ಯಶ್ ನಟನೆಯ ಕೆಜಿಎಫ್ 2 ಟೀಸರ್ 20 ಕೋಟಿ ವೀಕ್ಷಣೆ!
ಸಾರಾಂಶ
ಹೊಸ ದಾಖಲೆ ಸೃಷ್ಟಿಸಿದ ಯಶ್ ಸಿನಿಮಾದ ಟೀಸರ್. ಎಲ್ಲಿ ನೋಡಿದರೂ ರಾಕಿ ಬಾಯ್ಗೆ ಜೈಕಾರ.
ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ 2 ಟೀಸರ್ ಇದೀಗ 200 ಮಿಲಿಯನ್ ವೀಕ್ಷಣೆ ದಾಖಲಿಸಿದೆ. ಈ ಮೂಲಕ ಅತ್ಯಧಿಕ ವೀಕ್ಷಣೆ ಕಂಡ ಜಾಗತಿಕ ಸಿನಿಮಾಗಳ ನಡುವೆ ಪ್ರಮುಖ ಸ್ಥಾನ ಪಡೆದುಕೊಂಡಿದೆ. ಯಶ್ ಮತ್ತು ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಸೋಷಿಯಲ್ ಮೀಡಿಯಾದಲ್ಲಿ ಈ ವಿಚಾರ ರಿವೀಲ್ ಮಾಡಿದ್ದು, ಕೆಜಿಎಫ್ನ ಹೊಸ ಮೈಲುಗಲ್ಲಿನ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ.
ಟಾಲಿವುಡ್ಗೆ ಯಶ್ ಎಂಟ್ರಿ ? ಡೈರೆಕ್ಟರ್ ಯಾರು ?
‘ನಿಮ್ಮೆಲ್ಲರ ವಿಶ್ವಾಸ, ಬೆಂಬಲದಿಂದ ನಮ್ಮ ದೈತ್ಯನನ್ನು ಸಾಟಿಯೇ ಇಲ್ಲದ ಕೆಚ್ಚೆದೆಯಿಂದ ಮುನ್ನುಗ್ಗುವಂತೆ ಮಾಡುತ್ತಿದ್ದೀರಿ,’ಎಂದು ನೀಲ್ ಟ್ವೀಟ್ ಮಾಡಿದ್ದಾರೆ. ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ನಿರ್ಮಾಣದ ಕೆಜಿಎಫ್ 2ನ ಈ ಹೊಸ ದಾಖಲೆ ಇದೀಗ ವೈರಲ್ ಆಗುತ್ತಿದ್ದು , ಸಿನಿಮಾದ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.
ಅಲ್ಲದೇ ಬೆಂಗಳೂರು ನೈಸ್ ರಸ್ತೆಯಲ್ಲಿ ಕಾರ್ ರೇಸಿಂಗ್ ಚಿತ್ರೀಕರಣ ನಡೆಯುತ್ತಿದೆ. 6 ದಿನಗಳ ಕಾಲ ಚಿತ್ರೀಕರಣ ನಡೆಯಲಿದ್ದು ಒಂದು ದಿನಕ್ಕೆ ಬರೋಬ್ಬರಿ 1 ಕೋಟಿ ರೂ. ಬಂಡವಾಳ ಹಾಕಬೇಕಿದೆ ಎಂದಿದ್ದಾರೆ. ಅಲ್ಲದೆ ಹೊರ ರಾಜ್ಯದಿಂದ ಸ್ಪೆಷಲ್ ಕಾರ್ ಡಿಸೈನ್ ಮಾಡಿಸಲಾಗಿದೆ. ಇದಾದ ನಂತರ ಸಂಜಯ್ ದತ್ ಎಂಟ್ರಿ ಸಾಂಗ್ ಚಿತ್ರೀಕರಣ ಮಾಡಲಾಗುತ್ತದೆ. ಅಧೀರನ ಎಂಟ್ರಿ ಸಾಂಗ್ ನಂತರ ಕೆಜಿಎಫ್ ಚಾಪ್ಟರ್ 2 ಸಂಪೂರ್ಣ ಚಿತ್ರೀಕರಣ ಮುಕ್ತಾಯವಾಗುತ್ತದೆ. ಟೀಸರ್ ಈ ಮಟ್ಟದ ದಾಖಲೆ ಮಾಡಿದೆ ಅಂದ ಮೇಲೆ ಸಿನಿಮಾ ಮತ್ತೊಂದು ಹಿಟ್ ಎಂಬ ಈಗಲೇ ಚರ್ಚೆ ಶುರುವಾಗಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.