಲಿ ಸೈನ್ಯಂ 238 ಅಂಕ ಗಳಿಸಿ ಅಗ್ರಸ್ಥಾನ ಪಡೆದರು. ಆದರೆ ಸುರುಚಿ ಸಿಂಗ್‌(154.1 ಅಂಕ) 6ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು. ಕೊರಿಯಾದ ಕಿಮ್‌ ಮಿನ್ಸೋ ಬೆಳ್ಳಿ, ಚೈನೀಸ್‌ ತೈಪೆಯ ಲಿಯು ಹೆಂಗ್‌ ಯು ಕಂಚು ತಮ್ಮದಾಗಿಸಿಕೊಂಡರು.