ಯುದ್ಧ ಬೇಡ ಸಿನಿಮಾ ನೋಡೋಣ: ಅಡ್ವಾನ್ಸ್ ಟಿಕೆಟ್​ ಬುಕ್ಕಿಂಗ್​​ನಲ್ಲಿ ದಾಖಲೆ ಬರೆದ 45 ಸಿನಿಮಾ

ಸ್ಯಾಂಡಲ್​ವುಡ್​ನಲ್ಲಿ ಈಗ ಯುದ್ಧದ ಕಾರ್ಮೋಡ ಕವಿದಿದೆ.. ಈ ಯುದ್ಧ ಯಾರ ಮೇಲೆ..? ಯಾಕೆ..? ಆದ್ರೆ ಯುದ್ಧ ಮಾಡೋರು ಮಾಡಿಕೊಳ್ಳಲಿ. ನಾವು ಸಿನಿಮಾ ಮಾಡಿ ಗೆಲ್ಲೋಣ ಅಂತ 45 ಸ್ಟಾರ್ಸ್ ಸೈಲೆಂಟ್ ಆಗಿ ಮುನ್ನುಗ್ಗುತ್ತಿದ್ದಾರೆ.

ಸ್ಯಾಂಡಲ್​ವುಡ್​ನಲ್ಲಿ ಈಗ ಯುದ್ಧದ ಕಾರ್ಮೋಡ ಕವಿದಿದೆ.. ಈ ಯುದ್ಧ ಯಾರ ಮೇಲೆ..? ಯಾಕೆ..? ಅನ್ನೋದು ಅವರವರಿಗೇ ಗೊತ್ತು.. ಆದ್ರೆ ಯುದ್ಧ ಮಾಡೋರು ಮಾಡಿಕೊಳ್ಳಲಿ. ನಾವು ಸಿನಿಮಾ ಮಾಡಿ ಗೆಲ್ಲೋಣ ಅಂತ 45 ಸ್ಟಾರ್ಸ್ ಸೈಲೆಂಟ್ ಆಗಿ ಮುನ್ನುಗ್ಗುತ್ತಿದ್ದಾರೆ. ಸೌಂಡ್ ಮಾಡೋದು ವೇದಿಕೆ ಮೇಲಲ್ಲಾ ಥಿಯೇಟರ್​​ನಲ್ಲಿ ಅಂತ ಟಿಕೆಟ್​ ಬುಕ್ಕಿಂಗ್ ಮೂಲಕ ಹೇಳ್ತಾ ಇದ್ದಾರೆ. ಹಾಗಾದ್ರೆ 45 ಮೂವಿ ಟಿಕೆಟ್​ ಬುಕ್ಕಿಂಗ್ ಹೇಗಿದೆ..? ಈ ಸಿನಿಮಾ ಕಡೆ ಪ್ರೇಕ್ಷಕನ ಒಲವು ಹೇಗಿದೆ.

ಸ್ಯಾಂಡಲ್​ವುಡ್​​ನಲ್ಲಿ ಯುದ್ಧದ ವಿಚಾರ ಕೋಲಾಹಲ ಎಬ್ಬಿಸಿದೆ. ಪೈರಸಿಯ ಯುದ್ಧದ ಬಗ್ಗೆ ಕಿಚ್ಚ ಸುದೀಪ್ ಮಾತನಾಡಿದಕ್ಕೆ ತರಹೇವಾರಿ ಬಣ್ಣಗಳು ಹಚ್ಚಿ ಎಲ್ಲರ ಅಟೆಕ್ಷನ್​​ಅನ್ನ ಯುದ್ಧಕ್ಕೆ ತಿರುಗಿಸಲಾಗಿದೆ. ಆದ್ರೆ ಸ್ಯಾಂಡಲ್​ವುಡ್​​ನ ಸೂಪರ್ ಸ್ಟಾರ್​ ಡಾಕ್ಟರ್ ಶಿವರಾಜ್ ಕುಮಾರ್​, ರಿಯಲ್ ಸ್ಟಾರ್ ಉಪೇಂದ್ರ ಹಾಗು ರಾಜ್ ಬಿ ಶೆಟ್ಟಿ ಈ ಯುದ್ಧವೆಲ್ಲ ಸೈಡಿಗಿರ್ಲಿ ಜನ ಥಿಯೇಟರ್​ಗೆ ಬಂದು ಸಿನಿಮಾ ನೋಡಿ ಅನ್ನೋ ಮೆಸೆಜ್​​ ಪಾಸ್ ಮಾಡಿದ್ದಾರೆ. ಅದು 45 ಸಿನಿಮಾದ ಟಿಕೆಟ್​ ಬುಕ್ಕಿಂಗ್​​​ ಮೂಲಕ. ಯೆಸ್​, ಈಗ 45 ಸಿನಿಮಾ ಬಗ್ಗೆ ಪ್ರೇಕ್ಷಕ ತಲೆ ಕಡೆಸಿಕೊಂಡಿದ್ದಾನೆ. ಈ ಸಿನಿಮಾದ ಟ್ರೈಲರ್​​​ ಸಿನಿ ಭಕ್ತ ಗಣವನ್ನ ಸಿನಿಮಾ ನೋಡುವಂತೆ ಕೆಣಕಿದೆ.

ಹೀಗಾಗಿ 45ಗಾಗಿ ಪ್ರೇಕ್ಷಕ ಮುಗಿ ಬೀಳೋ ಹಾಗಾಗಿದೆ. ಟಿಕೆಟ್​ ಬುಕ್ಕಿಂಗ್​​​​​ ನಲ್ಲಿ 45 ಸಿನಿಮಾ ಹೊಸ ಇತಿಹಾಸ ಬರೆದೆ. ಡಿಸೆಂಬರ್​ 25ಕ್ಕೆ ವರ್ಲ್ಡ್​ ವೈಡ್​ ರಿಲೀಸ್ ಆಗೋ 45 ವರ್ಲ್ಡ್​ ನೋಡೋಕೆ ಒಂದು ದಿನ ಮೊದಲೇ ಬೇಡಿಕೆ ಹೆಚ್ಚಾಗಿದೆ. ಒಂದು ದಿನ ಮೊದಲೇ ಕರ್ನಾಟಕದಾದ್ಯಂತ 45 ಪೈಯ್ಡ್​ ಪ್ರೀಮಿಯರ್ ಶೋ ಹಾಕಲಾಗಿದ್ದು, ಎಲ್ಲಾ ಶೋಗಳ ಟಿಕೆಟ್​ಗಳು ಬುಕ್​ ಆಗಿವೆ. ಒಂದ್ ಕಡೆ ಪೈರೆಸಿ ಕಾಟ.. ಇದಕ್ಕಾಗೆ ಕಿಚ್ಚ ಯುದ್ಧಕ್ಕೆ ಸಿದ್ಧರಾಗಿ ಅಂದಿದ್ದಾರಂತೆ. ಆದ್ರೆ ಆ ಭಯ ಇಲ್ಲದೇ 45 ಸಿನಿಮಾ ಒಂದು ದಿನ ಮೊದಲೇ ಬೆಂಗಳೂರಿ 30 ಕಡೆ ಪೈಯ್ಡ್ ಪ್ರೀಮಿಯರ್ ಶೋ ಹಾಕಿದ್ದಾರೆ. ಈ ಎಲ್ಲಾ ಪ್ರದರ್ಶನದ ಟಿಕೆಟ್​ಗಳು ಬಿಕರಿ ಆಗಿದೆ.

ಬೆಂಗಳೂರಿನ 30 ಕಡೆ 45 ಪೈಯ್ಡ್ ಪ್ರೀಮಿಯರ್​ ಶೋ

ಅಷ್ಟೆ ಅಲ್ಲ 45 ಸಿನಿಮಾ ಇರೋ ಎಲ್ಲಾ ಚಿತ್ರಮಂದಿರಗಳಲ್ಲಿ ಫಾಸ್ಟ್ ಫಿಲ್ಲಿಂಗ್ ಆಗ್ತಾ ಇದೆ. ‘45’ ಸಿನಿಮಾ ಡಿಸೆಂಬರ್ 24ರ ರಾತ್ರಿಯೇ ಶೋ ಪ್ರದರ್ಶನ ಮಾಡುತ್ತಿದೆ. ಡಿಸೆಂಬರ್ 24ರ ರಾತ್ರಿಯೇ ವಿಶೇಷ ಶೋ ಅನ್ನು ‘45’ ಚಿತ್ರತಂಡ ಆಯೋಜಿಸಿದ್ದು ರಾತ್ರಿ 7 ಗಂಟೆಗೆ ಕೆಲವೆಡೆ, 7:30ಕ್ಕೆ ಕೆಲವೆಡೆ ಶೋಗಳು ಪ್ರದರ್ಶನಗೊಳ್ಳಲಿವೆ. ಅಷ್ಟೆ ಅಲ್ಲ 45 ದೊಡ್ಡ ಕ್ಯಾನ್ವಸ್ ಸಿನಿಮಾ ಆಗಿದ್ರು ಟಿಕೆಟ್ ದರ ಕೂಡ ನಾಮರ್ಲ್​ ಆಗಿದೆ. 200 ರಿಂದ 250 ರೂಪಾಯಿಗೆ 45 ಟಿಕೆಟ್​ಗಳು ಸಿಗುತ್ತಿವೆ. ಹೇಳಿ ಕೇಳಿ 45 ಸಿನಿಮಾದಲ್ಲಿ ಮೂವರು ದಿಗ್ಗಜರು ಮೇಳೈಸಿದ್ದಾರೆ. ಅರ್ಜುನ್ ಜನ್ಯಾ ಕೈ ಚಳಕ ಜೋರಾಗೆ ಆಗಿದ್ದು, ಬಿಗ್​ ಬಜೆಟ್​ನಲ್ಲಿ ರಮೇಶ್ ರೆಡ್ಡಿ ನಿರ್ಮಾಣ ಮಾಡಿದ್ದಾರೆ. ಹೀಗಾಗಿ ಈ ಸಿನಿಮಾ ಮೇಲೆ ಸಹಜವಾಗಿಯೇ ನಿರೀಕ್ಷೆ ಇದೆ.