ಏಷ್ಯಾಕಪ್ ಟೂರ್ನಿ 3ನೇ ದಿನದಲ್ಲಿ ಶ್ರೀಲಂಕಾ ಹಾಗೂ ಆಫ್ಘಾನಿಸ್ತಾನ ತಂಡ ಹೋರಾಟ ನಡೆಸುತ್ತಿದೆ. ಲಂಕಾ ಸೋಲಿನಿಂದ ಹೊರಬರೋ ಯತ್ನದಲ್ಲಿದ್ದರೆ, ಆಫ್ಘಾನ್ ಶುಭಾರಂಭದ ವಿಶ್ವಾಸದಲ್ಲಿದೆ. ಇಲ್ಲಿದೆ ಪಂದ್ಯದ ಅಪ್‌ಡೇಟ್ಸ್.
ದುಬೈ(ಸೆ.17): ಏಷ್ಯಾಕಪ್ ಟೂರ್ನಿಯ ಅಫ್ಘಾನಿಸ್ತಾನ ವಿರುದ್ಧದ ಗೆಲ್ಲಲೇಬೇಕಾದ ಪಂದ್ಯದಲ್ಲಿ ಶ್ರೀಲಂಕಾ ಎಚ್ಚರಿಕೆಯ ಹೋರಾಟಕ್ಕೆ ಮುಂದಾಗಿದೆ. ಗೆಲುವಿಗೆ 250 ರನ್ ಟಾರ್ಗೆಟ್ ಪಡೆದಿರುವ ಲಂಕಾ 2 ವಿಕೆಟ್ ಕಳೆದುಕೊಂಡು ಗೆಲುವಿಗಾಗಿ ಹೋರಾಟ ನಡೆಸುತ್ತಿದೆ.
ಆರಂಭಿಕ ಕುಸಾಲ್ ಮೆಂಡೀಸ್ ಶೂನ್ಯಕ್ಕೆ ಔಟಾದರು. ಈ ಮೂಲಕ ಲಂಕಾ ತಂಡದ ಆತಂತಕ್ಕೆ ಕಾರಣರಾದರು. ಆದರೆ ಉಪುಲ್ ತರಂಗ ಹಾಗೂ ಧನಂಜಯ್ ಡಿಸಿಲ್ವ ಜೊತೆಯಾಟದಿಂದ ಲಂಕಾ ಚೇತರಿಸಿಕೊಂಡಿತು. ಧನಂಜಯ್ 23 ರನ್ ಸಿಡಿಸಿ ರನೌಟ್‌ಗೆ ಬಲಿಯಾದರು. ಸದ್ಯ ಶ್ರೀಲಂಕಾ 2 ವಿಕೆಟ್ ನಷ್ಟಕ್ಕೆ 63 ರನ್ ಸಿಡಿಸಿದೆ.
ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ ಆಫ್ಘಾನಿಸ್ತಾನ 249 ರನ್ ಸಿಡಿಸಿತು. ರಹಮತ್ ಶಾ 72 , ಇಸಾನುಲ್ಹಾ ಶಾಹ 45, ಹಶ್ಮತುಲ್ಹಾ ಶಾಹಿದಿ 37 ರನ್‌ಗಳ ಕಾಣಿಕೆ ನೀಡಿದರು.