ದಾಖಲೆಯ ವೇತನದ ಮೂಲಕ ಆಕ್ಸಿಸ್ ಬ್ಯಾಂಕ್ ಡೆಪ್ಯುಟಿ ಮ್ಯಾನೇಜರ್‌ ಆದ ಹೈದರಾಬಾದ್‌ NMIMS ವಿದ್ಯಾರ್ಥಿನಿ!

NMIMS ಹೈದರಾಬಾದ್‌ನ 2023 ಬ್ಯಾಚ್‌ನ ಬ್ಯಾಚುಲರ್ಸ್ ಆಫ್ ಬ್ಯುಸಿನೆಸ್ ಅಡ್ಮಿನಿಸ್ಟ್ರೇಷನ್ (BBA) ವಿದ್ಯಾರ್ಥಿನಿ ಮಲಿಸ್ಸಾ ಫರ್ನಾಂಡಿಸ್ ಅವರು 10.05 ಲಕ್ಷದ ದಾಖಲೆಯ ವೇತನ ಪ್ಯಾಕೇಜ್ ಅನ್ನು ಗಳಿಸುವ ಮೂಲಕ ಸುದ್ದಿಯಲ್ಲಿದ್ದಾರೆ.  ಆಕ್ಸಿಸ್ ಬ್ಯಾಂಕ್   ಮಾಲಿಸ್ಸಾ ಫರ್ನಾಂಡಿಸ್ ಅವರನ್ನು ಕಾರ್ಪೊರೇಟ್ ಕಮ್ಯುನಿಕೇಶನ್‌ನ ಉಪ ವ್ಯವಸ್ಥಾಪಕರಾಗಿ ನೇಮಿಸಿದೆ. 

NMIMS ಹೈದರಾಬಾದ್ ನಿರ್ದೇಶಕರಾದ ಡಾ.ಸಿದ್ಧಾರ್ಥ ಘೋಷ್ ಅವರು ಮಲಿಸ್ಸಾ ಫರ್ನಾಂಡಿಸ್ ಅವರ ಸಾಧನೆಗಾಗಿ ಅಭಿನಂದಿಸಿದ್ದಾರೆ. ಅವರು ಡಾ. ಆಶಿಶ್ ಬಿಸ್ವಾಸ್, ಕಾರ್ಯಕ್ರಮದ ಅಧ್ಯಕ್ಷರು ಮತ್ತು NMIMS ಹೈದರಾಬಾದ್‌ನಲ್ಲಿ ಪ್ಲೇಸ್‌ಮೆಂಟ್ ತಂಡದ ಆಶಿಶ್ ಪಾಲ್ ಅವರ ಪ್ರಯತ್ನಗಳಿಗಾಗಿ ಶ್ಲಾಘಿಸಿದ್ದಾರೆ.

NMIMS ಹೈದರಾಬಾದ್‌ನಲ್ಲಿ ನಾವು ನಮ್ಮ ವಿದ್ಯಾರ್ಥಿಗಳಿಗೆ ಸವಾಲುಗಳನ್ನು ಎದುರಿಸಲು, ನಿರ್ಭಯವಾಗಿ ಆವಿಷ್ಕರಿಸಲು ಮತ್ತು ಜಗತ್ತಿಗೆ ಅರ್ಥಪೂರ್ಣವಾಗಿ ಕೊಡುಗೆ ನೀಡಲು ಸಶಕ್ತಗೊಳಿಸುವ ವಾತಾವರಣವನ್ನು ನಾವು ಒದಗಿಸಿ ಕೊಡಲು ಬದ್ಧರಾಗಿದ್ದೇವೆ ಎಂದು  ಬಿಸ್ವಾಸ್ ಹೇಳಿದ್ದಾರೆ. ಅಂದರೆ ಡಾ ಬಿಸ್ವಾಸ್ ಪ್ರಕಾರ NMIMS (narsee monjee institute of management studies) 360-ಡಿಗ್ರಿ ಸಮಗ್ರ ಕಲಿಕೆಯ ಅನುಭವವನ್ನು ಒದಗಿಸುತ್ತದೆ.

ಇತ್ತೀಚೆಗೆ, ಉತ್ತರ ಪ್ರದೇಶದ ಹುಡುಗಿ ಸೃಜನ್ ಅಗರ್ವಾಲ್ ಯುಎಸ್ ಟೆಕ್ ದೈತ್ಯ ಮೈಕ್ರೋಸಾಫ್ಟ್ನಲ್ಲಿ 50 ಲಕ್ಷ ರೂಪಾಯಿಗಳ ಬೃಹತ್ ಪ್ಯಾಕೇಜ್‌ನೊಂದಿಗೆ ಕೆಲಸ ಮಾಡುವ ಮೂಲಕ ಇತಿಹಾಸವನ್ನು ಸೃಷ್ಟಿಸಿದ್ದಾರೆ.   ಸೃಜನ್ ಅಗರ್ವಾಲ್ ಕಾನ್ಪುರದ ಡಾ ಅಂಬೇಡ್ಕರ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಫಾರ್ ಹ್ಯಾಂಡಿಕ್ಯಾಪ್ಡ್ (AITH) ನ ವಿದ್ಯಾರ್ಥಿಯಾಗಿದ್ದಾರೆ. ಅವರು ಎಐಟಿಎಚ್‌ನಿಂದ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಬಿಟೆಕ್ ಮಾಡಿದ್ದಾರೆ.

ಸೃಜನ್ ಅಗರ್ವಾಲ್ ಅವರ ಲಿಂಕ್ಡ್‌ಇನ್ ಪ್ರೊಫೈಲ್ ಪ್ರಕಾರ, ಸೃಜನ್ ಅಗರ್ವಾಲ್ ಅವರು ತಮ್ಮ ಬಿ.ಟೆಕ್ ಕೋರ್ಸ್‌ನ ಎರಡನೇ ವರ್ಷದಲ್ಲಿ ಮೈಕ್ರೋಸಾಫ್ಟ್‌ನಲ್ಲಿ ಇಂಟರ್ನ್ ಆಗಿ ಕೆಲಸ ಮಾಡಿದ್ದರು. ಸೃಜನ್ ಅಗರ್ವಾಲ್ ಬೆಂಗಳೂರಿನಿಂದ ಇಂಟರ್ನ್‌ಶಿಪ್ ಮುಗಿಸಿದ್ದರು ಮತ್ತು ಈಗ ಮೈಕ್ರೋಸಾಫ್ಟ್ ಆಕೆಗೆ 50 ಲಕ್ಷ ರೂಪಾಯಿಗಳ ಉದ್ಯೋಗ ಪ್ಯಾಕೇಜ್ ನೀಡಿದೆ.

ಸೃಜನ್ ಅಗರ್ವಾಲ್ ಉತ್ತರ ಪ್ರದೇಶದ ಹತ್ರಾಸ್‌ನ ಘಂಟಾಘರ್ ನಿವಾಸಿ. ಸೃಜನ್ ಅಗರ್ವಾಲ್ ಅವರ ತಂದೆ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರೆ, ತಾಯಿ ಗೃಹಿಣಿ.